एजेन्सी – बार्सिलोना सुपर स्टार लियोन मेस्सीमाथि सधै नरम रहँदै आएको छ । मेस्सीसहित ५ खेलाडीलाई मात्र बार्सिलोनाले आउने सिजनका लागि विक्री नगर्ने सुचीमा राखेका छ ।

च्याम्पियन्स लिग क्वार्टरफाइनलमा शुक्रबार बुन्डेसलिगा च्याम्पियन बायर्न म्युनिखसँग ८–२ को लज्जास्पद हारेपछि बार्सिलोनाले टोलीमा ठूलो परिवर्तनको संकेत गरेको छ । खेलपछि टोलीका रक्षक जेरार्ड पिकेले टोलीमा व्यापक परिवर्तनको आवश्यकता औल्याएका थिए ।

एक स्पेनिस पत्रिकाका अनुसार मेस्सीसहित गोलकिपर मार्क आन्दर टेर‌ स्टेगन, डच मिडफिल्डर फ्रेन्की डी जोङ, अन्सु फाती र रिक्वी पुज अर्को सिजन बार्सिलोनाले क्लबमै राख्न चाहेको छ । पछिल्लो खबर अनुसार लुइस स्वारेज क्लबले बेच्न चाहेको ठूलो नाम हो । ला लिगाको उपविजेता टोलीले लेफट ब्याक जोर्डी अल्बालाई पनि बेच्न चाहेको छ ।

३३ वर्षे उरुग्वेली फरवार्डको क्लबसँगको सम्झौता अझै एक सिजन बाँकी रहेको छ । आउने सिजन ६० प्रतिशत खेलेको खण्डमा अर्को एक वर्ष बार्सिलोनाले उनीसँग एक वर्ष सम्झौता गर्नुपर्ने हुन्छ । त्यहाँ सम्म पुग्न सायद अब टोली नै चाहदैन ।

स्वारेजलाई विक्री गरेको खण्डमा उनको ठाँउमा इन्टर मिलानका स्टार लाउटारो मार्टिनेजलाई भित्राउन क्लबले प्रयास गर्नेछ । यसैबीच, अल्बाको प्रदर्शन पनि माथिल्लो स्तरको रहन सकेको छैन । यद्दपी क्लब र उनीबीचको सम्झौत सन् २०२४ सम्म रहेको छ । उनको रिलिज क्लज ५ सय मिलियन युरो रहेको छ । यदि उनलाई बेच्न परेको खण्डमा क्लबले विकल्पमा छलफल गर्नेछ ।

फ्रान्सेली अन्तर्राष्ट्रिय सामुइल उम्टिटी र ओसमाने डेम्बेलेलाई पनि क्लबले बेच्न चाहिर रहेको छ । उम्टिटीको खराब व्यवहार र डेम्बेलेको लगातारको चोटका कारण क्लब उनीहरुलाई विक्री गर्न चाहिरहेको बताइन्छ ।

इभान राकिटिकलाई पनि क्लबले बेच्ने मनस्थिति बनाएको छ । उनकै पूर्व टोली सेभिल्लाले उनलाई लिन चाहिरहेको छ । एन्टोनियो ग्रिजमनले पनि सोचे अनुरुपको प्रदर्शन दिन सकेका छैनन् । जसका कारण क्लब उनलाई पनि विक्री गर्ने विषयमा सोच्ने अवस्थामा पुग्न सक्छ ।
खेलाडीमा मात्र होइन बार्सिलोनाले प्रशिक्षक पनि परिवर्तन गर्ने सम्भावना छ । किके सेटिनको आगमनबाट क्लब च्याम्पियन्स लिग र ला लिगामा राम्रो गर्न सकेन ।

टोटेनहमका पूर्व प्रशिक्षक माउरिसियो पोचेटिनो बार्सिलोनाका सम्भावित प्रशिक्षकका रुपमा हेरिएको छ । तर क्लबको चीन प्रतिद्वन्द्वी इस्पान्योलमा जाने चर्चा पछि सिनियर खेलाडी र बोर्ड सदस्य उनको विपक्षमा देखिएका छन् ।

अर्कोतर्फ चाँडै क्लबले कुनै कदम नचालेको खण्डमा मेस्सी आफैले पनि क्लब छाड्ने सम्भावना रहेको छ । पिकेले पनि यदि क्लबले चाहन्छ भने आफु छाड्नका लागि तयार रहेको समेत बताएका थिए ।