एजेन्सी – युइएफए च्याम्पियन्स लिगमा इंग्लिस क्लब लिभरपुलले समूह चरणको पहिलो खेलको लागि आयाक्सको भ्रमण गर्दैछ ।

खेल योहान क्रुएफ एरिनामा राति १२ः४५ बजे प्रतिस्पर्धा हुदैछ । घरेलु टोली आयाक्स लिभरपुललाई स्तब्ध पार्ने दाँउमा हुनेछ । यो सिजन केही स्टार खेलाडीले क्लब छाडेपनि आयाक्स निकै सन्तुलित टोली देखिएको छ ।

आयाक्ससँग डुसान टाडिक, डेभिड नेरेस, क्वीन्सी प्रोमेस, डाले ब्लिन्ड, निकोलस ट्याग्लियाफिको र गोलरक्षक एन्ड्रे ओनाना रहेका छन् । यस्तै महाम्मेद कुडुस, डाभी क्लासेन र लासिना ट्राओरे पनि आयाक्ससँग रहेको छ ।

यता, पाहुना टोली लिभरपुल पनि घरेलु टोलीलाई पराजित गर्दै सुखद सुरुआत गर्ने लक्ष्यमा हुनेछ । साडियो माने, मोहम्मद सलाह र रोबर्टाे फिर्मिन्होले लिभरपुलको अग्रपङ्ति सम्हाल्नेछ ।

जर्जिन्हो वाइनाल्डम, जोडन हेन्डरसन, जेम्स मिल्नर, एन्ड्रिउ रोबर्टसन, जोसेप गोमेज, फाविन्हो र ट्रेन्ट एलेक्सान्डर अर्नाेल्ड टोलीमा हुनेछ ।

चोटका कारण पहिलो रोजाईका गोलरक्षक एलिसन बेकरले खेल्ने सम्भावना न्युन रहँदा एड्रियनले नै लिभरपुलको पोस्ट सम्हाल्नेछन् । मिडफिल्डर थियागा अलकान्तराले पनि आयाक्सविरुद्ध खेल्ने सम्भावना न्युन छ ।

यही समूह ‘डी’ को अर्काे खेलमा डेनिस क्लब मिट्जिल्यान्डले इटालियन क्लब एटलान्टासँग राति १२ः४५ बजे जै प्रतिस्पर्धा गर्दैछ ।