एजेन्सी – रियल म्याड्रिड समूह चरणको अन्तिम खेलमा विजयी हुँदै च्याम्पियन्स लिगको अन्तिम १६ मा पुगिसकेको छ । अब टोली फेरि ला लिगाको तयारीमा जुटिसकेको छ ।

शनिबार हुने एट्लेटिको म्याड्रिडसँगको डर्बी खेलका लागि टोलीले शुक्रबार अन्तिम अभ्यास गरेको थियो । डानी कार्भाजाल पूरा प्रशिक्षणमा सामेल भए । फेडे भाल्भार्डेले पनि प्रशिक्षणमा जुटे । जसले जिनेदिन जिदानलाई बढी विकल्प मिलेको छ । कार्भाजाल बोरुसिया मोन्चेग्लाडबाकविरुद्धको खेलका लागि नै तयार थिए ।

तर जिदानले लुकास भाज्क्वेजलाई नै राइट ब्याकमा खेलाए । उनी कार्भाजाललाई लिएर जोखिम उठाउन चाहेनन् । लुकासले मौकाको फाइदा उठाए र च्याम्पिन्स लिगको त्यो महत्वपूर्ण खेलमा लुकास नै सबैभन्दा प्रभावशाली खेलाडी बने ।

सर्जियो आरीबासले पनि मध्य सातामा खेले । शुक्रबारको अभ्यासमा उनी सामेल भए । डर्बीमा उनी पनि खेल्ने सम्भावना छ । तर, चोटका इडन हाजार्ड, मार्टिन ओडेगार्ड, लुका जोभिच, मारिनियो डिएज भने ला लिगाको अहिलेको शीर्ष टोलीविरुद्ध खेल्ने छैनन् ।

शीर्ष स्थानमा रहेको एट्लेटिको २६ अंक छ भने साविक विजेता रियल चौथो स्थानमा रहेको छ । रियलको २० अंक छ । २५ अंकसहित रियल सोसिडाड दोस्रो र भिल्लारियल २१ अंकसहित तेस्रो स्थानमा छ । १४ अंक जोडेको बार्सिलोना नवौं स्थानमा छ ।