एजेन्सी – अन्तर्राष्ट्रिय मैत्रीपुर्ण खेलमा आज बिहीबार राति रसिया र स्वीडेनबीच प्रतिस्पर्धा हुँदैछ । रसियाको भीइबी एरिनामा हुने खेल नेपाली समयअनुसार राति १० बजे हुनेछ ।

नेसन्स लिगको तेस्रो र चौथो राउन्डको खेलअघि दुवै टोलीले थप तयारीका लागि मैत्रीपुर्ण खेल खेल्न लागेको हो । स्वीडेनविरुद्ध रसियाका कप्तान अर्टिम ज्युभा नै मुख्य हतियार हुनेछ । रसियन लिगमा उच्च प्रदर्शन गरिरहेका जेनिथ सेन्ट पिटर्सवर्गका ३२ वर्षे फरवार्ड ज्युभाले रसियन लिगको ९ खेलमा ६ गोल र ३ असिस्ट दिएका छन् ।

उनले गत महिना भएको नेसन्स लिगको दुई खेलमा दुई गोल गर्नुका साथै एक असिस्ट दिएका थिए । यसबाहेक रसियासँग डेनिस चेरेसेभ, एन्टन मिरानचुक, एलेक्सी लोनोभ, रोमन जोब्निन, मागोमेद ओजडाइभ, मारियो फर्नान्डेस र एन्टन सुनिनलगायतका खेलाडी हुनेछन् ।

यता, स्वीडेन पनि रसियालाई उसकै मैदानमा रसियालाई पराजित गर्दै नेसन्स लिगको दुई खेलको लागि तयार रहेको संकेत दिने दाँउमा हुनेछ । स्टार र अनुभवी खेलाडीको साथ नरहेपनि स्वीडेनको टिम प्रदर्शन गज्जवको रहेको छ । स्वीडेनसँग एलेक्सान्डर इसाक, जोर्डन लार्सन, केन सिमा, सेवास्टियन लार्सन, सेवास्टियन होल्मेन र कार्ल जोहन जोन्सको साथ रहनेछ ।

यि दुई टोली पाँचौ पटक प्रतिस्पर्धा गर्न लागेको हो । २०१८ मा पनि यि दुई टोलीले नेसन्स पलगमा प्रतिस्पर्धा गरेका थिए । एक खेल गोलरहित बराबरीमा टुगिंदा अर्काे खेलमा स्वीडेन २–० ले विजयी भएको थियो । त्यसअघि २०१४ र २०१५ मा भएको युरो छनोटमा एक खेलमा रसिया १–० ले विजयी अर्काे खेल १–१ गोलको बराबरीमा टुगिंएको थियो ।

मैत्रीपुर्ण खेलपछि लिग ‘बी’ ३ मा रहेको रसियाले टर्कीसँग १२ अक्टोवरमा तथा हंगेरीसँग १५ अक्टोवरमा खेल्नेछ । लिग ‘ए’ ३ मा रहेको स्वीडेनले ११ अक्टोवरमा क्रोएसियाको तथा १५ अक्टोवरमा पोर्चुगलको सामना गर्नेछ ।