एजेन्सी – इंग्लिस प्रिमियर लिगमा आज (शनिबार) राति विभिन्न चार खेलमा प्रतिस्पर्धा हुँदैछ । चेल्सी वेस्ट ब्रुमको भ्रमणमा निस्कनेछ ।

खेल नेपाली समयअनुसार राति १०ः१५ बजेपछि हुनेछ । सुरुवाती दुई खेलमा समान १ जित र १ हारको नतिजा निकालेको चेल्सी वेस्ट ब्रुमलाई उसकै मैदानमा पराजित गर्दै प्रिमियर लिगमा दोस्रो जितको खोजीमा मैदान उत्रनेछ ।

चेल्सीले पहिलो खेलमा ब्राइटनमाथि ३–१ ले पराजित गर्दा दोस्रो खेलमा लिग च्याम्पियन लिभरपुलसँग २–० ले पराजित भएको थियो । लिभरपुलससँगको हारको गल्ती सुधार्दै चेल्सी वियजी लक्षमा फर्कने योजनामा रहनेछ ।

यसै सिजन अनुबन्ध भएका डिफेन्डर थियागो सिल्भा, बेन चिलवेलले प्रिमियर लिगमा डेब्यु गर्ने सम्भावना छ । उनीहरुले फिटनेसका कारण सुरुवाती दुई खेल गुमाएका थिए । यि दुई खेलाडीले कारवाओ कपमा बान्सलीमाथि ६–० को सानदार जित निकालेको खेलबाट चेल्सीबाट डेब्यु गरेका थिए ।

यसबाहेक चेल्सीसँग टिमो वेर्नर, काई हाभर्टज, मान माउन्ट, ट्याम्मी अब्राहम, एङ्गोलो कान्टे, मार्काे अलन्सो, कुर्ट जुम्मा, रिस जेम्स र जर्गिन्होलगायतका खेलाडी हुनेछन् । नयाँ गोलरक्षक इडवार्ड मेन्डीले खेल्ने सम्भावना न्युन रहँदा किपा अरिजावालगाले पुनः एकपटक मौका पाउन सक्नेछन् ।

यता, सुरुवाती दुई खेल ने गुमाएको वेस्ट ब्रुम घरेलु मैदानमा स्टार खेलाडीले भरिएको चेल्सीलाई स्तब्भ पार्दै प्रिमियर लिगमा पहिलो जित निकाल्ने दाँउमा हुनेछ । वेस्ट ब्रुम लेस्टर सिटीसँग ३–० ले तथा एभर्टनसँग ५–२ ले पराजित भएको थियो । वेस्ट ब्रुमसँग ग्राडी डियानगाना र म्याथुज पेरेरा लगायतका खेलाडी हुनेछन् ।

यि दुई टोली हालसम्म १६ पटक आमने सामने हुदा चेल्सीले १० खेल आफ्नो पक्षमा पार्दा ३ खेल वेस्ट ब्रुमले जितेको छ । तीन खेल बराबरीमा टुंगिएको छ । वेस्ट ब्रुमले २०१५ मे १९ मा चेल्सीलाई ३–० ले हराएको थियो । त्यसयता ६ खेलमा चेल्सी बेस्ट ब्रुमसँग अपराजित छ ।

अन्य खेल

ब्राइटनविरुद्ध म्यानचेस्टर यनाइटेड (साँझ ५ः१५ बजे), क्रिस्टल प्यालेसविरुद्ध एभर्टन (राति ७ः४५ बजे), बर्नलीविरुद्ध साउथह्याम्पटन (राति १२ः४५ बजे)