3 years ago
March 17, 2021
काठमाडौं (हाम्रो खेलकुद) – एफसी चितवनले राष्ट्रिय फुटबल टोली तथा त्रिभुवन आर्मी फुटबल क्लबका फरवार्ड भरत खवासलाई मार्की खेलाडीको रुपमा अनुबन्धन गरेको छ ।
वैशाखमा आयोजना हुने नेपाल सुपर लिग (एनएसएल) को फ्रेन्चाइज टिम चितवनले बुधबार भरतसँग सम्झौता गरेको हो । रुस्लान थ्री स्टार क्लबका पूर्व प्रशिक्षक मेघराज केसीलाई चितवनले मुख्य प्रशिक्षकको रुपमा अनुबन्ध गरेको छ । उनको सहायक प्रशिक्षकमा शैलेश कर्माचार्य रहेका छन् ।
चितवनका तर्फबाट सचिन ढकालले भरत, केसी र कर्माचार्यसँग सम्झौता पत्रमा हस्ताक्षर गरेका हुन् । नेपाल स्पोर्टस म्यानेजमेन्टले आयोजना गर्ने एनएसएलमा लिगमा ७ फ्रेन्चाइज टिमको सहभागिता रहेको छ । चितवनको स्वामित्व आइएमई ग्रुप अन्तर्गत संचालित गेम अन प्रा.लिले ग्रहण गर्ने भएको छ ।
गेम अन प्रा.लिका प्रबन्ध निर्देशक सचिन ढकालले खेलकुदका क्षेत्रमा युवा पुस्तामा बढ्दो आकर्षण हुँदा दर्शकलाई भरपुर मनोरन्जन पनि प्राप्त होस् भन्ने इच्छासहित टोली खरिद गरेको बताए । उनले नेपालमा खेलकुद पूर्वाधारको कमीबारे चिन्ता व्यक्त गर्दै खेलकुद विकासमा सक्दो प्रयास गर्ने जानकारी दिए ।
हस्ताक्षर कार्यक्रममा आइएमई ग्रुपका अध्यक्ष एवम् नेपाल उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकाल, प्रवन्ध निर्देशक हेमराज ढकाल, एफसी चितवनका हेड कोच मेघराज के.सी, एसिस्टेन्ट कोच शैलेश महर्जन र मार्कोप्लेयर भरत खवास एवम् आइएमई ग्रुपमा कार्यरत उच्च पदस्थ कर्मचारीहरुको सहभागिता रहेको थियो ।
तीन दशकभन्दा बढी समयदेखि नेपालको व्यवसायिक क्षेत्रमा क्रियाशील आइएमई ग्रुपले रेमिट्यान्स, बैंक तथा वित्तीय संस्था, ट्रेडिङ्ग, पर्यटन, सूचना प्रविधि, उर्जा, अटोमोबाइल, इन्सोरेन्स तथा डिजिटल फाइनान्स जस्ता क्षेत्रमा लगानी विस्तार गर्दै आइरहेको छ । आइएमई फाउन्डेसन मार्फत खेलकुदका क्षेत्रमा योगदान पुर्याउँदै आएको ग्रुपको खेलकुदका क्षेत्रमा यो दोस्रो प्रयास हो ।
यसअघि धनगढीले विशाल राई र ललितपुरले अन्जन विष्टलाई मार्की खेलाडीका रुपमा अनुबन्धित गरिसकेको छ । अन्य टोलीले पनि छिट्टै आफ्नो खेलाडी सार्वजनिक गर्ने कार्यक्रम रहेको छ ।
May 16, 2024
काठमाडौं (हाम्रो खेलकुद) – भारतीय फुटबलका सर्वोत्कृष्ट गोलकर्ता स्ट्राइकर सुनिल क्षेत्रीले अन्तराष्ट्रिय फुटबलबाट सन्न्यास लिने घोषणा गरेका छन् । सुनिलले सामाजिक सञ्जालमा एक भिडियो मार्फत १९ वर्ष लामो अन्तराष्ट्रिय करियरमा बिट लगाउने घोषणा गरेका हुन् । सुनिलले आउँदो जुन ६ मा कुवेत विरुद्ध कोलकत्तामा हुने विश्वकप छनोट अन्तर्गतको घरेलु खेल उनको अन्तिम खेल हुने बताएका […]
May 16, 2024
एजेन्सी – युभेन्ट्सले कोपा इटालियाको उपाधि जितेको छ । तीन वर्ष पछि पहिलो ठूलो उपाधि जित्ने क्रममा युभेन्टसले एटलान्टालाई बुधबार १–० ले हराएको हो । रोमस्थित स्ट्याडियो ओलिम्पिकोमा खेलको चौथो मिनेटमा दुसान भ्लाभिकले गरेको गोलमा युभेन्ट्स च्यम्पियन बन्यो । एन्ड्रिया क्याम्बि–यासोको पासमा भ्लाभिकले गोल गरेका हुन् । युभेन्ट्सले कीर्तिमानी १५ औं पटक कोपा जितेको हो […]
May 16, 2024
एजेन्सी – म्यानचेस्टर युनाइटेड बुधबार इंग्लिस प्रिमियर लिगमा विजयी भएको छ । युनाइटेडले न्युक्यासललाई ३ –२ ले हराएको हो । म्यानचेस्टर युनाइटेडको जितका लागि कोबी माइनो, अमद डेल्लो र रसमस हजलण्डले समान १ गोलल गरे । न्युक्यासलका एन्टोनी गोर्डन र लेविस हलले गोल गरे । माइनोको गोलमा युनाइटेडले ३१ औं मिनेटमा अग्रता लियो । गोर्डनले […]