3 years ago
April 23, 2021
काठमाडौं (हाम्रो खेलकुद) – खुकुरी नेपाल सुपर लिग (एनएसएल) सुरु हुन एक दिन अघि शुक्रबार धनगढी एफसीको एकै साथ दुई सह–प्रायोजक जोडिएका छन् । त्यसमा सगरमाथा सिमेन्ट र एस–आयल सेभेन छन् । सगरमाथा सिमेन्ट र एस–आयल सेभनसँग शुक्रबार सह प्रायोजकका रुपमा सम्झौता भएको विज्ञप्ती जारी गर्दै धनगढीले जानकारी दिएको छ । सम्झौता पत्रमा धनगढी एफसीका […]
काठमाडौं (हाम्रो खेलकुद) – खुकुरी नेपाल सुपर लिग (एनएसएल) सुरु हुन एक दिन अघि शुक्रबार धनगढी एफसीको एकै साथ दुई सह–प्रायोजक जोडिएका छन् । त्यसमा सगरमाथा सिमेन्ट र एस–आयल सेभेन छन् ।
सगरमाथा सिमेन्ट र एस–आयल सेभनसँग शुक्रबार सह प्रायोजकका रुपमा सम्झौता भएको विज्ञप्ती जारी गर्दै धनगढीले जानकारी दिएको छ । सम्झौता पत्रमा धनगढी एफसीका अध्यक्ष सुवास शाही तथा सगरमाथा सिमेन्टको उत्पादक कम्पनी घोराही सिमेन्ट इन्डिष्ट्रिजका मार्केटिङ प्रमुख प्रतिक अधिकारी तथा एस–आयल नेपालको आधिकारिक विक्रेता त्रिशुल अटोमोबाइल्सका अध्यक्ष दीलिप भट्टराईले हस्ताक्षर गरेका थिए ।
दुवै कम्पनीका लागि एक वर्षका लागि सम्झौता भएको हो । धनगढीले विराटनगर सिटी फुटबल क्लबविरुद्ध आइतबार पहिलो खेल खेल्दै एनएसएलको यात्रा थाल्नेछ । धनगढीको आइकोनिक प्लेयरका रुपमा राष्ट्रिय टोलीका कप्तान समेत रहेका गोलकिपर किरण चेम्जोङ हुन् । एनएसएलमा उनले धनगढीको कप्तानी पनि गर्नेछन् ।
गो ड्रिमर्स प्रालिको स्वामित्वमा रहेको धनगढी एफसीले राष्ट्रिय टोलीका मिडफिल्डर विशाल राईलाई ‘मार्की खेलाडी’ का रुपमा आबद्ध गरेको थियो । टोलीले मुख्य प्रायोजकको रुपमा किया मोटर्सको अघिल्लो दिन सम्झौता गरेको थियो । धनगढीले एनएसएलमा प्रयोग गर्ने जर्सीको अघिल्लो भागमा किया मोटर्सको लोगो अंकित हुनेछ ।
आइकोनिक, मार्की, अक्सनबाट १४, दुई विदेशी र दुई स्थानिय खेलाडी गरि धनगढीमा २० खेलाडी रहेका छन् । टोलीका मुख्य प्रशिक्षकका रुपमा नाइजेरियाली तोपे फुजा र प्रशिक्षकमा राष्ट्रिय टोलीका पूर्व फरवार्ड समेत रहेका युगल किशोर राइ छन् । ७ टोलीको सहभागितामा दशरथ रंगशालामा शनिबार सुरु हुने घरेलु फुटबलको पहिलो फ्रेन्चाईज लिग जेठ १ गते सम्म सञ्चालन हुनेछ ।
April 24, 2024
सुर्खेत (हाम्रो खेलकुद)– सुदूरपश्चिम प्रदेशले महिला लिग छनोटमा दोस्रो जित निकालेको छ । अस्मिता चौधरीको २ गोलको मद्दतमा सुदूरपश्चिमले बुधबार मधेश प्रदेशलाई ३–० ले हराएको छ । कर्णाली प्रदेश रंगशालामा भएको खेलमा पाँचौं मिनेटमा यसोदाकुमारी चिरलको गोलबाट सुदूरपश्चिमले अग्रता लिएको थियो । अस्मिताले ५१ औं र ६१ औं मिनेटमा गोल गर्दै टोलीलाई जित दिलाइन् । […]
April 24, 2024
काठमाडौं (हाम्रो खेलकुद)– सहिद स्मारक सी डिभिजन लिगमा पुछारमा रहेको गोलबजार स्पोर्ट्स क्लबसँग रानीवन स्पोर्ट्स क्लब १–१ को बराबरीमा रोकिएको छ । सातदोबाटोस्थित एन्फा कम्प्लेक्समा आज भएको खेलमा योञ्जन हमालको गोलमा खेलको १६औं मिनेटमा गोलबजारले अग्रता बनायो। तर यो अग्रतालाई जोगाउन भने सकेन। ४४औं मिनेटमा हिमाञ्चल सिंहले बराबरी गोल फर्काए । दोस्रो हाफमा दुवै टिमबाट […]
April 24, 2024
सुर्खेत (हाम्रो खेलकुद) – समिक्षा मगरको गोलमा कोशी प्रदेशले महिला लिग छनोट गण्डकी प्रदेशलाई ३–० ले सहजै हराएको छ । लगातार तेस्रो जितपछि ९ कोशी शीर्षस्थानमा छ । सर्खेतस्थित कर्णाली प्रदेश रंगशालामा बुधबार भएको खेलमा कोशीले एकपक्षीय दबाब बनायो। छैटौं मिनेटमा समिक्षाले गोल गर्दै टोलीलाई पहिलो हाफमा १–० को अग्रता दिलाइन् । गण्डकी दोस्रो हाफमा […]