एजेन्सी – इंग्लिस मिडफिल्डर रहिम स्टर्लिङ र बेल्जियन मिडफिल्डर केभिन डि ब्रुयनको गोलमा म्यानचेस्टर सिटीले इंग्लिस प्रिमियर लिगमा फुलहमलाई २–० ले पराजित गरेको छ ।

घरेलु मैदान इतिहाद स्टेडियममा शनिबार राति भएको खेलमा सिटीले खेलको पाँचौ मिनेटमा रहिम स्टर्लिङको गोलबाट अग्रता लिएको थियो उनले केभिन डि ब्रुयनको पासमा गोल गरेका थिए ।
१३औं मिनेटमा रियाद महारेजको पासमा ब्रुयनको प्रहार रिडलाई डिफ्लेक्ट हुदै गोलरक्षकको हातमा पुग्यो ।

२६औं सिटीले पेनाल्टीमार्फत अग्रता दोब्बर बनायो । जोआचिम एन्डरसनले पेनाल्टी बक्समा रहिम स्टर्लिङलाई फल गरेपछि प्राप्त पेनाल्टीलाई केभिन डि ब्रुयनले चुकाएनन् । ३०औं मिनेटमा जोन्स स्टोन्स आत्मघाती गोलबाट बच्दा फुलहमले गोलअन्तर घटाउन सकेन ।

उनले ब्याकपासलाई नियन्त्रणमा लिन नसक्दा गोलरक्षक इडर्सन मोएसले गोललाइनबाट बचाए । ३२औं मिनेटमा महारेज र स्टर्लिङको समन्वयमा बनेको मुभलाई अलफन्सो एरेओलाले विफल पारे ।

५०औं मिनेटमा काउन्टर एट्याकमा गाब्रियल जेससले मिलाइदिएको पासमा केभिन डि ब्रुयनको प्रहार क्रसबार लाग्दै बाहिरिदा सिटीले थप अग्रता बढाउन सकेन । ५७औं मिनेटमा डि ब्रुयनको प्रहारमा गोलरक्षक एरेओला नै बाधक बने । ७६औं मिनेटमा एनगुइसाको पासमा काभालेइरो प्रहारलाई सिटीका गोलरक्षक इडर्सन मोराएसले बचाए ।

यो जितसँगै सिटी १० खेलबाट १८ अंक जोडेर चौथो स्थानमा उक्लिएको छ । समान १८ अंक नै भएपनि लेस्टर सिटी गोलअन्तरमा चौथो स्थानमा छ । पराजित फुलहम ७ अंक जोडेर १७औं स्थानमा छ ।