default_image

4 years ago

July 1, 2020

बार्सिलोनामा ‘भिलेन’ बनेका सराबिया

एजेन्सी – क्याटलान क्लब बार्सिलोनाका लागि पछिल्लो केहि दिन सुखद रहन सकेको छैन । क्लबमा खेलाडी र प्रशिक्षकबीच विवादका कारण  मैदानभित्र प्रदर्शनमा असर परेको टिप्पणी हुन थालेको छ । यस विवादको चुरो भने क्लबका शीर्ष खेलाडी र सहायक प्रशिक्षक एडर सराबियाबीच बढ्दो तिक्तता रहेको छ । बार्सिलोनाले सेल्टा भिगोको मैदानमा २-२ को बराबरी खेलेपछि रियल […]

36 views

0 Bookmark

एजेन्सी – क्याटलान क्लब बार्सिलोनाका लागि पछिल्लो केहि दिन सुखद रहन सकेको छैन । क्लबमा खेलाडी र प्रशिक्षकबीच विवादका कारण  मैदानभित्र प्रदर्शनमा असर परेको टिप्पणी हुन थालेको छ । यस विवादको चुरो भने क्लबका शीर्ष खेलाडी र सहायक प्रशिक्षक एडर सराबियाबीच बढ्दो तिक्तता रहेको छ ।

बार्सिलोनाले सेल्टा भिगोको मैदानमा २-२ को बराबरी खेलेपछि रियल म्याड्रिडलाई शीर्ष स्थानमा स्पष्ट अग्रता लिने अवसर जुरेको थियो । उक्त खेलमा अन्तिम समयतिर खेलाडी परिवर्तन गरेको विषयमा क्लबका खेलाडी र प्रशिक्षण टोलीबीच खेल सकिएपछि ड्रेसिङ रुममा वादविवाद भएको खबर पनि बाहिरियो ।

विशेषगरी कप्तान लिओनेल मेस्सी र लुइस सुआरेजले सार्वजनिक रुपमा नै क्लबका प्रशिक्षकको आलोचना गर्नुले क्लबमा समस्या रहेको प्रष्ट पारेको छ । खेलको समयमा पनि खेलाडीहरुको व्यवहारले यसलाई थप पुष्टि गरेको छ । सेल्टाविरुद्ध बराबरीपछि प्रशिक्षणका क्रममा पनि खेलाडी र प्रशिक्षण टोलीबीच यस विषयमा लामो छलफल भएको बुझिएको छ ।

खेलाडीहरुले प्रशिक्षण टोलीको प्राविधिक र रणनीतिक निर्णयमा असन्तुष्टि व्यक्त गरेका छन् । समस्या यहाँसम्म पुगेको छ की सार्वजनिक अन्तर्वार्तामा नै खेलाडीले प्रशिक्षकमाथि दोषारोपण गर्न थालेका छन् । बार्सिलोनामा खेलाडी र प्रशिक्षकको दुई गुट जस्तो नै बनेको छ । यो सबै विवादको मुख्य कारण भने मुख्य प्रशिक्षक सेटिन नभएर उनको सहायक एडर सराबिया र खेलाडी समक्ष उनको प्रस्तुतिलाई मानिएको छ ।

सेल्टाविरुद्ध बराबरीपछि सुआरेज र मेस्सीले खुलेर नै सराबियाको निर्णय लिने क्षमतामाथि प्रश्न उठाएका छन् । कप्तान मेस्सीले सेटिन मुख्य प्रशिक्षक रहेकाले उनीसँग नै खेलाडीले छलफल गर्ने बताएका छन् । क्लासिकोमा खेलाडीहरुको प्रदर्शनलाई लिएर सराबियाले प्रश्न उठाएपछि सुरु भएको तिक्तताले अब उग्र रुप लिएको छ ।

सेटिन आफैंले पनि खेलाडीहरुसँग यस विषयमा विशेष छलफल गरेको स्वीकारेका छन् । तर उनले हाललाई यो विषय भन्दापनि टोलीको प्रदर्शन मुख्य विषय रहेको बताए । सेल्टाविरुद्ध खेलमा कुलिङ ब्रेकका दौरान मेस्सीले सराबियालाई बेवास्ता गरेको भिडियो सार्वजनिक भएपछि घटनाले अर्को मोड लिएको छ । सेटिनले भने यस विषयमा बोल्न चाहेनन् ।

मेस्सीले सराबियालाई बेवास्ता गरेको भिडियो :

भिडियोमा सराबियाले मेस्सीलाई केहि भनिरहँदा उनले बेवास्ता गर्दै गएको देखिन्छ । पछि सुआरेजले बोलाएपछि मेस्सी फर्केपनि सराबियालाई भने बेवास्ता नै गरिरहे । खेलका दौरान सार्वजनिक रुपमा नै यस्तो व्यवहार गरेपछि प्रशिक्षण र अन्य समयमा प्रशिक्षण टोलीसँग खेलाडी असन्तुष्ट रहेको क्लब स्रोतले नै पुष्टि गरेका छन् ।

खेलाडीहरुले सराबियाले आवश्यकताभन्दा बढी बोल्ने गरेको बताएका छन् । सेटिनले पनि सराबियालाई बढी स्थान दिएको कारण खेलाडीहरु खुसी छैनन् । प्रशिक्षण मात्र नभएर खेलका दौरान पनि सराबिया सक्रिय रहंदा खेलाडीहरुको प्रदर्शनमा नै असर परेको हुनसक्छ । यसैपनि दबाबमा रहेको बार्सिलोना अन्तरिक कलहका कारण नतिजा पनि निकाल्न सकिरहेको छैन ।

को हुन् सराबिया ?

सराबियाका पिता मानु सराबिया एथलेटिक बिल्बाओका पूर्व खेलाडी हुन् । एडर आफैं पनि खेलाडी थिए तर उनले २४ वर्षको उमेरमा नै चोटका कारण संन्यास लिनुपर्यो । एडरका पिता मानुले खेलाडी छँदा नै सेटिनसँग लोग्रोनेसबाट सँगै खेलेका थिए ।

खेलाडी करिअर अगाडी बढाउन नसकेपछि प्रशिक्षक करिअरमा होमिएका एडर भिल्लारियलको युथ टोलीका प्रशिक्षक थिए । उनको कामबाट प्रभावित भएपछि सेटिनले लास पाल्मासमा प्रशिक्षक रहँदा एडरलाई आफ्नो टोलीमा समेटेका थिए । त्यसपछि बेटिसमा पुगेका यी दुई बार्सिलोनामा पनि सँगै आए ।

लास पाल्मासमा सेटिनको विश्वासपात्र बनेका सराबिया टचलाइनमा आक्रामक प्रस्तुतिका लागि प्रख्यात छन् । उनले त्यसबेला ६ पटक टचलाइनमा रातो कार्ड खाँदै १० खेल गुमाएका थिए । एडरको आक्रामक प्रस्तुति खेलमा मात्र नभएर प्रशिक्षणमा पनि रहने गर्छ, जुन बार्सिलोनाको खेलाडीलाई मन परेको छैन ।

खेल दौरान उनको व्यवहारले खेलाडीहरु रुष्ट छन् । विशेषगरी एल क्लासिकोमा खेलाडीहरुलाई टचलाइनबाट नै अपशब्द बोल्दै गालि गरेपछि विवाद सतहमा एको हो । सेटिनले सराबियाको तर्फबाट माफी मागेपनि उनको शैली भने परिवर्तन गर्न नसकिने बताएका छन् ।

सारबियाले विगतमा क्रिस्टियानो रोनाल्डोको प्रशंसा गरेको कारण पनि समर्थकहरुले उनलाई राम्रो मानेका छैनन् । यसबाहेक जिनेदिन जिदान, करीम बेन्जेमा र रियल म्याड्रिडको एकेडेमीको प्रशंसा गरेको ट्वीट पनि देखिएको छ । यसले उनीमाथि समर्थकबाट थप दबाब देखिएको छ ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.