एजेन्सी –ला लिगामा मंगलबार एट्लेटिको म्याड्रिडसँग २–२ को बराबरी खेलेपछि बार्सिलोनाको उपाधि यात्रा कठिन देखिएको छ । टोलीका महत्त्वपूर्ण सदस्य मध्येका एक सर्जियो बुस्केट्सले पनि उपाधि यात्रा कठिन भएपनि प्रयास भने जारी राख्ने बताएका छन् ।

बार्सिलोनो भन्दा शीर्षस्थानमा रहेको रियल म्याड्रिडको १ अंक बढी छ । त्यस्तै बार्सिलोनाको भन्दा रियलले १ खेल कम खेलेको छ । जसले बार्सिलोनालाई अझै पछाडि छाड्ने अवसर रियलसँग छ ।

‘उपाधिका लागि कठिन भएको छ । रियलले हामीबाट धेरै फाइदा पाएको छ,’ उनले भने,’ यद्दपी गणतिय सम्भावना अझै बाँकी छ । यात्रा कठिन छ भन्ने थाहा छ तर हामी प्रयास भने गर्ने छ । ‘

बार्सिलोनासँगको खेलमा एट्लेटिकोले २ वटा पेनाल्टी पाएको थियो । त्यमा भने बुस्केट्सले विवाद गर्न चाहेनन् । ‘उनीहरु कठिन प्रतिद्वन्द्वी हुन । ती पेनाल्टी हाम्रा लागि सजाय भए,’ उनले भने, ‘हरेक टोलीले भिएआर आफ्नो पक्षमा नतिजा चाहन्छन् । पेनाल्टीका बारेमा मलाइ खासै जानकारी भएन । म त्यसका बारेमा यसै भन्न सक्दिन ।’

रियल उपाधिका बाटोमा निकै मजबुद रहेको बुस्केट्सले बताएका छन् । ‘अहिले हेर्दा रियलले अंक गुमाउने सम्भावना कम छ,’ उनले भने, ‘ उनीहरुले एकदमै राम्रो खेलिरहेका छन् । अन्तिम समयसम्म पनि हामीले मिहिनेत गर्न भने छाड्ने छैनौं ।’