एजेन्सी – आफ्नो पहिला रोजाईका दर्जन खेलाडीविनै स्पेनिस च्याम्पियन रियल म्याड्रिडले नयाँ सिजनको लागि सोमबारदेखि प्रशिक्षण सुरुवात गर्दैछ ।

प्रशिक्षण सुरुवातको लागि रियलले आफ्ना खेलाडीहरुको कोरोना परिक्षण भइसकेको छ । पहिलो दिनको प्रशिक्षणमा रियलको पहिलो रोजाईका १२ खेलाडीमात्रै उपलब्ध हुने प्रशिक्षक जिनेदिन जिदानले बताएका छन् । रियलका पहिलो टोलीका अन्य १३ खेलाडी अन्तर्राष्ट्रिय ड्युटीमा रहनेछन् । स्पेनिस ला लिगा तीन सातापछि शुरु हुदैछ ।

प्रशिक्षणमा उपलब्ध हुने पहिलो रोजाईका १२ खेलाडी

मार्सेलो, इडर मिलिटाओ, नाचो फर्नान्डेज, क्यासमिरो, लुका मोड्रिच, फेडरिको भाल्भेर्डे, इस्को, करिम बेन्जेमा, भिनिसियस जुनियर, रोड्रिगो गोइस, मार्टिन ओडेगार्ड र लुकास भास्क्वेज छन् । यि सबै खेलाडीको कोरोना नेगेटिभ आएको छ । यसमध्ये चोटका कारण मार्टिन ओडेगार्ड टोलीको प्रशिक्षणमा सामेल हुने नहुने पक्का भएको छैन ।

अन्तर्राष्ट्रिय ड्युटीमा १३ खेलाडी

नर्वेजियन मिडफिल्डर मार्टिन ओडेगार्डलाई नर्वेले सेप्टेम्वरको दुई खेलका लागि टोलीमा समावेश गरेको छैन । उनी रियलको प्रशिक्षणमा सामेल हुनेछन् । थिवाउट कोर्टुवा, इडेन हाजार्ड, सर्जियो रामोस, ड्यानी कार्भाजल, मार्काे एसेन्सियो, सर्जियो रिगुइलन, ओस्कार रोड्रिग्वेज, एन्ड्री लुनिन, फर्लान्ड मेन्डी, राफयल भरान, टोनी क्रुस, ग्यारेथ बेल र लुका जोभिक युइएफए नेसन्स लिगका लागि आ–आफ्नो राष्ट्रबाट अन्तर्राष्ट्रिय ड्युटीमा छन् ।

अनिश्चित ६ खेलाडी

रियलमा सानो खेलाडीको समुह छ । जसो रियलमा भविष्य अनिश्चित छ । यद्दपि यि ६ खेलाडीहरुमध्येबाट केही खेलाडीले जिदानको साथ रियलबाट सामान्य सिजन सुरुवात गर्न सक्नेछन् । मारियनो डियाज, ड्यानी सेवालस, बोर्जा मायोरल, अल्भारो ओर्डिजोला, हामेस रोड्रिग्वेज र ब्राहिम डियाज ।

११ युवा प्रतिभावन् खेलाडी

प्रशिक्षक जिनेदिन जिदानले एक साताअघि युइएफए युथ लिग जित्न सफल टोलीका केही खेलाडीलाई सिनियर टोलीसँग प्रशिक्षणको लागि बोलाएको छ । गोलरक्षक लुइस लोपेज, टोनी फुयडियस, राइटब्याक सर्जियो सान्तोस, सेन्टर ब्याक भिक्टर चुस्ट, राइट ब्याक मिगुएल गुटेरेज, मिडफिल्डर एन्टेनियो ब्लान्को, इभान मोरन्ते, सर्जियो अरिवस, मार्विन पार्क र फरवार्ड नुआन्मी लतासा रहेका छन् । यस्तै कास्टिलाका जाभी हर्नान्डेज पनि रियलको सिनियर टोलीको प्रशिक्षणमा सामेल हुनेछन् ।

कोचिङ स्टाफ यथावत

प्रशिक्षक जिनेदिन जिदानले अघिल्लो सिजनमा जस्तै यो सिजनको लागि कोचिङ स्टाफमा कुनै परिवर्तन गरेका छैनन् । जसमा सहायक प्रशिक्षकमा डेभिड बेट्टोनी र हमिदौ मसेदिया, फिटनेस कोचमा ग्रेगरी डुपोन्ट र गोलकिपिङ प्रशिक्षकमा रोबर्टाे भाज्क्वेज यथावत् छन् ।