एजेन्सी– उरुग्वेली फरवार्ड लुइस स्वारेजले बार्सिलोना छाड्नु परेको विषयमा कप्तान लिओनल मेसीले आफ्नो असन्तुष्टी सार्वजनिक गरिसकेका छन् ।

मेस्सीको गुनासोमा प्रति लक्षित गर्दै प्रशिक्षक रोनाल्ड कोम्यानले स्पष्टिकरण दिने प्रयास गरेका छन् । क्लबमा आबद्ध भएको केहि दिनमै कोम्यानले बार्सिलोनाका तेस्रो उच्च गोलकर्ता सुरुआरेजलाई अन्य क्लबको बाटो रोज्न सुझाव दिएका थिए । तर, अहिले भने कोम्यानले सुआरेज जानेमा आफ्नो मात्र निर्णय नरहेको बताएका छन् ।

‘मैले उनलाई फोन गरेको विषयलाई लिएर मलाई नाकारात्मक भूमिकामा देखाउन खोजिएको छ । म उनलाई व्यक्ति र खेलाडीका रुपमा सम्मान गर्छु,’ कोम्यानले भने, ‘मैले भनेको थिए यदि उनी क्लबमै रहने हो भने खेल्नका लागि कठिन हुन सक्छ । यदि क्लबमै रहेको खण्डमा भने विकल्पका रुपमा रहने सक्ने बताएको थिएँ ।’

कोम्यानले आफ्नो आबद्ध हुनुअघि नै क्लबले केहि निर्णय लिइसकेको र त्यसलाई समर्थक गर्नुपर्ने बताएका छन् । ‘सुआरेजको निर्णय म मात्रमा निर्भर थिएन । मिल्ने साथीले क्लब छाड्दा मेसीलाई नराम्रो लाग्नु स्वभाविक हो, किनकी उनीहरु मिल्ने साथी हुन्, ‘कोम्यानले थपे, ‘अभ्यास र खेल दुवैमा मेस्सी भनेको सबैका लागि उदाहरण हुन् । उनमा उच्च प्रतिवद्धता छ । उनीप्रति मलाई कुनै शंका छैन ।’

सुआरेज गत साता अर्को स्पेनिस क्लब एट्लेटिको म्याड्रिडमा आबद्ध भएका थिए । कोम्यानले सुआरेजको ठाँउमा खेलाडी हेरिएको र खेलाडी सुरुवा बन्द हुनुअघि सम्झौता गर्न सक्ने आशा व्यक्त गरे ।

‘टोलीका सुधारका लागि हामी जहिले पनि खेलाडीको खोजीमा हुन्छौं । तर क्लबको आर्थिक अवस्थाका कारण हामीले चाहेकै खेलाडी ल्याउन नसकिने पनि हुन सक्छ । तर जे छ त्यसमा पनि विकल्प खोज्न सकिन्छ,’ उनले योजना सुनाए, ‘हामीसँग थुप्रै माथिल्लो स्तरको अगाडीका खेलाडी छन् । यदि यहि टोली रहँदा पनि मलाई स्वीकार्य छ ।’

रिक्वी पुजलाई पनि कोम्यानले क्लब छाडेर जान संकेत गरेका छन् । ‘उनको पोजिसनमा तीब्र प्रतिस्पर्धा छ । तर यसको मतलब उनी मेरो योजनामा छैनन् भन्ने होइन ,’ उनले भने, ‘अब खेल्ने टोलीमा पनि उनी छन् । अहिले उनको जर्सीमा अर्को सोचिएको छैन ।’

अन्सु फाती भने बार्सिलोनाको पहिलो टोलीको मुख्य खेलाडीका रुपमा रहने सम्भावना छ । ‘फातीमा उत्कृष्ट प्रतिभा छ । केहि खेलाडी सानो उमेरमा पनि माथिल्लो स्तरको खेल्न सक्छन्,’ उनले भने, ‘उनी युवा छन् र अझै धेरै सिक्न बाँकी छ । उनी अन्तर्राष्ट्रिय खेल खेलिरहेका छन् भने केहि विशेष त पक्कै छ । उनी क्लबका भविष्य हुन् । यद्दपी अहिले पनि उनले पहिलो टोलीमा खेल्नका लागि पर्याप्त क्षमता राख्छन् ।’

फिलिपे काउटिन्होका विषयमा पनि कोम्यान सकारात्मक देखिएका छन् । बायर्न म्युनिखमा एक सिजन बिताएर कोम्यान यहि सिजन बार्सिलोना फर्केका हुन् । उनलाई कोम्यानले टोलीकै हिस्साका रुपमा हेरेको बुझिन्छ ।

‘काउटिन्हो नम्बर १० र विङ्सका लागि उत्कृष्ट छन् । उनले टोलीलाई रक्षात्मक रुपमा पनि मद्दत गर्छ सक्छन्,’ काउटिन्होको तारिफमा भने, ‘उनी अहिले लयमा देखिन्छन् । उनी राम्रो गरिरहेका छन् । बार्सिलोनाको यो सिजनको सफलतमा उनी पनि त्यसको हिस्सा हुने मलाई आशा छ ।’