4 years ago
July 26, 2020
काठमाडौं– हरि खड्का भन्ने बित्तिकै फुटबल स्वतः जोडिएर आउँछ । नेपाली राष्ट्रिय फुटबल टोलीका पूर्व कप्तान खड्का महिला राष्ट्रिय टोलीका पूर्व प्रशिक्षक पनि हुन् । देशका लागि सर्वाधिक अन्तर्राष्ट्रिय गोल गर्ने दुई मध्ये खड्का एक हुन् । उनले र नीराजन रायमाझीले समान १३ गोल गरेका छन् ।
दशक भन्दा लामो समययता उनीहरुको कीर्तिमान तोड्ने अर्को खेलाडी निस्केको छैन । फुटबलबाट सुरु हुने खड्काको परिचय अहिले सम्मका लागि त्यसकै वरिपरि छ । फुटबल भन्दा परको अर्को एउटा अवसरलाई चुनौतीका रुपमा स्वकार्दै तयारी गरिरहेको खड्काले हाम्रो खेलकुदलाई सुनाए ।
उनी रियालिटि डान्सिङ सोमा टेलिभिजनमा आउने तयारीमा छन् । केहि साता पछि हिमालयन टेलिभजिनमा सुरु हुने डान्सिङ विद द स्टार्स नेपाल (डिडब्लूटिएस नेपाल) का सहभागीका रुपमा खड्का आउने तयारीमा छन् । त्यसका लागि उनले अभ्यास पनि सुरु गरिसकेका छन् । खड्काको कोरिग्राफरमा युमी बलामी रहेकी छन् ।
बिबिसी इन्टरटेनमेन्टको फ्रेन्चाइज सोका रुपमा हिमालयन टेलिभिजनले कार्यक्रम उत्पादन गर्न लागेको डिडब्लूटिएस नेपालका निर्देशक लक्ष्मण पौडेलले जानकारी दिए । अलग अलग क्षेत्रमा आफुलाई प्रमाणित गरिसकेका स्टारहरुलाई समेटेर डान्सिङ स्टार गर्न लागेको जनाउँदै पौडेलले भने, ‘अलग अलग विद्याका १२ जनालाई हामीले प्रतिस्पर्धा समेटेका छौं । जसमा खेलकुदलगायत सामाजिक, मोडलिङ, गायनलगायतको क्षेत्रबाट हुनुहुन्छ ।’
खड्काले पनि अवसरलाई चुनौतीका रुपमा स्वीकार गरेको बताएका छन् । ‘भारतीय फुटबल टोलकिा पूर्व कप्तान भाइचुङ भुटियाले यस्तै डान्सिङ प्रतिस्पर्धामा भाग लिएका थिए,’ खड्काले भने, ‘ उनीबाटै प्रभावित भएर मैले पनि आट गरेको हुँ । एउटा क्षेत्रमा प्रमाणित भएर अर्को क्षेत्रको चुनौती लिन मजा आउँछ भन्ने लागेको छ । म उत्साहित छु । ’
निर्देशक पौडेलका अनुसार कार्यक्रम सुरु हुन महिना दिन जस्तो लाग्नेछ । प्रतिस्पर्धीहरुलाई हरेकलाई कोरियोग्राफर दिएर प्रतिस्पर्धाको लागि पनि तयारी सुरु भइसकेको बताइएको छ । यसअघि पूर्वकप्तान अनिल गुरुङले पनि सहभागिता जनाउने भनिएको यस कार्यक्रममा अन्तिम समयमा व्यस्तताका कारण उनले नाम फिर्ता लिएका थिए ।
दक्षिण एसियाली खेलकुद (साग) मा गत वर्ष स्वर्ण पदक जित्न नसकेपछि नैतिकताका आधारमा भन्दै उनले पदबाट राजीनामा दिएका थिए । खड्का अहिले पनि अखिल नेपाल फुटबल संघ (एन्फा) को महिला विभागको प्रमुखका रुपमा कार्यरत छन् । नेपाल प्रहरीका पूर्व सइ खड्काले नेपाल पुलिस क्लब र एनआरटीबाट सहिद स्मारक ए डिभिजन लिग जितेका थिए ।
May 15, 2024
हिमाल खरेल,बिर्तामोडचन्द्रगढी भेट्रान्स एफसी बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको सेमिफाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको खेलमा झापाको झिलझिले भेट्रान्स एफसीलाई ४–२ गोल अन्तरले पराजित गर्दै चन्द्रगढी अन्तिम चारमा प्रवेश गरेको हो । खेलको आठौँ मिनेटमा झिलझिलेका कुमार जोशीले गोल गर्दै टिमलाई अग्रता दिलाए पनि चन्द्रगढीले गोल […]
May 15, 2024
हिमाल खरेल, बिर्तामोडझापाको बिर्तामोडमा रहेको एकता स्पोर्टिङ क्लबले किशोर खेलाडीहरुबीच ११ औं एएफसी ग्रासरुट दिवस मनाएको छ । क्लबले आदर्श मैदान एकेडेमी अफ स्पोर्टसको सहकार्यमा बिर्तामोड २ बेलडाँगीमा रहेको फुटबल टे«निङ सेन्टरमा ग्रासरुट दिवस मनाएको हो ।फुटबलको विकास ग्रासरुटबाट हुन आवश्यक छ भन्ने अवधारणाका साथ क्लबले दिवस मनाएको अध्यक्ष किरण पौडेलले जानकारी दिए । क्लबले […]
May 15, 2024
एजेन्सी – लिग उपाधि जितिसकेको रियल म्याड्रिडले लालिगा अन्तर्गत गएराती सम्पन्न खेलमा देपोर्तिभो अलाभेस माथि सानदार जित दर्ता गरेको छ । रियलले अलाभेस माथि ५-० को फराकिलो जित निकालेको हो । खेलको १०औं मिनेटमा जुड बेलिङ्घमले रियाललाई अग्रता दिलाएका थिए । बक्स भित्रबाट उनले खेलेको क्रस गोलमा परिणत भएको थियो । २७औं मिनेटमा भिनिसियस जुनियरले […]
