विजय नेपाली, पोखरा

पटक पटक विवादमा पर्दै आएको कास्की जिल्ला फुटबल संघ (एन्फा कास्की) गत माघ देखि झन् बढी विवादको दलदलमा फसेको थियो । कास्की एन्फा विवाद मुख्य त त्यसका अध्यक्ष मिलन गुरुङको वरिपरि घुमिरहेको छ ।

२०७५ माघमा भएको छैटौँ संस्करणको मनकामना केबलकार पोखरा कपको आयव्यय सार्वजनिक नगरेको भन्दै बारम्बार विवादमा आउने गरेपनि गत माघमा लेखनाथमा भएको प्रथम गण्डकी प्रदेश मुख्य मन्त्री लिग फुटबल प्रतियोगिताबाट भने कास्की एन्फा विवाद थप पेचिलो बनेको थियो ।
एन्फा कास्कीका अध्यक्ष गुरुङले आर्थिक अनियमिताका विषयमा छानविन गर्न एन्फाको केन्द्रिय समितिले उपाध्यक्ष वीरबहादुर खड्काको संयोजकत्वमा ३ सदस्यीय समिति गठन गरेको थियो । पछिल्लो एक सातादेखि समितिले छानविन गरिरहेको छ । समितिले पत्र काटेरै छैटौं पत्र सस्करणका मनकामना केवलकार पोखरा कपको आयव्यय विवरण एन्फा कास्कीसँग मागिसकेको छ ।

छानविनलाई सहज बनाउनको अध्यक्ष गुरुङको राजीनामा माग्नु पर्नेमा निर्णयमा कास्की एन्फाका अन्य पदाधिकारी पुगेको बताइएको छ । अध्यक्ष गुरुङले राजिनामा नदिए पदाधीकारीहरुले सामुहिक राजिनामा दिने तरखर गरेका छन् । यद्यपी राजिनामाको विषयमा भने आन्तरिक रुपमा छलफल चलिरहेको जनाएको छ ।

एन्फा कास्कीले पोखरा कपका लागि गठिन गरेको विभिन्न समिति तथा उपसमिति संयोजकसहतिको नामावली समेत समितिले मागरेको छ । ‘आवश्यकता अनुसार संघको माइन्युट माग्दै छानविन सुरु गरिरहेका छन् ,’ स्रोतले भन्यो, ‘तर,अहिले सम्म पनि माइन्युट बुझाएको छैन ।’

छानविनका क्रममा ३५ लाख रुपैयाँको को हिसाब नमिलेको देखिएको स्रोतले बतायो । पोखरा कप आयोजना हुदाँ खर्च विवरणले देखिएको छैन । कतिपय खर्च अध्यक्ष गुरुङले एकल निर्णयमा खर्च गरेको देखिएको छ । चेकमा हस्ताक्षर समेत किर्ते रहेको आरोप पनि उनीमाथि लागेको छ । स्रोतले भने वास्तविकता आउन अझै बाँकी रहेको बताएको छ ।

पोखरा कपको समयमा प्रायोजन, टिकट, व्यानरलगायत सबै खाले आम्दानी र खर्च विवरणको छानविन हुने समितिले प्रष्ट पारिसकेको छ । पोखरा कपबाहेक एन्फा कास्कीले आयोजना गरेको क्लबस्तरीय लिगकम नकाउट फुटबल प्रतियोगिता, छात्रा तथा छात्र विद्यालयस्तरीय एवं महिला फुटबल प्रतियोगिता, ग्रास रुट कार्यक्रम आम्दानी खर्चको समितिले छानविन गर्नेछ ।

खड्का संयोजक रहेको छानविन समितिमा विष्णुप्रसाद पराजुली(चाटर्ड एकाउन्टेण्ट) र आनन्द रन्जित( एन्फा कास्कीका पूर्व अध्यक्ष) रहेका छन् । संयोजक खड्काले भने, ‘छानविन जारी छ । त्यसको प्रतिवेदन तयार पारेर एन्फामा बुझाइनेछ ।’