एजेन्सी – अर्जेन्टिनी कप्तान लियोनेल मेस्सीले अर्जेन्टिनी फुटबल आइकन डिएगो म्याराडोनाको शिघ्र स्वास्थ्य लाभको कामना गरेका छन् ।

अर्जेन्टिना फुटबलका हस्ती तथा लेजेण्ड फरवार्ड डिएगो म्याराडोनाको मेस्सीको क्लिनिका ओलिभोस अस्पतालमा मंगलबार राति मस्तिष्कमा देखिएको ब्लड क्लटको सफल शल्यक्रिया गरिएको थियो । अहिले म्याराडोना अस्पतालमै आराम गरिरहेका छन् ।

मेस्सीले म्याराडोनाको नेतृत्वमा २०१० को विश्वकप खेलेको थियो । यि दुई खेलाडीलाई एक अर्कासँग तुलना गरिएको छ । ‘डिएगो, संसारको सबै शक्ति, मेरो परिवार र म तपाईलाई सकेसम्म छिटो स्वास्थ्य भएको हेर्न चहान्छौं । अंकमाल छ,’ ३४ वर्षीय मेस्सीले इन्स्टाग्राममा म्याराडोनासहितको तस्विरसहित पोस्ट गरेका छन् ।

म्याराडोना अझै अस्पतालमा

म्याराडोना अहिले पनि अस्पतालमा रहेका छन् । उनको सफल शल्यक्रिया भएको बताइएको छ । यद्दपी उनको परिवार र समर्थकले उनको स्वास्थ्यलाई लिएर गम्भिर चासो देखाएका छन् । ‘उनको व्यवहार केहि अनौठो थियो,’ म्याराडोनाका वकिल माटिएस मोर्ला ले भनेका छन्,’ उनी कमजोर महसुस गरेका थिए । बिरामी भएका आफ्ना नातेदारका बारेमा कुरा गरिरहेका थिए । उनले तीन नातेदारलाई सम्झिरहेका थिए ।’

केहि दिन अघि मात्र ६० जन्म दिनको अवसरमा पनि म्याराडोनाले पुराना घटनाहरुलाई स्मरण गरेका थिए । ‘हरेक जन्म दिनमा उनी पुराना विषय स्मरण गर्छन्,’ मोर्लाले भने, ‘उनी जहिले पनि आफ्नो आमालाई सम्झिरहन्थे । तर अहिले स्थिति फरक भएको छ ।’

पछिल्ला केहि घन्टामा उनलाई विश्वभरका फुटबल खेलाडीले स्वास्थ्य लाभको कामना गरिरहेका छन् । त्यसमध्ये मेस्सीको सन्देशलाई विशेष रुपमा हेरिएको छ ।