एजेन्सी – युइएफए च्याम्पियन्स लिगको समूह चरणको पहिलो आज (मंगलबार) इटालियन क्लब युभेन्ट्स र युक्रेनी क्लब डेनामो किभबीच प्रतिस्पर्धा हुँदैछ ।

सिरी ‘ए’ च्याम्पियन युभेन्ट्सले युक्रेनी क्लब किएभसँग उसैको मैदानमा राति १०ः४० बजे खेल्दैछ । टोलीका स्टार फरवार्ड क्रिस्टियानो रोनाल्डोविनै युभेन्ट्स किएभलाई उसकै मैदानमा हराउँदै सुखद सुरुवात गर्ने योजनामा हुनेछ । कोरोनाको संक्रमण देखिएपछि रोनाल्डो सेल्फ आईसोलेसनमा बसेका छन् ।

नेसन्स लिग अन्तर्गत एक साताअघि स्विडेनसँगको खेल अघि रोनाल्डोलाई कोरोना देखिएको थियो । कोरोना संक्रमणको कारण रोनाल्डो नेसन्स लिगमा स्वीडेनसँगै सिरी ए अन्तर्गत क्रोटोनसँगको खेल समेत गुमाएका थिए ।

युभेन्ट्सले किभविरुद्ध खेल्ने १९ सदस्सीय टिममा मात्र दुई फरवार्ड पाउल डिबला र अल्भारो मोराटालाई राखेको छ । फेडरिको चिइसा, डिजान कुलुसेभ्स्की, जुआन कोर्डाडो, अर्थर, जर्जियो चिलीयानी, लियोनार्दाे बोनुची, ड्यानिलो र एड्रियन राबिओट युभेन्टससँग रहेको अनुभवी तथा भेट्रान गोलरक्षक जियानलुजी बुफोनले युभेन्ट्सको पोस्ट सम्हाल्ने सम्धावना छ ।

यता, डेनामो किभ पनि घरेलु मैदानमा युभेन्ट्सलाई स्तब्ध पार्ने लक्ष्यमा हुनेछ । कार्लाेस डि पेना, माइकोला सापारेन्को, भिक्टोर सिगानकोप, भिटाली माइकोलेन्को र गोलरक्षक जर्ज बुस्चानको साथ डेनामो किएभलाई हुनेछ । यि दुई टोली पहिलोपटक भिड्न लागेको हो ।