एजेन्सी – स्पेनिस क्लब भ्यालेन्सियाका विंगर फेरान टोरेस इंग्लिस क्लब म्यानचेस्टर सिटीमा अनुबन्धित भएको छ । सिटीले २० वर्षीय विंगरलाई ३७ मिलियन पाउन्डमा पाँच वर्षको लागि अनुबन्धित गरेको हो ।

जर्मन विंगर लेरोय साने बायर्न म्युनिख गएपछि सिटीले उनको स्थानमा सिटीले २० वर्षीय टोरेसलाई अनुबन्धित गरेको हो । टोरेसले यो सिजन भ्यालेन्सियाका लागि ४४ खेलमा ६ गोल गरेका थिए । सिटीमा अनुबन्ध भएपछि टोरेसले सिटीको आधिकारिक वेबसाइटमा आफु सिटीमा जोडिन पाउदा खुशी रहेको र हरेक खेलाडी अट्याकिङ टिममा खेल्न चाहने र सिटी विश्व फुटबलमा अट्याकिङ फुटबल खेल्ने टोली रहेको बताएका छन् ।

‘पेप वास्तवमै खुल्ला आक्रमक शैलीलाई प्रोत्साहत गर्दछन् । जुन म मन पराउँछु। उनी खेलाडीमा सुधार ल्याउने प्रशिक्षक हुन् । उनलाई मेरो खेलको विकास गर्नु छ । विगत १० वर्षमा सिटीले धेरै ट्रफीहरु जितेको छ । मलाई आशा छ कि मैले पनि त्यो सफलतालाई जारी राख्न भुमिका खेल्न सक्छु,’ टोरेसले सिटीको आधिकारिक वेबसाइटमा भनेका छन् ।

टोरेसलाई अनुबन्ध गर्न युरोपका उत्कृष्ट टोली रियल म्याड्रिड, बोरुसिया डर्टमुन्ड, एट्लेटिको म्याड्रिड र युभेन्टसले चासो देखाएका थिए । तर, युवा विंगर टोरेसले प्रिमियर लिग क्लब म्यानचेस्टर सिटी र पेप ग्वार्डिओलाले यो सिजनको समरमा पहिलो खेलाडी अनुबन्ध गर्न सफल भयो । प्रशिक्षक ग्वार्डिओलाले टिममा थप चार भन्दा खेलाडी अनुबन्ध गर्ने योजना बनाएका छन् ।

टोरेस ७ वर्षको उमेरमा भ्यालेन्सियामा आबद्ध भएका थिए । उनी भ्यालेन्सियाका समर्थकमाझ निकै लोकप्रिय बनेका थिए । भ्यालेन्सियाले १३ वर्ष क्लबमा रहेका टोरेसलाई भावुक बिदाई गरेको सन्देश पठाएको छ ।

भ्यालेन्सियाले ट्वीटर ह्यान्डलमा लेखेको छ, ‘हाम्रो एकेडेमीमा ७ वर्षको उमेर आएर टोरेसले एक फुटबलरको रुपमा र एक व्यक्तिको रुपमा अघि बढेको देख्दा हामी यो सबै समयमा सँगै रह्यौं । अहिले क्लब छाड्ने निर्णय गर्दै म्यानचेस्टर सिटी पुगेकोमा शुभकामना दिन चाहन्छौं ।’ समग्रमा टोरेसले भ्यालेन्सियाको पहिलो टोलीबाट ९७ खेल खेल्दै ९ गोल गरेका छन् ।

टोरेसलाई नुबन्ध गरेपछि सिटीका निर्देशक सिकी बेगिरिस्टेनले फेरानको प्रगतिलाई नजिकबाट नियालिरहेको र उनीबाट धेरै प्रभावित भएको बताएका छन् । ‘टोरेस युवा छन् र अझै विकास भइरहेको छ । उनको प्राविधिक गुण हामीले खोजेको विंगरमा जस्तै छ । उनी छिटो र छरितो छन्,’ निर्देशक टिक्सिकी बेगिरिस्टेनले भने, ‘उनी गोलको लागि अवसर सिर्जना गर्न माहिर छन् । खेल जिताउन सक्ने क्षमता छ । मलाई लाग्छ कि उनको लागि सिटी उपयुक्त ठाँउ हो । पेपको साथमा उनले आफ्नो खेललाई अर्काे चरणमा लैजान सक्छन् ।’