default_image

3 years ago

May 7, 2021

पोखरा र चितवन ‘गर या मर’ को अवस्थामा

काठमाडौं (हाम्रो खेलकुद) – खुकुरी नेपाल सुपर लिग (एनएसएल) मा आज शुक्रबार एक खेलमा मात्रै प्रतिस्पर्धा हुदा पुछारका दुई टोली पोखरा थन्डर्स र एफसी चितवन आमाने सामने हुँदैछन् । खेल त्रिपुरेश्वरस्थित दशरथ रंगशालामा साँझ ५:३० बजेपछि हुनेछ । यस खेलमा बराबरीको नतिजाले दुवै टोली शीर्ष चारको होडबाट बाहिरिनेछन् । यस्तो अवस्थामा दुवै टोली जितको लक्ष्यसहित […]

51 views

0 Bookmark

काठमाडौं (हाम्रो खेलकुद) – खुकुरी नेपाल सुपर लिग (एनएसएल) मा आज शुक्रबार एक खेलमा मात्रै प्रतिस्पर्धा हुदा पुछारका दुई टोली पोखरा थन्डर्स र एफसी चितवन आमाने सामने हुँदैछन् । खेल त्रिपुरेश्वरस्थित दशरथ रंगशालामा साँझ ५:३० बजेपछि हुनेछ ।

यस खेलमा बराबरीको नतिजाले दुवै टोली शीर्ष चारको होडबाट बाहिरिनेछन् । यस्तो अवस्थामा दुवै टोली जितको लक्ष्यसहित मैदान उत्रनेछ । दुवै टोलीको लागि यो खेल ‘गर या मर’ को अवस्थाको छ । लिग चरणको अन्तिम खेलमा पोखरा एफसी चितवनलाई पराजित गर्दै शीर्ष चारको सम्भावनालाई जीवितै राख्ने लक्ष्यमा हुनेछ । तर जितले मात्रै पोखराको शीर्ष चारको यात्रा सुरक्षित हुनेछैन । अन्य टोलीको नतिजा पनि कुर्नुपर्ने हुन्छ ।

अघिल्लो खेलमा धनगढी एफसीसँग १–० ले पराजित भएपछि पोखराको शीर्षचारको यात्रामा धक्का लागेको थियो । चितवनलाई हराउन सके पोखराले ६ खेलबाट ८ अंक जोड्नेछ । पोखरालाई शीर्ष चारमा पुग्न धनगढी र काठमाडौंबाहेकका टोलीले अंक गुमाउनुपर्नेछ ।

फिनिसिङमा कमजोर देखिएको पोखराले लिगमा एकमात्र गोल गर्दा ३ गोल खाएको छ । टोलीसँग मार्की खेलाडी तथा कप्तान नवयुग श्रेष्ठ, गोलरक्षक दिप कार्की, अजित भण्डारी, पदम मोक्तान, रवि पासवान, नितिन थापा, आयुष घलान, गौतम श्रेष्ठ, मान बहादुर तामाङ, प्रविन स्याङ्तान, दिपक गुरुङ, अनिल गुरुङ, राजेश परियार, कमल थापा र लगायतका खेलाडी छन् ।

विदेशी खेलाडीमा मोउसा अब्बा, राफयल रिमगागो र केट्चा यान्निक छन् । यता, ५ अंक जोडेर पाँचौ स्थानमा रहेको पोखरा थन्डर्सले ५ खेल खेल्दा १ जित, २ बराबरी र २ हारको नतिजा निकालेको छ ।

लिगमा चितवनलालाई शीर्ष चारमा स्थान बनाउन पोखरालाई जस्तै आफुले मात्रै जितर पुग्दै अन्य टोलीले अंक गुमाउनुपर्नेछ । चितवन ४ खेलबाट २ अंक जोडेर पुछारमा रहेको छ । बाँकी दुई खेलबाट ६ अंक जोडे चितवनको ८ अंक पुग्नेछ । यस्तो अवस्थामा धनगढी र काठमाडौंबाहेकका अन्य चार टोलीले अंक गुमाउनुपर्नेछ । जुन गणितीय रुपमा मात्र सम्भव देखिन्छ ।

लिगका सुरुवातसँगै चोटसँग जुध्न पुगेको चितवनलाई त्यसको असर खेलमा देखिएको छ । डिफेन्डरद्वय विकास खवास र विकास तामाङलाई गुमाएको चितवनले आफ्नो कप्तान भरत खवासको चोटले पनि पिरोल्दा विदेशी खेलाडीले सोचेअनुरुपको खेल पस्कन सकेनन् । कप्तान खवास पुर्ण रुपमा फिट छैनन् ।

अक्सनमा अनसोल्ड रहेका जर्जप्रिन्स कार्कीको आगमनसँगै टोली केहि सन्तुलित देखिएपनि हालसम्म जित निकाल्न सकेको छैन । चितवनले समान दुई बराबरी र हारको नतिजा निकालेको छ । चितवनले ललितपुरसँग १–१ गोलको बराबरी तथा बुटवल लुम्विनीसँग २–२ गोलको बराबरी खेल्दा धनगढीसँग ३–० ले तथा विराटनगरसँग २–० ले पराजित भएको थियो ।

चोटले पिरोलेको चितवनसँग विदेशी खेलाडीमा गोरान जर्काेभिच, अहमद मोहम्मद र इलसायद सावन छन् । जर्जप्रिन्स कार्की, गोलरक्षक विशाल सुनार, शिशिर लेखी, कुलदिप कार्की, मनिष थापा, रुप बहादुर लामा, अमित तामाङ, सिमन्त थापा, विश्व अधिकारी, राजीव लोप्चन र टेक बहादुर बुढाथोकी रहेका छन् ।

धनगढी एफसी र काठमाडौं रेजर्सको प्लेअफमा स्थान बनाइसकेको छ । धनगढी १० अंक जोडेर शीर्ष स्थानमा रहँदा समान १० अंक नै भएपनि काठमाडौं हेड टु हेडमा दोस्रो स्थानमा छ । विराटनगर ७ अंक जोडेर तेस्रो स्थानमा रहेको छ । लिगमा शीर्ष दुई स्थान हासिल गर्ने टोलीले फाइनल प्रवेशका लागि २८ बैशाखमा खेल्नेछ । यस खेलमा पराजित हुने टोलीले २९ बैशाखमा तेस्रो र चौथो हुने टोलीबीचको विजेतासँग पुनः फाइनल प्रवेशका लागि ३० बैशाखमा खेल्नेछ । फाइनल १ जेठमा हुनेछ ।

नेपाल स्पोर्टस म्यानेजमेन्टले आयोजना तथा अखिल नेपाल फुटबल संघको प्राविधिक सहयोगमा हुने एनएसएलमा ७ शहरका ७ टोलीको सहभागिता रहेको छ । राउण्ड रोबिनको आधारमा हुने लिग १ जेठसम्म सञ्चालन हुनेछ । एनएसएलमा विराटनगर सिटी फुटबल क्लब, काठमाडौं रेजर्स फुटबल क्लब, ललितपुर सिटी फुटबल क्लब, एफसी चितवन, धनगढी एफसी, पोखरा थन्डर्स र बुटवल लुम्बिनी एफसी रहेका छन् ।

प्रतियोगिताको विजेताले ३५ लाख रुपैयाँ प्राप्त गर्नेछन् । उपविजेताले १५ लाख रुपैयाँ हात पार्नेछन् । व्यक्तिगत विधाका सबै उत्कृष्ट र उत्कृष्ट युवा खेलाडीले जनही १ लाख रुपैया हात पार्नेछन् । यस्तै हरेक खेलको प्लेयर अफ दि म्याचले २५ हजार तथा हरेक खेलको इमर्जिङ प्लेयर अफ दि म्याचले १० हजार रुपैयाँ पाउनेछन् ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.