3 years ago
March 22, 2021
काठमाडौं (हाम्रो खेलकुद)– फ्रेन्चाईज लिग नेपाल सुपर लिग (एनएसएल) टोली ललितपुर सिटी एफसीले प्रदीप हुमागाईलाई आफ्नो प्रशिक्षकका रुपमा सार्वजनिक गरेको थियो । चैत ६ गते भएको अक्सनमा टोलीका तर्फबाट हुमागाईले प्रतिनिधित्व गरेपछि औपचारिक रुपमामा प्रशिक्षकका रुपमा भने सोमबार सम्झौता गरेको हो । टोलीकी मालिक कामना गुरुङ र हुमागाईले सम्झौता पत्रमा हस्ताक्षर गरेका थिए । हुमागाई […]
काठमाडौं (हाम्रो खेलकुद)– फ्रेन्चाईज लिग नेपाल सुपर लिग (एनएसएल) टोली ललितपुर सिटी एफसीले प्रदीप हुमागाईलाई आफ्नो प्रशिक्षकका रुपमा सार्वजनिक गरेको थियो । चैत ६ गते भएको अक्सनमा टोलीका तर्फबाट हुमागाईले प्रतिनिधित्व गरेपछि औपचारिक रुपमामा प्रशिक्षकका रुपमा भने सोमबार सम्झौता गरेको हो ।
टोलीकी मालिक कामना गुरुङ र हुमागाईले सम्झौता पत्रमा हस्ताक्षर गरेका थिए । हुमागाई एनएसएलमार्फत ८ वर्षपछि घरेलु फुटबलमा फर्कन लागेका हुन् । २०६९ मा थ्री स्टार क्लबलाई सहिद स्मारक ए डिभिजन लिगसहित केहि नकआउट फुटबलको उपाधि दिलाएका हुमागाई त्यसपछि अमेरिका लागेका थिए । केहि महिना अघि स्वदेश फर्केका हुमागाई ए लाइन्स प्रशिक्षक हुन् ।
हुमागाईले आफू कुरा नभै काम गर्न आएको उल्लेख गर्दै भने,‘ म लामो समय देश बाहिर रहेपनि नेपाली फुटबललाई नजिकबाट हेरेर बुझ्ने कोशिस गरेको छु । दबाब छ तर यसलाई मैले सकारात्मक दबाबमा रुपमा लिएको छु । ’ हुमागाईले अक्सनबाट राम्रो टोली मिलेको पनि बताएका छन् । मलाई फुटबलमा फर्केको हेर्ने धेरैको चाहना थियो,’ उनले थपे,‘ एनएसएलमार्फत फर्कने मौका मिलेको छ । यसका लागि ललितपुर सिटी एफसीलाई धन्यवाद ।’
ललितपुर सिटी एफसीकी मालिक कामना गुरुङले हुमागाईलाई टोलीको प्रशिक्षकका रुपमा पाउँदा आफूहरु खुसी भनएको बताएकी छिन् । उनले टोलीबाट राम्रो नतिजाको आशा गरिएको पनि बताएकी छिन् । ललितपुरले राष्ट्रिय टोली तथा मनाङ मस्र्याङ्दी क्लबका अन्जन विष्टलाई ५ लाख ५० हजार रुपैयाँमा मार्की खेलाडीको रुपमा अनुबन्ध गरेको थियो ।
ललितपुरले अक्सनबाट एरिक विष्ट, पाल्साङ लामा, अर्पण कार्की, कमल श्रेष्ठ, प्रवेश दनुवार,मिक्छेन तामाङ, नविन लामा, विमल राना, रन्जन विष्ट, विनोद गुरुङ, रोहित कार्की, सरोज लामा, निरज बस्नेत र गौरव बुढाथोकी किनेको थियो । नेपाल स्पोर्टस् एण्ड इभेन्ट्स म्यानेजमेन्टको आयोजनामा ७ टोलीको सहभागितामा वैशाख ११ गते देखि २५ गते सम्म दशरथ रंगशालामा एनएसएल हुनेछ ।
April 24, 2024
सुर्खेत (हाम्रो खेलकुद)– सुदूरपश्चिम प्रदेशले महिला लिग छनोटमा दोस्रो जित निकालेको छ । अस्मिता चौधरीको २ गोलको मद्दतमा सुदूरपश्चिमले बुधबार मधेश प्रदेशलाई ३–० ले हराएको छ । कर्णाली प्रदेश रंगशालामा भएको खेलमा पाँचौं मिनेटमा यसोदाकुमारी चिरलको गोलबाट सुदूरपश्चिमले अग्रता लिएको थियो । अस्मिताले ५१ औं र ६१ औं मिनेटमा गोल गर्दै टोलीलाई जित दिलाइन् । […]
April 24, 2024
काठमाडौं (हाम्रो खेलकुद)– सहिद स्मारक सी डिभिजन लिगमा पुछारमा रहेको गोलबजार स्पोर्ट्स क्लबसँग रानीवन स्पोर्ट्स क्लब १–१ को बराबरीमा रोकिएको छ । सातदोबाटोस्थित एन्फा कम्प्लेक्समा आज भएको खेलमा योञ्जन हमालको गोलमा खेलको १६औं मिनेटमा गोलबजारले अग्रता बनायो। तर यो अग्रतालाई जोगाउन भने सकेन। ४४औं मिनेटमा हिमाञ्चल सिंहले बराबरी गोल फर्काए । दोस्रो हाफमा दुवै टिमबाट […]
April 24, 2024
सुर्खेत (हाम्रो खेलकुद) – समिक्षा मगरको गोलमा कोशी प्रदेशले महिला लिग छनोट गण्डकी प्रदेशलाई ३–० ले सहजै हराएको छ । लगातार तेस्रो जितपछि ९ कोशी शीर्षस्थानमा छ । सर्खेतस्थित कर्णाली प्रदेश रंगशालामा बुधबार भएको खेलमा कोशीले एकपक्षीय दबाब बनायो। छैटौं मिनेटमा समिक्षाले गोल गर्दै टोलीलाई पहिलो हाफमा १–० को अग्रता दिलाइन् । गण्डकी दोस्रो हाफमा […]