4 years ago
July 7, 2020
पोखरा (हाम्रो खेलकुद)– निकै विवाद पछि छानविन सुरु गरिएको कास्की जिल्ला फुटबल संघले २०७५ सालमा भएको छैटौँ संस्कणको मनकामना केबलकार पोखरा कपमा करिब ३५ लाख रुपैयाँको नोक्सानी भएको देखिएको छ । कास्की एन्फाका अध्यक्ष मिलन गुरुङले आर्थिक अनियमितता गरेको भन्ने गुनासोपछि एन्फाले गठन गरेको समितिले अहिले छानविन गरिरहेको छ । एन्फा कास्कीमाथि समितिले ६ विषयलाई […]
पोखरा (हाम्रो खेलकुद)– निकै विवाद पछि छानविन सुरु गरिएको कास्की जिल्ला फुटबल संघले २०७५ सालमा भएको छैटौँ संस्कणको मनकामना केबलकार पोखरा कपमा करिब ३५ लाख रुपैयाँको नोक्सानी भएको देखिएको छ ।
कास्की एन्फाका अध्यक्ष मिलन गुरुङले आर्थिक अनियमितता गरेको भन्ने गुनासोपछि एन्फाले गठन गरेको समितिले अहिले छानविन गरिरहेको छ । एन्फा कास्कीमाथि समितिले ६ विषयलाई लिएर छानविन गरिरहेको छ । जसको मुख्य विषय भनेकै २०७५ सालमा भएको मनकामना केबलकार पोखराकप रहेको छ ।
जसको आर्थिक गतिविधि अझै आएको छैन नत अहिले सम्म आयव्यय सार्वजानिक नै भएको छ । प्रतियोगिताको फाइनल सकिएपछि विजेताले उधारो पुरस्कार लिए । त्यसपछि सुस्ताएको उक्त विषय गत माघमा लेखनाथको भण्डारढिकमा भएको प्रथम मुख्य मन्त्रीकप फुटबल प्रतियोगिताबाट पुन बल्झिन थालेको हो ।
प्रतियोगिताको दौरान गण्डकी प्रदेशका सांसद् राजिव गुरुङ (दिपक मनाङे) ले प्रतियोगितामा खेलाडीको व्यवस्थापन नगरेको भन्दै कास्की एन्फाका अध्यक्ष गुरुङलाई झापड हाने पछि थप विवादमा आएको हो । एन्फाले संघमाथी छानबिन गर्न केन्द्रबाटै छानबिन समिति गठन गरेको हो । उक्त समितिले सम्भवत् आज मनकामना कपको छानबिनको टुंगो लगाउने छ ।
‘अहिले मनाकामना केबलकारको छानबिन भएको छ । प्रतियोगिता सञ्चालन गर्दा ३५ लाख घाटा देखिएको छ’ स्रोतले भन्यो । प्रतियोगिता सञ्चालन गर्दा पाउनुपर्ने रकम माग्न व्यक्ति देखि संस्था सम्म आएका छन् तर संस्थालाई बढि महत्व दिइएको स्रोतको भनाइ छ । स्रोतको अनुसार प्रतियोगिताको छानबिनको टुङ्गो आजै लाग्ने छ ।
यस्तै छानबिन समितिले प्रतियोगिता बाहेक अन्य कास्की जिल्ला लिग फुटबल प्रतियोगिता, अन्तर विद्यालय फुटबल प्रतियोगिता (जिल्ला), अन्तर विधालय फुटबल प्रतियोगिता (प्रदेश), अन्तर विधालय फुटबल प्रतियोगिता पुरुष र अन्तर विद्यालय फुटबल प्रतियोगिता महिला को कागजपत्र तथा बिल भरपाई उपलब्ध गराउन माग गरेको छ ।
यस्तै छानविन समितिले कास्की संघले सञ्चालन गर्दै आएको एकेडेमीको समेत छानबिन गर्ने भएको छ । एकेडेमीले प्रत्येक प्रशिक्षार्थीबाट मासिक १ हजार रुपैँया लिने गरेको पाइएको छ । स्रोतले बताए अनुसार उक्त विषयमा समेत छानबिन गर्ने र छिट्टै प्रतिवेदन बाहिर आउने छ ।
April 20, 2024
एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १–० ले पछि परेको स्थिति उल्ट्याएर अल फयामाथि ३–१ को सानदार पूनरागमन जित दर्ता गरेको हो । अल नासरको जितमा साडियो मानेले दुई तथा अब्दुलेह अल एम्रीले एक गोल गरे । अल फयाका फेसन […]
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]
April 19, 2024
एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]