4 years ago
June 28, 2020
एजेन्सी – जर्मन फुटबलको शीर्ष श्रेणी लिग बुन्डेसलिगाको अन्तिम चरण गोलवर्षासँगै अन्त्य भएको छ । अन्तिम चरणका ९ खेलमा ३४ गोल सम्भव भएको छ । अन्तिम चरणको खेलबाट रेलिगेसनमा पर्ने टोली र च्याम्पियन्स लिग खेल्ने टोलीको पनि टुंगो लागेको छ । वेर्डर ब्रेमेनले फराकिलो जित दर्ता गर्दै रेलिगेसन टारेर प्लेअफमा स्थान बनाउन सफल रहयो । […]
एजेन्सी – जर्मन फुटबलको शीर्ष श्रेणी लिग बुन्डेसलिगाको अन्तिम चरण गोलवर्षासँगै अन्त्य भएको छ । अन्तिम चरणका ९ खेलमा ३४ गोल सम्भव भएको छ ।
अन्तिम चरणको खेलबाट रेलिगेसनमा पर्ने टोली र च्याम्पियन्स लिग खेल्ने टोलीको पनि टुंगो लागेको छ । वेर्डर ब्रेमेनले फराकिलो जित दर्ता गर्दै रेलिगेसन टारेर प्लेअफमा स्थान बनाउन सफल रहयो । यस्तै बोरुसिया मोन्चेनग्लाडबाकले च्याम्पियन्स लिगमा स्थान पक्का गरेको छ ।
लिग च्याम्पियन बनिसकेको बायर्नले वल्फ्सबर्गमाथि ४-० को जित दर्ता गर्ने क्रममा लिगमा १ सय गोल समेत पूरा गर्यो । बायर्नको जितमा किंग्सले कोमन, माइकल कुइसान्स, रोबर्ट लेवान्डोस्की र थोमस मुलरले गोल गरे । लेवान्डोस्कीले एकै सिजनमा ३४ गोल गर्दै लिगको सर्वाधिक गोलकर्ताको उपाधि समेत जिते ।
मोन्चेनग्लाडबाकले हर्था बर्लिनमाथि २-१ को जित दर्ता गर्दै चौथो स्थान हासिल गर्यो । ग्लाडबाकले ३४ खेलमा ६५ अंकसहित सिजनको अन्त्य गर्यो । बायर लेभरकुसनले ३४ खेलमा ६३ अंक जोड्दै च्याम्पियन्स लिगको स्थान २ अंकले गुमायो । अन्तिम दिन माइन्जमाथि १-० को जित दर्ता गरेको लेभरकुसनले युरोपा लिग खेल्नेछ ।
यस्तै रेलिगेसन क्षेत्रमा वेर्डर ब्रेमेनले अन्तिम दिन एफसी कोल्नमाथि ६-१ को जित निकाल्दै प्लेअफमा स्थान बनायो । फोर्चुना डुसेलडर्फ भने युनियन बर्लिनसँग ३-० को हार बेहोर्दै दोस्रो श्रेणीमा घटुवा भएको छ । ब्रेमेनको ३४ खेलमा ३१ अंक रहँदा डुसेलडर्फले ३४ खेलमा ३० अंक जोड्न सक्यो ।
लिगको पुछारमा रहेको पाडेर बर्न ३४ खेलमा २० अंकसहित यसअघि नै घटुवा हुने पक्का भइसकेको थियो । पाडेरबर्नले लिगको अन्तिम खेलमा आइनट्राक्ट फ्रान्कफर्टसँग ३-२ को हार बेहोर्यो ।
लिगको दोस्रो स्थानमा रहेको बोरुसिया डर्टमुन्डले घरेलु मैदानमा होफेनहाइमसँग ४-० को लज्जास्पद हार बेहोर्यो । आन्द्रे क्रामारीच एक्लैले ४ गोल गरेपछि डर्टमुन्ड पराजित भएको हो । युवा खेलाडीलाई पहिलो रोजाईमा अवसर दिएको डर्टमुन्डले दोस्रो हाफमा सुधारिएको प्रदर्शन गरेपनि पहिलो हाफमै ह्याट्रिक गरेका क्रामारिचको गोल फर्काउन भने सकेन ।
कोरोना संक्रमणपछि सुचारु भएको लिगमा खराब प्रदर्शन गरेको साल्केले अन्तिम खेलमा पनि खराब प्रदर्शन गर्यो । फ्राईबर्गको मैदानमा डेविड वाग्नरको टोलीले ४-० को हार बेहोर्यो । एक समय युरोपेली प्रतियोगिता छनोटका लागि सुदृढ अवस्थामा देखिएको साल्के लगातार हारले अंक तालिकाको पछिल्लो हाफमा पुगेको थियो । टोलीले ३४ खेलमा ३९ अंकसाथ १२ औं स्थानमा रहेर लिग अन्त्य गर्यो ।
लिगका अन्य खेलमा अग्स्बर्गले घरेलु मैदानमा आरबी लाइप्जिगसँग २-१ को हार बेहोर्यो । लाइप्जिगका लागि क्लब छाड्न लागेका फरवार्ड टिमो वेर्नरले अन्तिम खेलमा गोल गर्दै इतिहास रचे । उनी क्लबका लागि करिअरमा ९५ गोल गर्दै सर्वाधिक गोलकर्ता समेत बने ।
लिगको अंक तालिका :
March 28, 2024
हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]