एजेन्सी – बार्सिलोनालाई यो सिजनको च्याम्पियन्स लिगको दाबेदार मध्यको एकका रुपमा चर्चा गर्न अस्वीकार गरेका छन् । क्याटलान क्लबले मंगलबार फेरेन्कभारोसविरुद्ध खेल्दै यसपटकको च्याम्पियन्स लिगको सुरुवात गर्दैछ ।

सिजनको पहिलो हारका रुपमा ला लिगामा शनिबार बार्सिलोनाले गेटाफेलाई १–० को नतिजा सुम्पेको थियो । गत सिजन च्याम्पियन्स लिगको क्वार्टरफाइनलमा बायर्न म्युनिखसँग ८–२ ले पराजित भएयता बार्सिलोनाको त्यो पहिलो हार थियो ।

‘बार्सिलोनाबाट खेल्दा उपाधिकै लागि खेल्ने हो । त्यो चाहे घरेलु फुटबलमा होस् वा युरोपमा होस्’, सोमबार पत्रकार सम्मेलनमा कोम्यानले भने, ‘तर त्यहाँ बलिया टोली छन् । हामीले आफनो क्षमता अनुसारको खेल देखाउनु पर्ने हुन्छ । घरेलु फुटबलमा जे भयो त्यसबाट भन्न सकिन्छ हामी दाबेदार होइनौं । तर हामी प्रयास भने गर्नेछौं ।’

तुलानात्मक रुपमा फेरेनकाभ्रोसलाई समुहकै कमजोर टोलीका रुपमा हेरिएको छ । समुहमा इटालियन च्याम्पियन युभेन्ट्स र डेनोमो किभ छन्। तर कुनै पनि टोलीलाई कमजोर आँक्न नहुनेमा कोम्यान सचेत छन् ।

‘फेरेन्कभारोस जस्तो जटिल टोलीको सामना गर्दैछौं । खेल सहज हुने छैन । हामीले अवसरको सृजना गर्नुपर्ने हुन्छ’, उनले भने, ‘हामीले सबैको विश्लेषण गरेका छौं र हामी सबैको सम्मान गर्छौ । हामीले उनीहरुको त्यो क्षमतालाई रोक्नुपर्छ । उनीहरुसग पछाडि र अगाडि उत्कृष्ट खेलाडी छन् ।’

गत सिजनका बारेमा कोम्यान चर्चा गर्न चाहदैनन् । उनी नयाँ सिजनको बारेमा चर्चा गर्न उपयुक्त ठान्छनस् । रियल म्याड्रिडसँग यसै साताको अन्त्यमा हुने एल क्लासिको अघि बार्सिलोना च्याम्पियन्स लिगको समुह चरणमा ३ अंक बटुल्न चाहन्छ ।

‘मलाई थाहा भएन म त्यति बेला टोलीमा थिइन । यो सिजन त्यस्तो भयो भने मैले त्यसको जवाफ दिन सक्छु’, कोम्यानले भने, ‘च्याम्पियन्स लिगमा हार पछिको पहिलो खेलमा जित जहिले महत्वप२र्ण हुन्छ । घरेलु मैदानमा होस वा अवे जित महत्त्वपूर्ण हुन्छ ।’

टोलीका कप्तान लिओनल मेस्सीले पनि यो सिजन सोचे अनुरुपको प्रदर्शन गर्न सकेका छैनन् । कोम्यानले उनीबाट उच्च परुदर्शनको अपेक्षा राखेका छन् । ‘मलाई लाग्छ प्रदर्शनमा सुधार हुन सक्छ । मलाई लाग्छ उनी खुसी छन् र अभ्यास राम्ररी गरिरहेका छन्’, उनले थपे, ‘उनी आफ्नो प्रदर्शनमा केन्द्रित छन् । उनी टोलीको नेतृत्वसहित खेल्न चाहन्छन । मलाई उनीसँग कुनै गुनासो र शंका छैन ।’

बार्सिलोनाको प्रशिक्षक हुनुको दबाबलाई कोम्यानले रामरुरी बुझेका छन् । मंगलबारको खेल जित्दै उनी गुमेको लयलाई पुनः फर्काउन चाहान्छन् । ‘खेल जित्नका लागि बार्सिलानाको खेलाडी र प्रशिक्षक हुँदा दबाब हुन्छ, हामीलाई अवस्थाका बारेमा थाहा छ’, क्योम्यान अगाडि भन्छन्, ‘खेलको शैली बुझ्नका लागि हामीले सबै काम गरिरहेका छौं । हामीसँग युवा खेलाडी पनि छन् । हामी भोलीका खेललाई लिएर सकारात्मक छौं ।’

एन्टोनी ग्रीजमन र ओसमाने डेम्बेलेले यो सिजन आलोचना खेपिरहेका छन । तर प्रशिक्षक भने उनीहरुसँग खुसी छन् । तर, उनीहरुले सुधार भने गर्नुपर्ने उनको तर्क छ ।

डेम्बेले र ग्रीजमनको बारेमा सोध्दा उनले भने, ‘मलाई लाग्छ उनीहरु राम्रो गरिरहेका छन् । हामीले अगाडि राम्रो गर्न सक्छौं । ग्रीजमनलाई परिस्थितिका बारेमा थाहा छ र उनी यसलाई परिवर्तन गर्न प्रयास गरिरहेका छन’, उनले डेम्बेलेका बारेमा भने, ‘उनले पनि खेलमा सुधार गर्न आवश्यक छ । हामीसँग थुपै प्रतियोगिता छन । हामीले त्यहि अनुसार निर्णय गर्दै जानुपर्दछ ।’