एजेन्सी – पोर्चुगिज फरवार्ड क्रिस्टियानो रोनाल्डोले इटालियन क्लब युभेन्टसमा अनुबन्ध भएयता क्लबका लागि पहिलो पटक फ्रिकिकमा सिधै गोल गरेका छन् ।
आफ्नो व्यावसायिक फुटबल करीअरमा उत्कृष्ट फ्रिकिक प्रहारका लागि प्रख्यात रोनाल्डोले पछिल्लो दुई वर्षदेखि फ्रिकिकमा गोल गर्न सकेका थिएनन् । म्यानचेस्टर युनाइटेड र रियल म्याड्रिडको जर्सीमा सानदार फ्रिकिकका लागि चर्चित रोनाल्डोले युभेन्टसको जर्सीमा भने फ्रिकिक गोलको खाता खोल्न २ वर्ष कुर्नुपर्यो ।
रोनाल्डोले टोरिनोविरुद्ध लिगको ३० औं खेलमा फ्रिकिकमार्फत गोल गर्दै युभेन्टसलाई ३-१ को अग्रता दिलाए । खेलको ६१ औं मिनेटमा रोनाल्डोले फ्रिकिकमा सिधै गोल गरेका थिए ।
ड्यानिलोको पेनाल्टी क्षेत्रबाहिरको प्रहार ओला ऐनाको हातमा लागेपछि रेफ्रीले फ्रिकिक दिएका थिए । झन्डै २५ यार्ड टाढाबाट रोनाल्डोले फ्रिकिकलाई वालको माथिबाट टप कर्नरमा छिराउँदा गोलरक्षक सिरिगुले बचाउने कुनै अवसर पाएनन् ।
हेर्नुहोस तस्बिरमा रोनाल्डोको गोल :
