एजेन्सी – विश्वव्यापी कोरोना महामारी पछि सुरु भएको युरोपको घरेलु लिग सम्पन्न भइसकेको छ । अब यो सिजनको च्याम्पियन्स लिगको खेलमात्रै बाँकी छ । जुन यसै महिना हुनेछ । 

च्याम्पियन्स लिगको प्रि–क्वाटरफाइनलको चार खेलहरु आ–आफ्नो घरेलु मैदानमा आयोजना हुँदैछ । त्यसपछिको सबै खेलहरु पोर्चुगलको लिस्वनमा आयोजना हुँदैछ । प्रि–क्वाटरफाइनलका बाँकी रहेका खेलहरु ७ र ८ अगस्टमा हुनेछ । इटालियन क्लब युभेन्टस र फ्रेन्च क्लब लियोन (०–१), इंग्लिस क्लब म्यानचेस्टर सिटी र स्पेनिस रियल म्याड्रिड (२–१), स्पेनिस बार्सिलोना र इटालियन नेपोली (१–१) र जर्मन ब्यार्न म्युनिख र इंग्लिस चेल्सी (३–०) बीच दोस्रो लेग हुदैछ ।

यि मध्ये इंग्लिस क्लब म्यानचेस्टर सिटी र स्पेनिस क्लब रियल म्याड्रिडबीचको खेललाई सबैभन्दा महत्त्वका साथ हेरिएको छ । सिटी र रियलको खेल इतिहाद स्टेडियममा ७ अगस्टको राति हुनेछ । प्रिमियर लिगको उपाधि लिभरपुललाई सुम्पिएको सिटीले अन्तिम खेलमा नर्विच सिटीमाथि ५–० को फराकिलो जित निकाल्दै रियलविरुद्ध तयार रहेको संकेत दिएको छ ।

यता, कोरोनापछिको ११ खेलमा अपराजित रहेर स्पेनिस ला लिगा च्याम्पियन बनेको रियलले पनि सिटीलाई आफु पुर्ण रुपमा तयार रहेको संकेत दिएको छ । कोरोना अघि औसतको प्रदर्शन गर्दा रियलले घरेलु मैदान सान्टियागो बर्नबेउमा भएको पहिलो लेगमा सिटीलाई २–१ को नतिजा सुम्पिएको थियो । तर, कोरोनापछि उत्कृष्ट प्रदर्शन गरेको रियल सिटीलाई हराउदै अघिललो चरण प्रवश गर्ने दाउमा हुनेछ ।

सिटी र रियलबीचको खेललाई बेस्ट अट्याक र बेस्ट डिफेन्सको खेल भनेर भन्न थालिएको छ । सिटीले यो सिजन १०२ गोल गर्दै जर्मन क्लब बायर्न म्युनिखको १०० गोलको कीर्तिमानलाई तोडिसकेको छ । यता, उत्कृष्ट डिफेन्सको नमुना पेश गरेको रियलले यो सिजन ला लिगामा ७० गोल गर्दा मात्रै २५ गोल आएको छ । गोलरक्षक थिवाउट कोर्टुवाले उत्कृष्ट प्रदर्शन गर्दा डिफेन्समा करुप्तान सर्जियो रामोस, मार्सेलो, फर्लान्ड मेन्डी, राफयल भरान र ड्यानी कार्भाजलको उत्कृष्ट समन्वय मिलेको थियो ।

मिडफिल्डमा क्यासमिरो, टोनी क्रुस र लुका मोड्रिच जम्दा फेडरिको भाल्भेर्डेले पनि आफुलाई रियलको पहिलो रोजाईमा पार्न सफल भएका थिउ । स्टार तथा सर्वाधिक गोलकर्ता क्रिस्टियानो रोनाल्डो नहुँदा करिम बेन्जेमाले आफुलाई प्रमाणित गर्दै सर्वाधिक गोलकर्ता बने । यति मात्र होइन । यो सिजन रियलका २१ खेलाडीले गोल गर्दै टिम भावना देखाए । रियलका २३ मध्ये दुई खेलाडी इडर मिलिटाओ र ब्राहिम डियाजले मात्रै यो सिजन गोल गर्न सकेनन् ।

बेस्ट अट्याक रहेको सिटीले १०२ गाल गर्दा ३५ गोल खाएको छ । जबकी प्रिमियर लिग च्याम्पियन लिभरपुलले ८५ गोल मात्रै गर्न सफल भएको थियो । रहिम स्ट्रलिङ २० गोल गर्दै सिटीको लागि सर्वाधिक गोलकर्ता बने । रियलका बेन्जेमा बार्सिलोनाका लियोनेल मेस्सीसँग पछि पार्दै पिचिचि ट्रफीबाट चुके ।

सिटीका लागि योसिजन स्ट्रलिङसहित १३ खेलाडीले गोल गरे । सर्जयो अगुइरो (१६), ग्याब्रियल जेसस (१४), केभिन डि ब्रुयनले (१३) र रियाद महारेजले (११) गोल गरे । बर्नाडो सिल्भा, फिल फोडेन, रोड्री हर्नान्डेज, इकेए गुन्डोगान, निकोलस ओटामेन्डी, केल वाल्कर र एमेरिक लापोर्टेले सिटीका लागि गोल गरे ।

रियलका २३ मध्ये दुई खेलाडी इडर मिलिटाओ र ब्राहिम डियाजले मात्रै यो सिजन गोल गर्न सकेनन् । पहिलो लेगमा २–१ ले पछि परेका कारण रियललाई अघिल्लो चरण प्रवेश गर्न जितबाहेक विकल्प छैन । प्रशिक्षक जिनेदिन जिदान बेन्जेमासँगै इडेन हाजार्ड, भिनिसियस जुनियर र मार्काे एसेन्सियोबाट गोलको आशवादी छन् । यता, सिटी पनि रियललाई रोक्दै अघिल्लो चरणमा पुग्ने दाँउमा हुनेछ ।