एजेन्सी – स्पेनिस ला लिगामा आज राति साविकको विजेता रियल म्याड्रिडले नवप्रवेशी काडिजको सामना गर्दैछ ।

खेल अल्फ्रेडो डि स्टेफानोमा नेपाली समयअनुसार राति १०ः१५ बजे हुनेछ । शीर्षस्थानमा रहेको रियल काडिजमाथि पनि सहज जित हात पार्दै शीर्षता थप पकड बनाउने योजनामा हुनेछ ।

अन्तर्राष्ट्रिय ब्रेकपछि क्यासमिरो, लुका मोड्रिच, रोड्रिगो, फेडरिको भाल्भेर्डे, टोनी क्रुस र राफयल भरान टोलीमा फर्किसकेका छन् । चोटका कारण गोलरक्षक थिवाउट कोर्टुवाले खेल्ने सम्भावना न्युन रहँदा एन्ड्रि लुनिनले गोलपोस्ट सम्हाल्ने सम्भावना छ ।

रियलसँग यो सिजनमा उच्च प्रदर्शन गरिरहेका ब्राजिली भिनिसियस जुनियर, करिम बेन्जेमा, मार्सेलो र कप्तान सर्जियो रामोसको साथ रहेको छ । यस्तै लुकास भास्क्जेव, मार्काे एसेन्सियो, मार्टिन ओडगार्ड र इस्को पनि टोलीमा रहेको छ ।

यता, काडिज पनि रियलबाट अंक खोस्ने दाँउमा हुनेछ । ५ खेलबाट ७ अंक जोडे काडिज नवौं स्थानमा रहेको छ । अल्भारो नेग्रेडो, एलेक्स फर्नान्डेज, जर्ज पोम्वो, सल्भी सान्चेज, जोश मारी र जेन्स जोन्सनलगायतको खेलाडीको साथ छ ।

यि दुई टोली २०१५ पछि पहिलोपटक प्रतिस्पर्धा गर्न लागेको हो । त्यतिबेला कोपा डेल रेमा रियलले ३–१ को जित निकालेको थियो ।

अन्य खेल

ग्रानडाविरुद्ध सेभिल्ला (दिउँसो ४ः४५ बजे), सेल्टा भिगोविरुद्ध एट्लेटिको म्याड्रिड (राति ७ः४५ बजे), गेटाफेविरुद्ध बार्सिलोना (राति १२ः४५ बजे)