4 years ago
June 28, 2020
एजेन्सी – स्पेनिस क्लब रियल म्याड्रिडबाट लोनमा आएका मिडफिल्डर ड्यानी सेबालोसले इन्ज्युरी समयमा गोल गरेपछि आर्सनलले एफए कपको क्वाटरफाइनलमा सेफिल्ड युनाइटेडलाई २-१ ले पराजित गरेको छ । सेफिल्डको घरेलु मैदानमा आर्सनलले खेलको २५ औं मिनेटमा नै अग्रता लिएको थियो । क्रिस बासामले फरवार्ड एलेक्जेन्डर लाकाजेटलाई पेनाल्टी क्षेत्रभित्र लडाएपछि रेफ्रीले पेनाल्टी दिएका थिए । निकोलस पेपेले […]
एजेन्सी – स्पेनिस क्लब रियल म्याड्रिडबाट लोनमा आएका मिडफिल्डर ड्यानी सेबालोसले इन्ज्युरी समयमा गोल गरेपछि आर्सनलले एफए कपको क्वाटरफाइनलमा सेफिल्ड युनाइटेडलाई २-१ ले पराजित गरेको छ ।
सेफिल्डको घरेलु मैदानमा आर्सनलले खेलको २५ औं मिनेटमा नै अग्रता लिएको थियो । क्रिस बासामले फरवार्ड एलेक्जेन्डर लाकाजेटलाई पेनाल्टी क्षेत्रभित्र लडाएपछि रेफ्रीले पेनाल्टी दिएका थिए । निकोलस पेपेले उक्त अवसरलाई सदुपयोग गर्दै आर्सनललाई अगाडी बढाए ।
निर्धारित ९० मिनेट खेलको ३ मिनेट बाँकी रहँदा सेफिल्ड खेलमा फर्कियो । डेविड मक्गोल्ड्रीकले घरेलु टोलीका लागि बराबरी गोल गर्दै खेललाई अतिरिक्त समयतर्फ धकेल्ने संकेत दिएका थिए । तर, सेबालोसले इन्ज्युरी समयमा गोल गर्दै आर्सनललाई सेमिफाइनलमा पुर्याए ।
यसअघि शनिबारको खेलमा म्यान्चेस्टर युनाइटेडले अतिरिक्त समयमा पुगेको खेलमा नर्विच सिटीलाई २-१ ले नै पराजित गरेको थियो । बाँकी क्वाटरफाइनल खेलहरु शनिबार नै हुनेछन् । लेस्टर सिटीले चेल्सीको अतिथ्यता गर्दा म्यानचेस्टर सिटीले न्युकासल युनाइटेडको मैदानमा खेल्नेछ ।
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]
April 25, 2024
एजेन्सी – इंग्लिस प्रिमियर लिगको उपाधि दौडमा रहेको लिभरपुल बुधबारको खेलमा स्तब्ध भएको छ।एभर्टनले लिभरपुललाई २- ० ले हराएको छ । जितपछि एभर्टनको रेलिगेसनबाट जोगिने सम्भावना बलियो भएको छ । टोली ३३ अंकसहित १६औं स्थानमा छ। लिग जित्ने लिभरपुलको सम्भावना कमजोर बनेको छ । एभर्टनले आफ्नो घरेलु मैदानमा लिभरपुललाई सन् २०१० को अक्टोबरपछि पहिलो पटक […]