एजेन्सी – रियल म्याड्रिडका लागि सन् २०१९/२० सिजन समाप्त भइसकेको छ । च्याम्प्यिन्स लिगको प्रि-क्वार्टरफाइनलमा पराजित भएको रियलले ला लिगा उपाधि जित्न सफल रहयो ।

अब नयाँ सिजन क्लब कसरी अघि बढ्छ भन्ने अनुमान सुरु भइसकेका छन् । अब टोलीका हामेस रोड्रिग्वेजको अवस्था के हुने भन्ने प्रश्न पनि सँगै जोडिएको छ । कोलम्बियन रोड्रिग्वेजले यो सिजन पनि टोलीका मौका पाउनका लागि निकै संघर्ष गर्नुपरेको थियो । जनवरीमा उनले क्लब छोड्ने चर्चा चलेपनि त्यसो हुन सकेन ।

‘खेल्न नपाउँदा दिक्क लाग्छ । मलाई थाहा छ सधै खेल्ने अवस्थामै हुन्छु । तर अरुका कारणले म खेल्न पाउँदिन,’ उनले भने,’ यदि म खराब खेलाडी हो भने मैले त्यसलाई स्वीकार गर्नुपर्दछ । तर म त्यो खेलाडी हु जो सधै जित्न र प्रतिस्पर्धाका लागि तयार रहन्छु ।’

रोड्रिग्वेजले यस्तो दाबी गरिरहँदा टोलीका प्रशिक्षक जिनेदिन जिदानले भने उनीमाथि विश्वास गर्न सकिरहेका छैनन् । ‘खेलाडीका विषयमा उनको आफ्नो सोच र धारणा छ । म त्यसको सम्मान गर्छु । म उनको विचारमा समावेश हुन चाहन्न,’ उनले थपे, ‘यदि सबै खेलाडीले उत्तिकै मौका पाउने अवस्था छैन भने कठिनाई त हुन्छ । म क्लब छाड्न चाहन्छु तर क्लबले मलाई छाडेको छैन ।’

रोड्रिग्वेजले अन्य क्लबमा जान चाहेको पनि खुलेर बताएका छन् । ‘म जहाँ खेल्न पाउँछु त्यहीं जान चाहन्छु,’ उनको बुझाई छ, ‘जिदानको प्रशिक्षणमा मैले धेरै मौका पाउँदिन किन कि उनको आफ्नै सोच र योजना छ ।’

एउटा समय थियो उनी प्रिय बनेर क्लबमा प्रवेश गरेका थिए । ब्राजिल विश्व कप २०१४ मा गरेको उनको प्रदर्शनले धेरैलाई लोभ्याएको थियो । त्यस विश्वकपमा उनले गोल्डेन बुट पनि जितेका थिए ।

‘त्यति बेला हामी विश्व कप खेलिरहेका थियौं । हाम्रो तेस्रो खेल जापानसँग थियो । रियलले मसँग कुरा गर्न चाहेको मलाई बताइयो,’ उनले स्मरण गरे, ‘तर जर्ज मेन्डेसले मलाई भनेका थिए अहिले कोहिसँग पनि कुरा गर्नु उपयुक्त हुँदैन अहिले विश्वकपमा केन्द्रित हुने समय हो । मैले जापानसँग पनि राम्रो खेले ।’

मेन्डेसले पछि उनलाई अब सम्झौताका विषयमा सोच्दा हुने बताए । उनले भने,’ त्यसपछि हामीले उरुग्वेसँग खेल्यौं । त्यो खेल पनि उत्कृष्ट रहयो । मैले दुई गोल गरें। त्यसपछि मैले सम्झौताका लागि सहमति जनाए ।’