4 years ago
August 12, 2020
एजेन्सी – युक्रेनी क्लब साख्तर डोनेक्स युरोपा लिगको सेमिफाइनलमा प्रवेश गरेको छ । स्वीस क्लब एफसी बसेलमाथि ४–१ को सहज जित निकाल्दै साख्तरले अन्तिम चारमा स्थान पक्का गरेको हो । जर्मनीमा मंगलबार राति भएको खेलमा साख्तरको फराकिलो जितमा जुनियर मोराइस, टाइसन, एलन प्याट्रिक र डुडुले गोल गरे । बसेलका रिक्की भान वल्सविन्केलले सान्त्वना गोल फर्काए […]
एजेन्सी – युक्रेनी क्लब साख्तर डोनेक्स युरोपा लिगको सेमिफाइनलमा प्रवेश गरेको छ । स्वीस क्लब एफसी बसेलमाथि ४–१ को सहज जित निकाल्दै साख्तरले अन्तिम चारमा स्थान पक्का गरेको हो ।
जर्मनीमा मंगलबार राति भएको खेलमा साख्तरको फराकिलो जितमा जुनियर मोराइस, टाइसन, एलन प्याट्रिक र डुडुले गोल गरे । बसेलका रिक्की भान वल्सविन्केलले सान्त्वना गोल फर्काए । एकपक्षीय बनेको खेलको दोस्रो मिनेटमा नै जुनियरको गोलबाट साख्तरले खेलमा १–० को अग्रता बनाएको थियो । मार्लाेसको पासमा जुनियरले हेडमार्फत गोल गर्न सफल भएका थिए ।
२२औं मिनेटमा टाइसनले मार्लाेसकै पासमा गोल गर्दै साख्तरको अग्रता दोब्बर बनायो । टाइसनको प्रहार गोलरक्षक निकोलिकलाई डिफ्लेक्ट हुदै गोलमा परिणत भएको थियो । पहिलो हाफमा २–० को अग्रता बनाएको साख्तरले दोस्रो हाफमा थप दुई गोल गर्दा एक गोल बेहोर्न पुगेको थियो ।
६२औं मिनेटमा बसेलले पेनाल्टीको अपिल गरेपनि भिएआरले मान्यता दिएन । डुडुले एफिमिको पुलुलुलाई फल गरेको भन्दै बसेलले पेनाल्टी अपिल गरेको थियो । ७४औं मिनेटमा एलान प्याट्रिकले पेनाल्टीमार्फत गोल गर्दै साख्तरलाई सहज जिततर्फ अघि बढाए । बसेलका मर्चन्डले टाइसनलाई फल गरेपछि रेफ्रीले साख्तरलाई पेनाल्टी प्रदान गरेको थियो ।
८८औं मिनेटमा डुडुले गोल गर्दै साख्तरको फराकिलो जित पक्का गरे । इन्ज्युरी समयको थप गरिएको दोस्रो मिनेटमा रिक्की भानले गोल गर्दै बसेलाई खेलमा फर्काउने संकेत दिएपनि खेलमा फर्कन निकै ढिला भएको थियो । त्यसपछि थप गोल निस्कन नसक्दा साख्तर ४–१ ले विजयी हुदै सेमिफाइनलमा पुग्न सफल भयो ।
अब साख्तरले फाइनल प्रवेशका लागि इटालियन क्लब इन्टर मिलानसँग प्रतिस्पर्धा गर्नेछ । इन्टर मिलानले जर्मन क्लब बायर लिभरकुसनलाई २–१ ले पराजित गर्दै अन्तिम चारमा स्थान पक्का गरिसकेको छ ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]