एजेन्सी – एट्लान्टाविरुद्ध आज राती हुने च्याम्पियन्स लिग अन्तिम १६ को पहिलो लेगमा खेलाडीलाई लिएर कुनै जोखिम नउठाने रियल म्याड्रिडका प्रशिक्षक जिनेदिन जिदानले प्रष्ट पारेका छन् । खेल नेपाली समय अनुसार राती १ः४५ बजे सुरु हुनेछ ।

ला लिगामा शनिबार रियल भालाडोलिडलाई १–० हराउँदा रियलका पहिलो रोजाईका ९ खेलाडी त्यसमा थिएनन् । जस मध्ये एक थिए टोलीका सर्वाधिक गोलकर्ता करिम बेन्जेमा । ती ९ खेलाडी विनै रियल इटाली पुगेको छ ।

१३ पटकको युरोपियन च्याम्पियन टोलीमा बुधबारको खेलअघि सिरिनय टोलीका ११ खेलाडी मात्र फिट छन् । ‘हामी कहिल्यै जोखिम लिदैनौं, ‘बेन्जेमाका विषयमा जिदानले भने, ‘यदि यो च्याम्पियन्स लिग फाइनल वा लिगको अन्तिम खेल हुन्थ्यो र त्यसले उपाधिमा प्रभाव पार्थ्यो भने हामी उनलाई खेलाउँथ्यौं होला । तर अहिले त्यस्तो होइन, त्यसका लागि लामो यात्रा तय गर्नुछ ।’

चोटकै कारण रियलका इडन हाजार्ड, सर्जियो रामोस, डानी कार्भाजाल, मार्सेलोले पनि नकआउट चरणको पहिलो लेग गुमाउने छन् । एट्लान्टाका प्रशिक्षक गिए पिरो गास्पेर्नीले गत सिजन क्वार्टरफाइनलमा पुगेको स्मरण गर्दै स्पेनिस बलियो टोलीलाई कडा चुनौती पेश गर्ने बताएका छन् ।

‘हामी आफ्नो विशेषता बदल्ने छैनौं । त्यसै कारण त हामी च्याम्पियन्स लिगको नकआउट चरणमा छौं । त्यसैले इटालीमा प्रतिस्पर्धात्मक खेल हुनेछ,’ उनले भने, ‘हामी टोलीमा परिवर्तन गर्ने छैनौं । हामी उत्कृष्ट टोलीविरुद्ध बलियो चुनौती पेश गर्नका लागि आफ्नो तर्फबाट सक्दो प्रयास गर्नेछौं ।’

रियलले पछिल्लो समय च्याम्पियन्स लिगमा पनि राम्रो प्रदर्शन गरिरहेको तर्फ संकेत गर्दै गास्पेर्नीले भने, ‘केहि साता यता उनीहरुले स्तरिय प्रदर्शन गर्दै आएका छन् ।’

‘हालान्ड कि एम्बाप्पे?’, क्रुसको उत्तर-‘बेन्जेमा’