एजेन्सी – युभेन्ट्सविरुद्ध हुने च्याम्पियन्स लिगअन्तर्गत समुह चरणको खेलमा फिलिपे काउटिन्हो उपलब्ध हुने छैनन् । रियल म्याड्रिडविरुद्धको बुधबार एल क्लासिको दौरान उनको तिघ्रामा चोट लागेको थियो ।

आइतबार क्याटलान क्लबले काउटिन्हो चोटग्रस्त भएकोले पुष्टी गरेको थियो । त्यसको अर्थ एन्टोइन ग्रिजमनले युभेन्ट्सविरुद्ध सुरुवात गर्ने सम्भावना रहेको छ । सिजनकै ठुलो खेलका रुपमा रहेको एल क्लासिकोमा भने ग्रिजमनले सुरुवात गर्न पाएका थिएनन् ।

फ्रान्सेली ग्रिजमनले युभेन्ट्सविरुद्ध सेन्ट्रल अट्याकिङ मिडफिल्डको भुमिकामा खेल्न पाउने सम्भावना छ । उनले यो सिजन खासै धेरै मौका पाएका छैनन् । दुई खेल भने उनले बेन्चबाट सुरुवात गरेका थिए । रोनाल्ड कोम्यानलाई उनले आफ्नो भुमिकामा मनाउन सकेका छैनन् ।

ग्रिजमनले आफुलाई प्रमाणित गर्ने एउटा मौका पाएका छन् । ग्रिजमनबाट बार्सिलोनाले ठुलो अपेक्षासहित भित्राएको थियो । ग्रिजमन एट्लेटिको म्याड्रिडमा रहँदा इटालियन च्याम्पियनलाई च्याम्पियन्स लिगमा ३ खेल २ खेल हराएको थियो ।

जारी सिजनमा ग्रिजमनले ५ खेलमा ४ खेलमा सुरुवात गरेका छन् । जसमा २ सय ७२ मिनेट उनले खेलेका थिए । क्लासिकोमा उनले ९ मिनेट मात्र खेलेका थिए । तर, अहिले सम्म उनले गोल गर्न सकेनन् । रियलविरुद्ध पनि उनले प्रभाव पार्न नसकेको भन्दै आलोचना भएको थियो । जसमा १७ वर्षे पेड्रीले सुरुवात गर्ने मौका पाएका थिए ।