3 years ago
January 17, 2021
एजेन्सी – कप्तान मार्काे रिउसले पेनाल्टी चुकाउदा बोरुसिया डर्टमुन्ड जितबाट वञ्चित बनेको छ । घरेलु मैदानमा शनिबार राति भएको जर्मन बुन्डेसलिगाको खेलमा डर्टमुन्डले मेइन्जसँग १–१ गोलको बराबरी खेल्दै अंक बाँडेको हो । एक गोलले पछि परेको अवस्थामा डर्टमुन्डले खेललाई बराबरीमा ल्याउन सफल भएको थियो । सिग्नल इडुना पार्कमा खेलको दोस्रो मिनेटमा एर्लिङ ब्राउट हालान्डको गोलले […]
एजेन्सी – कप्तान मार्काे रिउसले पेनाल्टी चुकाउदा बोरुसिया डर्टमुन्ड जितबाट वञ्चित बनेको छ ।
घरेलु मैदानमा शनिबार राति भएको जर्मन बुन्डेसलिगाको खेलमा डर्टमुन्डले मेइन्जसँग १–१ गोलको बराबरी खेल्दै अंक बाँडेको हो ।
एक गोलले पछि परेको अवस्थामा डर्टमुन्डले खेललाई बराबरीमा ल्याउन सफल भएको थियो । सिग्नल इडुना पार्कमा खेलको दोस्रो मिनेटमा एर्लिङ ब्राउट हालान्डको गोलले मान्यता नपाउदा डर्टमुन्डले खेलमा अग्रता लिन सकेन । उनी अफसाइड ठहरिएका थिए ।
५७औं मिनेटमा लेभिन मेट ओज्टुनालीले ड्यानी लाट्जाको पासमा गोल गर्दै मेइन्जलाई १–० को अग्रता दिलाएका थिए । ७३औं मिनेटमा थोमस म्युनिएरले गोल गर्दै खेललाई बराबरीमा ल्याए । ७६औं मिनेटमा डर्टमुन्डले पेनाल्टीमार्फत अग्रता लिने अवसर पाएपनि कप्तान मार्काे रिउस चुके ।
थोमस म्युनिएरमाथि एलेक्सान्डर ह्याकले फल गरेपछि प्राप्त पेनाल्टीमा रिउसको प्रहार बाहिरिएको थियो । त्यसपछि थप गोल निस्कन नसक्दा खेल बराबरीमा टुंगियो । यो बराबरीले डर्टमुन्ड १६ खेलबाट २९ अंक जोडेर चौथो स्थानमा यथावत रहेको छ । मेइन्ज ७ अंक जोडेर १७औं स्थानमा रहेको छ ।
यस्तै बुन्डेसलिगाकै अर्काे खेलमा आरबी लाइप्जिग एक गोलको अग्रता जोगाउन नसक्दा वल्फ्सवर्गसँग २–२ गोलको बराबरीमा रोकिदा शीर्षस्थानमा उक्लने मौका गुमाएको छ ।
लाइप्जिगका नोर्डी मुकिइल र विली ओर्वानले गोल गरे । घरेलु टोलीका वउट वेगह्रस्ट र रेनाटो स्टेफनले गोल गरे ।
यो बराबरीले लाइप्जिग १६ खेलबाट ३२ अंक जोडेर दोस्रो स्थानमा यथावत रहेको छ । एक खेल कम खेलेको बायर्न म्युनिखको ३३ अंक छ । वल्फ्सवर्ग २६ अंक जोडेर छैटौ स्थानमा छ ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]