एजेन्सी – पहिलो हाफमा नै ३-० ले पछि परेपनि दोस्रो हाफमा उत्कृष्ट पुनरागमन गरेपछि लन्डन क्लब चेल्सीले प्रिमियर लिगमा वेस्ट ब्रोमविच आल्बीयनसँग ३-३ को बराबरी खेलेको छ ।

पहिलो हाफमा बिर्सनलायक डिफेन्डीङ गरेको चेल्सी सुरुवाती २८ मिनेटमा नै ३-० ले पछि परेको थियो । खेलको चौथो मिनेटमा नै क्यालम रबिन्सनले म्यथिअस परेराको पासलाई सदुपयोग गर्दौ सुरुवाती अग्रता दिलाए । २५ औं मिनेटमा रबिन्सनले नै घरेलु टोलीको अग्रता दोब्बर पारे । थियागो सिल्भाको खुट्टाबाट बल खोस्दै रबिन्सनले वन भर्सेस वनमा सहज गोल गरे ।

२७ औं मिनेटमा काइल बार्टलीको गोलमा वेस्ट ब्रोम ३-० ले अघि बढ्यो । दार्नेल फर्लङको पासमा बार्टलीले गोल गर्दै अप्रत्याशीत नतिजातर्फ टोलीलाई अगाडि बढाए । पहिलो हाफको अन्त्यसम्म पनि अग्रता जोगाएको वेस्ट ब्रोमले दोस्रो हाफमा भने चेल्सीको दबाब थेग्न सकेन ।

५५ औं मिनेटमा मेसन माउन्टले गोल गर्दै चेल्सीलाई खेलमा फर्काए । उनले कप्तान सेजर एज्पिलीक्वेटाको पासमा गोल गरेका थिए । ७० औं मिनेटमा क्यालम हड्सन ओडोइले गोल गरे । उनले काइ हाभर्ट्जसँग वन टु पास खेल्दै पहिलो टचमा गोल गरेका थिए ।

हारतर्फ उन्मुख चेल्सीका लागि ट्यामी अब्राहमले अंक बचाए । उनले अतिरिक्त समयको तेस्रो मिनेटमा गोल गर्दै खेल बराबरीमा ल्याए । गोलरक्षकले पहिलो प्रहार बचाएपनि अब्राहमले ६ यार्ड बक्स भित्रबाट सहजै गोल गरेर अंक जोगाएका थिए ।

चेल्सी अंक तालिकामा ३ खेलमा ४ अंक जोड्दै छैटौं स्थानमा छ भने पहिलो अंक जोडेको वेस्ट ब्रोम १५ औं स्थानमा छ । त्यसअघि एभर्टनले सिजनको लगातार तेस्रो जित निकाल्दै अंक तालिकाको शीर्ष स्थानमा यात्रा तय गरेको थियो । एभर्टनले क्रिस्टल प्यालेसमाथि २-१ को जित दर्ता गरेको हो ।

एभर्टनले खेलको दशौं मिनेटमा नै अग्रता लिएको थियो । फरवार्ड डोमिनिक काल्भर्ट लेविनले सिमस कोलमनको पासलाई सदुपयोग गर्दै गोल गरेका हुन् । जवाफमा घरेलु टोली प्यालेसले २६ औं मिनेटमा खेल बराबरीमा ल्यायो । एन्द्रोस टाउनसेन्डको पासमा चिखु कोउआटेले गोल गरेपछि प्यालेस खेलमा फर्कियो ।

पहिलो हाफको ५ मिनेट समय बाँकी रहँदा एभर्टनले पुन: अग्रता लियो । जोल वार्डको ह्यान्डबललाई रेफ्रीले भीएआरमार्फत पेनाल्टी दिएका थिए । उक्त पेनाल्टीमा रिचार्लीसनले गोल गर्दै अग्रता दिलाए । दोस्रो हाफमा दुवै टोलीले गोलको प्रयास गरेपनि सफल हुन नसक्दा खेल एभर्टनले २-१ ले जित्यो ।

त्यसअघि रेफ्रीले अन्तिम सिठ्ठी फुकेपछि भीएआरको सहायताले प्राप्त पेनाल्टीमा गोल गर्दै म्यानचेष्टर युनाइटेडले ब्राइटनलाई ३–२ ले हराएको थियो । खेल २–२ को बराबरीमा सकिएको भन्दै रेफ्रीले सिठ्ठी फुकेपनि अन्तिम समयमा पेनाल्टी क्षेत्रभित्र ह्यान्डबल भएको निर्णय रेफ्रीले भीएआरमार्फत लिएपछि पेनाल्टी दिइएको थियो । उक्त पेनाल्टीमा ब्रुनो फर्नान्डेसले कुनै गल्ति गरेनन् । ब्रुनोको गोलसँगै युनाइटेड प्रिमियर लिगमा सिजनको पहिलो जित हासिल गर्न सफल भएको थियो ।

त्यसअघि ५ मिनेट इन्ज्युरी समयको अन्तिम मिनेटमा सम्हालिन युनाइटेड सम्हालिन नसक्दा २–२ को बराबरी भएको थियो । अलिरेजा जाहनबक्सको क्रसमा आएको बलमा सोली मार्चले हेडमार्फत खेललाई बराबरीमा ल्याएका थिए । सिजनको पहिलो खेलमा युनाइटेड क्रिस्टल प्यालेसससँग ३–१ ले पराजित भए थियो ।

पहिलो हाफमा १–१ बराबरी भएको खेलमा मार्कस रासफोर्डले ५५ औं मिनेटमा गोल गर्दै युनाइटेडलाई अघि बढाएका थिए । त्यसअघि खेलमा अग्रता भने ब्राइटनले लिएको थियो । खेलको ४० औं मिनेटमा निल माउपेले पेनाल्टीमा गोल गर्दै ब्राइटनलाई अघि बढाएका थिए । पहिलो हाफमै युनाइेड खेलमा फर्कन सफल भएको थियो ।

४३ औं मिनेटमा लुइस डन्कले आत्मघाती गोल गरेपछि खेल बराबरीमा पुगेको थियो । रासफोर्डको अर्को गोललाई भने रेफ्रीले अफसाइड दिएका थिए । प्रिमियर लिगमै शनिबार अन्य दुई खेल हुँदैछन् । क्रिस्टल प्यालेस र एभर्टन तथा वेस्ट ब्रम र चेल्सीबीच प्रतिस्पर्धा हुनेछ ।