एजेन्सी – जर्मन क्लब बायर लिभरकुसनले युरोपा लिगको समूह चरणको पहिलो खेलमा फ्रेन्च प्रतिद्धन्द्धी निसमाथि सानदार जित हात पारेको छ । घरेलु मैदानमा लिभरकुसनले निसमाति ६–२ को फरालिो जित हात पारेको हो ।

बेएरिना लिभरकुसनमा बिहीबार राति भएको खेलमा घरेलु टोलीको फराकिलो जितमा करिम बेल्लाराविले दुई तथा नादिम एमिरी, लुकास एलारियो, मोउसा डियावी र फ्लोरियल रिट्जले समान एक गोल गरे । निसमा एमिन गौरी र एलेक्सिस क्लाउडेले सान्त्वना गोल फर्काए ।

गोलको वर्षा भएको खेलमा घरेलु टोलीले खेलको ११औं मिनेटमा नदिमको गोलबाट अग्रता लिएको थियो । १६औं मिनेटमा लुकास एलारियोले अग्रता दोब्बर पारे । ३१औं मिनेटमा एमिनले गोल गर्दै खेललाई २–१ को अवस्थामा ल्याए ।

६१औं मिनेटमा मोउसा डियावी गोल गरेपछि लिभरकुसनलाई ३–१ ले अघि बढाए । ७९औं मिनेटमा सब्सिच्युट करिम बेल्लाराविले गोल गर्दै लिभरकुसनलाई फराकिलो जिततर्फ अग्रसर गराए । ८३औं मिनेटमा करिमले व्यक्तिगत दोस्रो गोल गरेपछि लिभरकुसनले ५–१ को फराकिलो अग्रता लिन सफल भयो ।

८७औं मिनेटमा फ्लोरियनले गोल गर्दै खेललाई ६–१ को अवस्थामा ल्याए । ९०औं मिनेटमा एलेक्सिसले गोल लिभरकुसन ६–२ ले विजयी हुन सफल भयो ।

यही समूह ‘सी’ को अर्काे खेलमा इजरायली क्लब हापोइल विर सिभाले चेक रिपब्लिक क्लब स्लाभिया प्रागलाई ३–१ ले पराजित गरेको छ ।

खेल नतिजा

समूह ‘ए’ – सिएसकेए सोफियाविरुद्ध सिएफ आर क्लज (०–२) र योङ ब्वाइजविरुद्ध रोमा १–२)

समूह ‘बी’ – डुन्डाल्कविरुद्ध मोल्डे (१–२) र रापिड वेनविरुद्ध आर्सनल (१–२)

समूह ‘सी’ – लिभरकुसनविरुद्ध निस (६–२) र हापोइल विर सिभाविरुद्ध स्लाभिया प्राग (३–१)

समूह ‘डी’ – लेच पोजनानविरुद्ध बेन्फिका (२–४) र स्टान्डर्ड लिगविरुद्ध रेन्जर्स (०–२)

समूह ‘ई’ – पाओकविरुद्ध ओमोनिया निकोसिया (१–१) र पीएसभी इन्डोभेनविरुद्ध ग्रानडा (१–२)

समूह ‘एफ’ – नेपोलीविरुद्ध एजेट अल्कामार (०–१) र रिजेकाविरुद्ध रियल सोसिडाड (०–१)

समूह ‘जी’ – ब्रागाविरुद्ध एइके एथेन्स (३–०) र लेस्टर सिटीविरुद्ध जोर्या (३–०)

समूह ‘एच’ – सेल्टिकविरुद्ध एसी मिलान (१–३) र स्पार्टा प्रागविरुद्ध लिल (१–४)

समूह ‘आई’ – माकावीविरुद्ध क्वारावाग एफके (१–०) र भिल्लारियलविरुद्ध सिभास्पर (५–३)

समूह ‘जे’ – लुडोगोरेट्स राजग्राडविरुद्ध रोयल एन्टवेर्प (१–२) र टोटेनहमविरुद्ध लास्क (३–०)

समूह ‘के’ – डाइनामो जाग्रिवविरुद्ध फियोनुर्ड (०–०) र वल्फवेर्गर एफसीविरुद्ध सिएसकेए (१–१)

समूह ‘एल’ – होफेनहाइनविरुद्ध क्रेभेना जेभेज्दा (२–०) र स्लोभान लिवेरेकविरुद्ध जेन्ट (१–०)