एजेन्सी – सिजनमा उत्कृष्ट सुरुवात गरेका अन्सु फातीलाई चोट लागेपछि प्रशिक्षक रोनाल्ड कोम्यानमाथि दबाब बढेको छ । कम्तीमा ४ महिना मैदान बाहिर रहने भएपछि उनको ठाँउमा कसलाई खेलाउने भन्नेमा कोम्यान दुविधामा छन् ।

यस्तोमा ओसमाने डेम्बेलेले मौका पाउने अपेक्षा गरिएको छ । डेम्बेलेका आफू माथि भरोसना बढाउनका लागि एउटा मौका हुन सक्छ । आर्थिक अवस्थाका कारण बार्सिलोना जनवरीमा फातीको ठाँउमा नयाँ खेलाडी भित्राउन योजनामा नरहेको बताइएन्छ । त्यसले पनि डेम्बेलेले आफ्नो क्षमता देखाउने अवसर पाउने सम्भावना छ ।

कोम्यानले फ्रान्सेली फरवार्डर्ला यो सिजन खासै मौका दिएका छैनन् । सिजनको सुरुवातमा डेम्बेले लोनमा म्यानचेष्टर युनाइटेड जाने चर्चा चलेको थियो । तर, अहिले परिस्थिति बदलिएको छ । बार्सिलोनामा प्रमाणित गर्नका लागि डेम्बेले एउटा अन्तिम मौका पाउने सम्भावना छ । लामो समय बार्सिलोनामा रहनका लागि उनले पाएको मौकाको फाइदा उठाउन सक्नुपर्नेछ । अन्यथा जनवरीमा अर्को कुनै क्लब जानुपर्ने हुनसक्छ ।

बारुसिया डर्टमन्डका पूर्व खेलाडी अहिले मात्र २३ वर्षका छन्, तर उनले क्याटलान टोलीमा नियमित मौका भने पाएका छैनन् । १ सय ५ मिलियन युरोमा बार्सिलोना आएका उनले चोटका कारण अहिले सम्म ६० खेल गुमाइसकेका छन् । उनले टोलीमा आफ्नो स्थायी ठाँउ अझै बनाउन सकेका छैनन् ।

जसरी फातीले आफूलाई लेफ्ट विङ्समा स्थापित गरे । डेम्बेलेले भने इर्नेस्टो भाल्भार्डे वा किके सेटिनलाई प्रभाव पार्न सकेनन् । अहिलेको अवस्था हेर्दा कोम्यान डेम्बेलेलाई पहिलो रोजाईमामा राख्ने सम्भावना रहन्छ । फाती नहुँदा उनमा भरोसा गर्नुपर्ने बाध्यता पनि छ ।

फाती मार्चको अन्त्यसम्ममा फर्कने आशा गरिएको छ । यो अवधि सम्म डेम्बेले आफूलाई स्थापित गर्ने मौकाका रुपमा लिनुपर्नेछ । टोलीलाई थप मजबुत बनाउन आवश्यक देखिए पनि कोरानाका कारण उत्पन्न कठीन परिस्थितिले आर्थिक अवस्था सन्तोषजनक छैन । सरुवा बजार खुल्दासम्म डेम्बेले प्रभाव जनाउन सकेनन् भने क्लबले मेम्फिस डिपेलाई भित्राउने सम्भावना पनि छ ।