एजेन्सी – क्रिस्टियानो रोनाल्डो र सर्जियो रामोस सहकर्मीका रुपमा रहेको सम्बन्ध सन् २०१८ को जुलाईमा टुंगिएको थियो । रियल म्याड्रिडमा ९ सिजन बिताएका रोनाल्डो युभेन्ट्स गएका थिए ।

रोनाल्डोले स्पेन छाडेयता रोनाल्डो र रामोसबीच बुधबार राती आमना सामना हुँदैछ । मैत्रीपूर्ण खेलमा रोनाल्डोले पोर्चुगल र रामोसले स्पेनको नेतृत्व गर्नेछन् । रोनाल्डोले रियलमा हुँदा रियलमा उच्च सम्मान पाएका थिए । ड्रेसिङ रुममा रोनाल्डो हुँदाको माहोल सधै उत्साहजनक हुने गरेको थियो ।

तर, पूर्व सहकर्मी लुका मोड्रिचले २०१८ मा बालोन डी ओर जित्दा भने रोनाल्डोले हार्दिकता देखाउन नसकेको बताइन्छ । त्यसअघि ५ पटक बालोन डी ओर जितेका रोनाल्डो त्यो अवार्ड समारोहमा उपस्थित नै भएनन् । ब्राजिलियन डिफेन्डर मार्सेलोको हकमा भने रोनाल्डो केहि सहज रहने गर्छन् ।

जहाँ सम्म रामोस र रोनाल्डोबीचको सम्बन्ध छ, दुवै क्लबमा हुँदा उनीहरुको सम्बन्ध राम्रो थियो । तर रोनाल्डोले रियल छाडेपछि भेट भएको छैन । यी दुईले रियलका लागि साथ खेल्दै थुप्रै उपलब्धि हासिल गरेका थिए । कप्तान समेत रहेका रामोस अहिले पनि रियलका महत्त्वपूर्ण खेलाडी हुन् ।

बुधबार खेल सुरु हुनुअघि यी दुई बीच पक्कै भेट हुनेछ । दुवैले आ आफ्नो देशलाई जिताउन कोशिस गर्नेछन् । जसरी दक्षिण अफ्रिकामा भएको विश्वकप, युक्रेन र पोल्यान्डमा भएको युरोपियन च्याम्पियनसिप र अन्य मैत्रीपूर्ण खेलमा आफ्नो टोलीलाई सफलता दिलाउन प्रयास गर्नेछन् ।

रोनाल्डो अघिल्लो वर्ष एल क्लासिको हेर्न बेर्नबोउ पुगेका थिए । तर उनी खेल सुरु हुनु केहि अघि मात्र रंगशालामा पुगेका थिए । त्यस्तै खेल सकेको केहि मिनेटमै उनी त्यहाँबाट निस्के । उनी टोली पूर्व सहकर्मी वा प्रशिक्षकलाई भेट्न ड्रेसिङ रुम गएनन् । रोनाल्डो दशर्क भएको त्यो एल क्लासिकोमा रियलले बार्सिलोनार्लाइ २–० ले हराएको थियो । जसमा भिनिकस जुनियर र मारियानो डिएजले गोल गरेका थिए ।

ड्रसिङ रुपमा केहि खेलाडीसँग सम्बन्ध सुमधुर नभएको पनि हुन सक्दछ । तर, रियलका नेतृत्वकर्तासँग भने रोनाल्डोको सम्बन्ध राम्रो रहेको थियो । जसमा क्लबका अध्यक्ष फ्लोरिन्टिनो पेरेजसँग रोनाल्डोको विशेष आत्मियता रहेको बताइन्छ ।