एजेन्सी – ला लिगाको प्रदर्शनलाई लिएर हामेस रोड्रिग्वेजले आफ्नो बचाउ गरेका छन् । कतिपय समर्थकले सामाजिक सञ्जालमार्फत रियल म्याड्रिडमा उनी असफल भएको टिप्पणी गरेका छन् ।

जिनेजिन जिदानले प्रशिक्षकको जिम्मेवारी सम्हालेपछि कमै अवसर पाएका कोलम्बियन स्टारलाई त्यो समयका फ्लप खेलाडीका रुपमा हेरिन्छ । रोड्रिग्वेजले टोटल क्रुसको ट्विटलाई उल्लेख गर्दै त्यसमा जवाफ खेलेका छन् , ‘त्यस्तो खराब थिएन ।’

हामेसले सुरुवाती ३ सिजनमा राम्रै मौका पाएका थिए । सन् २०१४/१५ मा कार्लो एन्सेलाटीको प्रशिक्षणमा पहिलो सिजनमा रोड्रिग्वेजले १३ गोल गर्नुका साथै १३ एसिस्ट गरेका थिए । अर्को सिजन २६ खेल खेल्ने क्रममा उनले ८ गोल गर्दै ७ एसिस्ट गरे ।

it was not bad😝👍🏼 https://t.co/z5wmfb3wVZ

— James Rodríguez (@jamesdrodriguez) September 28, 2020

यस्तै २०१६/१७ को सिजनमा २२ खेल खेल्दै ८ गोलका साथै ६ एसिस्ट गरेका थिए । पछिल्लो सिजन मात्र ८ खेल खेल्ने मौका पाएका उनले मात्र गोल गरे भने एक एसिस्ट गरे । रियलमा मौका पाउने सम्भावना भएपछि उनी यहि सिजन इग्लिस क्लब एभर्टनमा आबद्ध भएका थिए ।

एन्सेलोटी बायर्न म्युखिनमा हुँदा पनि रोड्रिग्वेज लोनमा बायर्न पुगेका थिए । २०१४ को विश्व कपमा उच्च प्रदर्शन गरेपछि उनी रियलमा आबद्ध भएका थिए । यसै सिजन सुरुवातमा एभर्टन आएका हामेसले इंग्लिस लिगमा राम्रो सुरुवात गरेका छन् । सबै खेलमा पहिलो रोजाइमा रहेका उनको प्रभावशाली प्रदर्शनमा टोलीले शत प्रतिशत जितको नतिजा निकालेको छ ।