एजेन्सी – बार्सिलोनाका अध्यक्ष जोसेप मारिया बोर्टमेउले क्लबमा परिवर्तनको संकेत गरेका छन् । च्याम्पियन्स लिगको क्वार्टरफाइनलमा शुक्रबार बायर्न म्युनिखसँग ८–२ को लज्जास्पद हार बेहोरेसँगै बार्सिलोनाको अध्यक्षले यस्तो संकेत गरेका हुन् ।

किके स्टेनलाई नयाँ प्रशिक्षकका रुप क्लबमा आबद्ध गराएसँगै अध्यक्ष बोर्टमेउको चर्को आलोचना भएको थियो । बायर्न विरुद्ध टोलीको हारमा उनले निराशा व्यक्त गरे । टोलीमा अब आमुल परिवर्तनको विकल्प नरहेको पनि उनले बताएका छन् ।

‘यो साच्चै ठूलो हार हो । म बायर्नलाई बधाई दिन्छु । उनीहरुले निकै राम्रो खेले । उनीहरु सेमिफाइनल पुग्नका लागि हकदार थिए,’ अध्यक्ष बोर्टमेउले भने, ‘हामीले कत्ति पनि राम्रो गर्न सकेनौं । त्यसको नजिक पुनि पुग्न सकेनौं ।’

अध्यक्ष बोर्टमेउले बायर्नसँगको हार टोलीका लागि ठूलो आपतको रुपमा रहेको उल्लेख गर्दै अब निर्णय लिने समय आएको बताए । ‘हामीले केहि निर्णय लिइसकेका छौं । तर आज सार्वजनिक गर्ने दिन होइन,’ उनले थपे,’ हामी बार्सिलोनाका समर्थक, सदस्य सबैसँग क्षमा चाहन्छौं । आउने दिनमा पक्कै केहि परिवर्तन सुन्नुहुन्छ ।’

कस्ता निर्णय लिइसकिएको भन्ने विषयमा भने उनले प्रष्ट पार्न चाहनेन् । ‘म निर्णयका बारेमा केहि बताउन गइरहेको छैन । केहि निर्णय प्रक्रिया सकिएको छैन’, उनले सुनाए, ‘ठूलो निर्णय लिइनेछन् । भोलीको दिन अब लिइने कदमले संकेत गर्छ । हामी अर्को साता निर्णय लिनेछौ जसले बार्सिलोनाका समर्थकहरुको मनोबल उच्च हुन मद्दत गर्नेछ ।’

पछिल्लो समय क्लबको ट्रान्सफर बजारको रणनीति, प्रशिक्षक चयन तथा खेलाडीसँग सम्बन्धका कारण नेतृत्वले आलोचना खेपिरहेको छ । कप्तान मेस्सीकै सम्झौताबारे पनि क्लबले निर्णय लिन सकिरहेको छैन ‌। अर्को वर्ष हुने चुनावमा पुन: अध्यक्ष बन्ने ल्याउने राखेका बार्टोमेउलाई भने उपाधिविहिन सिजनले निकै असर परेको छ ।