पोखरा (हाम्रो खेलकुद)– अमेरिकामा बासोबास गर्दै आएका फुटबल प्रशिक्षक प्रदिप हुमागाईले सहारा क्लब पोखरालाई आर्थिक सहयोग गरका छन् । एफसीका ए लाइसेन्स प्राप्त रुस्लान थ्री स्टारका पूर्व प्रशिक्षक समेत रहेका हुमागाईले आफ्नो लागि जुलाई ७ ‘स्पेशल डे’का रुपमा रहेकोले १ सय अमेरिकी डलर सहयोग गरेका हुन् ।

यद्दपी उनले यो स्पेशल डे का बारेमा भने खुलाउन चाहेनन् । एकेडेमीमा आश्रित बालकहरुलाई केही दिएर सम्झिन चाहेको उनले बताएका छन् । बताए । जुलाई ७ लाई स्पेशल डेका रुपमा मनाउने गरेको उनले बताए ।

थ्री स्टारलाई एक पटक लिग जिताएका हुमागाई त्यसको अर्को वर्ष अमेरिका पुगेका थिए । त्यहाँ उनले स्ट्रोडवर्ग हाई स्कुलमा र केहीस्टोन एथलेटिक क्लबमा मुख्य फुटबल प्रशिक्षकका रुपमा भूमिका निर्वाह गरिरहेका छन् । नेपाल आउँदा एकेडेमीमा आश्रित बालकहरुलाई सहयोग संगै प्रशिक्षण उनी सहारा एकेडेमी पुग्ने गरेका छन् ।

स्पेशल डे पारेर बालकहरुलाई सम्झिएर सहयोग गरेकोमा सहारा क्लबका अध्यक्ष केशव वहादुर थापाले हुमागाईलाई धन्यवाद दिएका छन् । उनको सहयोग कोभिड १९ले भएको लकडाउनले समस्यामा रहेका बालकहरुका लागि खाद्यान्नका लागि खर्च गरिने एकेडेमीका संयोजक विश्वराज बरालले बताए ।

सहारा एकेडेमी हाल विभिन्न जिल्लाका २६ जना विपन्न तथा कठिन परिस्थितीका बालकहरु आश्रित रहेका छन् । क्लवले उनीहलाई फुटबल प्रशिक्षण संगै शिक्षा र भरणपोषण गर्दै आइरहेको छ ।