4 years ago
August 18, 2020
एजेन्सी – स्पेन तथा इंग्लिस क्लब म्यानचेस्टर सिटीका मिडफिल्डर डेभिड सिल्भा झन्डै १० वर्षपछि स्पेनमा फर्किएका छन् । स्पेनिस ला लिगा क्लब रियल सोसिडाडसँग दुई वर्षको सम्झौता गर्दै सिल्भा १० वर्षपछि स्पेनिस क्लबमा फर्किएका हुन् । सिल्भा ३० जुन २०२२ सम्म सोसिडाडमा हुनेछन् ।३४ वर्षे सिल्भा २०१० मा स्पेनिस क्लब भ्यालेन्सियाबाट इंग्लिस क्लबमा पुगेका थिए […]
एजेन्सी – स्पेन तथा इंग्लिस क्लब म्यानचेस्टर सिटीका मिडफिल्डर डेभिड सिल्भा झन्डै १० वर्षपछि स्पेनमा फर्किएका छन् ।
स्पेनिस ला लिगा क्लब रियल सोसिडाडसँग दुई वर्षको सम्झौता गर्दै सिल्भा १० वर्षपछि स्पेनिस क्लबमा फर्किएका हुन् । सिल्भा ३० जुन २०२२ सम्म सोसिडाडमा हुनेछन् ।३४ वर्षे सिल्भा २०१० मा स्पेनिस क्लब भ्यालेन्सियाबाट इंग्लिस क्लबमा पुगेका थिए ।
भ्यालेन्सियाबाट सिटी पुगेपछि उनले सिटीमै १० वर्ष बिताए । गत शनिबार च्याम्पियन्स लिगमा लियोनसँगको क्वाटरफाइनल खेल नै सिल्भाको लागि सिटीबाट अन्तिम खेल बन्यो । यस्तै सिल्भाले सिटीको मैदान इतिहाद स्टेडियममा च्याम्पियन्स लिगको प्रि–क्वाटरफाइनलको दोस्रो लेगको अन्तिम खेल खेले ।
सिटीका लेजेन्ड सिल्भालाई इटालियन क्लब लाजियोले तीन वर्षको सम्झौता प्रस्ताव गरेपनि सिल्भालाई स्पेनिस क्लब रियल सोसिडाडले अनुबन्ध गर्न सफल भएको हो । सिल्भाले रियल सोसिडाडमा आफ्नो रोजाईको जर्सी नम्वर २१ नै लगाउनेछन् ।
यससँगै सिल्भाले नर्वेजियन मिडफिल्डर मार्टिन ओडेगार्डलाई स्थानान्तरण गर्नेछन् । ओडेगार्ड आफ्नो लोन अवधि पुरा गर्दै अर्काे स्पेनिस क्लब रियल म्याड्रिडमा फिर्ता भइसकेका छन् । ओडेगार्डले यो सिजन सोसिडाडबाट ३६ खेल खेल्दै ७ गोल गरेका थिए ।
सिल्भाले सोमबार सिटी र सिटीका समर्थकलाई बिदाई सन्देश लेख्दै टाढाबाट भएपनि टोलीलाई सहयोग गर्ने बताएका छन् । ‘मलाई आशा छ कि भविष्यमा सिटीले अझ ठुलो सफलता हासिल गर्नेछ । म टाढाबाट टोलीलाई सहयोग गर्नेछु । यो अविस्मरणीय क्षणहरु सिटीको परिवारसँग बाड्न पाउदा म धेरै खुशी छु । सिटी मेरो हृदयमा हुनुहुनेछ,’ सिल्भाले लेखेका छन् ।
सिटीले सोमबारै इतिहाद स्टेडियम नजिकै दशकौ सेवा गरेको सिल्भाको (स्ट्याचु) प्रतिमा बनाउने घोषणा गरेको छ । सिल्भाले सिटीबाट ४ सय ३६ खेल खेल्दै विभिन्न १४ उपाधि जिताउन महत्वपुर्ण भुमिका निभाए ।
उनले प्रिमियर लिगमा ३०९ खेल खेल्दै ६० गोल गरेका थिए । सिटी २०१२, २०१४, २०१८ र २०१९ को प्रिमियर लिग च्याम्पियन बन्दा उनको पनि महत्वपुर्ण योगदान थियो । यस्तै सिल्भाले सिटीबाट दुई एफए कप, पाँच लिग कप र तीन कम्युनिटी सिल्ड जितेका छन् । सिल्भा स्पेनले २०१० मा विश्वकप तथा २००८ र २०१२ को युरोकप जित्दा टोलीका सदस्य थिए ।
April 27, 2024
एजेन्सी – रेलिगेसन जोनमा रहेको बर्नली विरुद्ध बराबरी खेलेको म्यानचेस्टर युनाइटेडले पाँचौं स्थानमा रहेको टोटेनहम हटस्पर सँग अंकदूरी घटाउने मौका गुमाएको छ । इंग्लिस प्रिमियर लिगमा शनिबार भएको खेलमा युनाइटेड र बर्नलीले १-१ को बराबरी खेलेका हुन् । दोस्रो हाफमा नै लिएको अग्रता अन्त्यसम्म बचाउन नसक्दा युनाइटेड बराबरीमा रोकिएको हो । ७९औं मिनेटमा डिफेन्समा भएको […]
April 27, 2024
ललितपुर– गोदावरी नगरपालिकामा प्रथम उपत्यकाव्यापी अन्तर पालिका खुल्ला मेयर कप फुटबल प्रतियोगिता शनिबारबाट सुरु भएको छ । गोदावरी १० टाहाखेल–झ्यालुन्टारमा अवस्थित प्रस्तावित गोदावरी बहुउद्देश्यीय रंगशालामा उद्घाटन खेलमा ललितपुरको महालक्ष्मी नगरपालिकाले आयोजक गोदावरी नगरपालिकाको ए टोलीलाई पेनाल्टी सुटआउटमा ४–२ ले हराउँदै क्वार्टरफाइनलमा पुगेको छ । निर्धारित ९० मिनेटको समय गोलरहित बराबरीमा टुंगिएपछि खेल सिधै पेनाल्टी सुटआउटमा […]
April 27, 2024
काठमाडौं (हाम्रो खेलकुद) – यशोदा चिरालको ह्याट्रिकमा सुदूरपश्चिम प्रदेशले महिला लिग छनोटमा शनिबार बागमती प्रदेशलाई एकपक्षीय खेलमा ६–० ले हराएको छ। छनोटमा सुदूरपश्चिमको यो तेस्रो जित हो । बागमतीको भने यो लगातार चौथो हार हो। सर्खेतस्थित कर्णाली प्रदेश रंगशालामा सुदूरपश्चिमले आधा दर्जन गोल गर्ने क्रममा यशोदाले २६ औं मिनेटमा गोलको खाता खोलिन् । २९औं मिनेटमा […]