एजेन्सी – पछिल्ला केहि दिनमा उरुग्वे तथा एट्लेटिको म्याड्रिडका फरवार्ड लुइस सुआरेज चर्चामा छन् । बार्सिलोनामा रहँदाका केहि स्मरण केहि दिन अघि सर्वजनिक गरेको सुआरेज कोरोना संक्रमणका कारण अहिले मैदान बाहिर छन् ।

यसैबीच, उनले बार्सिलोनामा चार वर्षका लागि सम्झौताको प्रस्ताव गरेको खुलासा गरेका छन् । यदि त्यो सम्झौता हुन्थ्यो भने सुआरेज ३७ वर्षको उमेर सम्म त्यहि हुने थिए । तर, बार्सिलोना बोर्ड त्यसमा इच्छुक देखिएन ।

त्यति बेला घुडाँको चोट पीडित सुआरेजले माग गरे जस्तो बार्सिलोना दिन तयार भएन । टोलीले उनलाई २ वर्षको सम्झौता गर्यो । त्यसको अर्थ थियो, बार्सिलोनाले आफ्नो विकल्पमा खेलाडी तयार पार्ने योजनामा रहेको उनले बुझेका थिए । पछिल्लो सिजन उनले सोचे अनुरुप प्रदर्शन गर्न सकेनन् । उनी अर्को एक वर्ष बार्सिलोनामा सम्झौता रहँदा रहँदै अन्ततः छाड्ने निर्णयमा पुगेका थिए ।

बार्सिलोना १५ उपाधि, १ सय ९६ गोल

रोनाल्ड कोम्यान प्रशिक्षकका रुपमा बार्सिलोना पुगेपछि उनले आफ्नो योजनामा नरेहका खेलाडीलाई फोन गरे । जसमा सुआरेज पनि थिए । यद्दपी क्लबमै रहेको खण्डमा विकल्पका रुपमा उनलाई प्रयोग गर्न सकिने कोम्यानले बताएका थिए ।

कोम्यानको योजनामा नरहेको बुझेपछि सुरुआरेजले एट्लेटिको सँग २ वर्षको सम्झौता गरे । जहाँ उनले सन्तोषजनक प्रदर्शन गरिरहेका छन् । उनले ९ खेलमा ५ गोल गरिसकेका छन् ।

बार्सिलोनामा ५ सिजन रहँदा सुआरेजले १ सय ९६ गोल गर्दै १५ उपाधि जितेका थिए । सुआरेजले क्लब छाड्दा सबैभन्दा बढी दुःखी लिओनल मेस्सी रहेको बताइन्थ्यो । उनीहरुबीचको सम्बन्ध अहिले पनि राम्रो रहेको बताइन्छ ।