3 years ago
May 8, 2021
काठमाडौं (हाम्रो खेलकुद) – प्ले अफमा स्थान पक्का गरिसकेको धनगढी एफसीलाई पराजित गर्दै बुटवल लुम्विनीले शीर्ष चारमा स्थान पक्का गरेको छ । त्रिपुरेश्वरस्थित दशरथ रंगशालामा शनिबार भएको खेलमा सुमन लामाले दोस्रो हाफमा गरेको गोल नै बुटवल लुम्विनीको जितमा निर्णायक बन्यो । उनले खेल सकिन १० मिनेट बाँकी रहँदा गोल गरेका थिए । १४औं मिनेटमा अभिषेक […]
काठमाडौं (हाम्रो खेलकुद) – प्ले अफमा स्थान पक्का गरिसकेको धनगढी एफसीलाई पराजित गर्दै बुटवल लुम्विनीले शीर्ष चारमा स्थान पक्का गरेको छ ।
त्रिपुरेश्वरस्थित दशरथ रंगशालामा शनिबार भएको खेलमा सुमन लामाले दोस्रो हाफमा गरेको गोल नै बुटवल लुम्विनीको जितमा निर्णायक बन्यो । उनले खेल सकिन १० मिनेट बाँकी रहँदा गोल गरेका थिए ।
१४औं मिनेटमा अभिषेक रिजालको ओभरहेड किकलाई गोलरक्षक किरण चेम्जोङले डाइड दिदै उत्कृष्ट बचाउ गर्दा बुटवल लुम्विनी अग्रता लिनबाट चुक्यो । १५औं मिनेटमा सौजन राईले अवसर चुकाउँदा धनगढी अग्रता लिनबाट चुक्यो । १९औं मिनेटमा पुजन उपरकोटीको ब्याक पासलाई सुमन लामाले पेनाल्टी बक्समा सुवर्ण अवसर पाएपनि प्रहार गर्न नसक्दा डिफेन्डरले ब्लक गर्दा धनगढीको खतरा टारे ।
२६औं मिनेटमा सौजन राईको प्रहारलाई गोलरक्षक विशाल श्रेष्ठले मुस्किलले बचाए । ४५औं मिनेटमा दर्शन गुरुङले टाइट एंगलबाट गरेको प्रहार दोस्रोबार नजिकैबाट बाहिरियो । ५६औं मिनेटमा अशोक खवासको क्रसमा दर्शन गुरुङको हेडर पोलमा लाग्दै बाहिरिदा भनगढी अग्रता लिनबाट चुक्यो ।
६५औं मिनेटमा निशान लिम्वुले वान भर्सेस वानको अवस्थामा गरेको प्रहार पोलमा लागेर बाहिरिदा धनगढीले अग्रता बढाउन सकेन । ६७औं मिनेटमा करिमको फ्रिकिकलाई धनगढीका गोलरक्षक किरण चेम्जोङले डाइभ दिदै बचाए ।
८०औं मिनेटमा सुमन लामाले गोल गर्दै बुटवल लुम्विनीलाई १–० को अग्रता दिलाए । ओमोलाजा नुरेन करिमले विलियम ओपोकुलाई दिएको पासमा विलियमले दिनेश राजवंशीलाई विट गर्दै दिएको पासमा सुमन लामाले गोल गर्न सफल भएका हुन् ।
बुटवलले प्ले अफमा स्थान पक्का गरेसँगै पोखरा थन्डर्स शीर्ष चारमा पुग्नबाट वञ्चित बन्यो । समान ८ अंक रहेपनि बुटवल लुम्विनी हेड टु हेडमा अघि बढ्दा पोखरा पछि पर्दै बाहिरियो । यससँगै शीर्ष चारमा पुग्ने सबै चार टोलीको टुंगो लागेको छ । धनगढी एफसी र काठमाडौं शीर्ष दुईमा रहँदा ललितपुर तेस्रो र बुटवल चौथो स्थानमा रह्यो ।
बुटवल लुम्विनी एफसीका सुमन लामा इमर्जिङ खेलाडी घोषित भए । उनले १० हजार रुपैयाँ हात पारे । बुटवल लुम्विनीका विलियम ओपोकु प्लेय अफ दि म्याच घोेािषत भए । उनले ट्रफीसँगै २५ हजार रुपैयाँ हात पारे ।
धनगढी १० अंक जोडेर शीर्ष स्थानमा रहँदा समान १० अंक नै भएपनि काठमाडौं हेड टु हेडमा दोस्रो स्थानमा छ । काठमाडौंले एक खेल खेल्न बाँकी छ । ललितपुरले ९ तथा बुटवल लुम्विनीले ८ अंक जोड्यो । पोखराले ८ अंक जोड्दा विराटनगरले ७ तथा पुछारमा रहेको एफसी चितवनले २ अंक जोडेको छ । चितवनले एक खेल खेल्न बाँकी छ । लिगमा आइतबार काठमाडौं र चितवनबीच प्रतिस्पर्धा हुनेछ ।
अब शीर्ष दुई टोली धनगढी र काठमाडौंले फाइनलमा प्रवेशका लागि २८ बैशाखमा खेल्नेछ । यस खेलमा पराजित हुने टोलीले २९ बैशाखमा ललितपुर र बुटवल लुम्विनीबीचको विजेतासँग पुनः फाइनल प्रवेशका लागि ३० बैशाखमा खेल्नेछ । फाइनल १ जेठमा हुनेछ ।
नेपाल स्पोर्टस म्यानेजमेन्टले आयोजना तथा अखिल नेपाल फुटबल संघको प्राविधिक सहयोगमा हुने एनएसएलमा ७ शहरका ७ टोलीको सहभागिता रहेको छ । राउण्ड रोबिनको आधारमा हुने लिग १ जेठसम्म सञ्चालन हुनेछ । एनएसएलमा विराटनगर सिटी फुटबल क्लब, काठमाडौं रेजर्स फुटबल क्लब, ललितपुर सिटी फुटबल क्लब, एफसी चितवन, धनगढी एफसी, पोखरा थन्डर्स र बुटवल लुम्बिनी एफसी रहेका छन् ।
प्रतियोगिताको विजेताले ३५ लाख रुपैयाँ प्राप्त गर्नेछन् । उपविजेताले १५ लाख रुपैयाँ हात पार्नेछन् । व्यक्तिगत विधाका सबै उत्कृष्ट र उत्कृष्ट युवा खेलाडीले जनही १ लाख रुपैया हात पार्नेछन् । यस्तै हरेक खेलको प्लेयर अफ दि म्याचले २५ हजार तथा हरेक खेलको इमर्जिङ प्लेयर अफ दि म्याचले १० हजार रुपैयाँ पाउनेछन् ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]