3 years ago
May 12, 2021
काठमाडौं (हाम्रो खेलकुद) – खुकुरी नेपाल सुपर (एनएसएल) को प्ले अफको दोस्रो खेलमा आज (बुधबार) ललितपुर सिटी एफसी र बुटवल लुम्विनी एफसीबीच प्रतिस्पर्धा हुँदैछ । खेल त्रिपुरेश्वरस्थित दशरथ रंगशालामा साँझ ५:३० बजेपछि हुनेछ । दुवै टोली जित निकाल्दै प्रतियोगितामा अघि बढ्ने लक्ष्यमा हुनेछन् । आजको खेलमा वर्तमान समयमा राष्ट्रिय टोलीबाट नियमित खेलिरहेका फरवार्डद्वय अन्जन विष्ट […]
काठमाडौं (हाम्रो खेलकुद) – खुकुरी नेपाल सुपर (एनएसएल) को प्ले अफको दोस्रो खेलमा आज (बुधबार) ललितपुर सिटी एफसी र बुटवल लुम्विनी एफसीबीच प्रतिस्पर्धा हुँदैछ । खेल त्रिपुरेश्वरस्थित दशरथ रंगशालामा साँझ ५:३० बजेपछि हुनेछ ।
दुवै टोली जित निकाल्दै प्रतियोगितामा अघि बढ्ने लक्ष्यमा हुनेछन् । आजको खेलमा वर्तमान समयमा राष्ट्रिय टोलीबाट नियमित खेलिरहेका फरवार्डद्वय अन्जन विष्ट र अभिषेक रिजालको प्रतिस्पर्धाका रुपमा पनि लिन सकिन्छ । ललितपुरका कप्तान समेत रहेका अन्जनले प्रतियोगितामा उच्च प्रदर्शन गरिरहेका छन् भने अभिषेकले पछिल्ला दुई खेलमा प्रभाव जमाउन सकेका छैनन् । अभिषेक चाडका फरवार्ड अर्मान्ड बेदुमको स्ठानमा आएका हुन् ।
यस खेलमा विजयी हुने टोलीले दोस्रो इलिमेटरमा बिहीबार नै काठमाडौं रेजर्सको सामना गर्नेछ । काठमाडौं रेजर्सले पहिलो प्ले अफमा धनगढी फुटबल क्लबसँग अतिरिक्त समयमा २–१ ले पराजित भएपछि फाइनल प्रवेशको अर्काे मौका पाएको हो । धनगढीले भने फाइनलमा स्थान पक्का गरिसकेको छ ।
लिगको सुरुवाती चार खेलमा जित निकाल्न नसकेको ललितपुरले पछिल्लो दुई खेलमा जित दर्ता गर्दै शीर्ष चारमा रहेर प्ले अफमा स्थान बनाउन सफल भएको थियो । यस क्रममा ललितपुरले बुटवल लुम्विनीलाई १–० ले तथा विराटनगर सिटी एफसीलाई ४–० ले हराएको थियो । बुटवलविरुद्ध लिग चरणमा पाएको जितलाई निरन्तरता दिने लक्ष्यमा ललितपुर हुनेछ ।
टोलीसँग मार्की खेलाडी तथा कप्तान अन्जन विष्ट, कमल श्रेष्ठ, प्रवेश दनुवार, एरिक विष्ट, विमल राना, निरज बस्नेत, मिक्चेन तामाङ, डोना थापा, नविन लामा, गोलरक्षक अर्पण कार्की रहँदा विदेशी खेलाडीमा नुर्लान नोभ्रुजोभ, भिलिम पोसिन्कोभिक र पिटर सेगुन छन् । यस्तै सरोज योन्जन लामा, रन्जन विष्ट, पाल्साङ लामा गौरव बुढाथोकी पनि टोलीमा छन् ।
लिगको अन्तिम खेलमा प्ले अफमा स्थान पक्का गरिसकेको भनगढी एफसीलाई १–० ले पराजित गर्दै प्ले अफमा स्थान पक्का गरेको बुटवल लुम्विनी प्ले अफमा ललितपुरलाई हराउँदै इलिमेटरमा पुग्ने लक्ष्यमा हुनेछ । यस्तै टोली लिगमा भोगेको हारको बदला लिने लक्ष्यमा हुनेछ ।
टोलीसँग मार्की खेलाडी गोलरक्षक विशाल श्रेष्ठ, राष्ट्रिय टोलीका फरवार्ड अभिषेक रिजाल, डिफेन्समा विदेशी खेलाडी ओमोलाजा, कप्तान विराज महर्जन, मानबहादुर परियार र मिडफिल्डमा विलियम ओपोकु छन् । आशिष लामा, लक्ष्मण रुचाल, सुमन लामा, रविन श्रेष्ठ र सेसेहाङ आङदेम्बे पनि टोलीमा रहेका छन् ।
नेपाल स्पोर्टस म्यानेजमेन्टले आयोजना तथा अखिल नेपाल फुटबल संघको प्राविधिक सहयोगमा हुने एनएसएलमा ७ शहरका ७ टोलीको सहभागिता रहेको छ । राउण्ड रोबिनको आधारमा हुने लिग १ जेठसम्म सञ्चालन हुनेछ । एनएसएलमा विराटनगर सिटी फुटबल क्लब, काठमाडौं रेजर्स फुटबल क्लब, ललितपुर सिटी फुटबल क्लब, एफसी चितवन, धनगढी एफसी, पोखरा थन्डर्स र बुटवल लुम्बिनी एफसी रहेका छन् ।
प्रतियोगिताको विजेताले ३५ लाख रुपैयाँ प्राप्त गर्नेछन् । उपविजेताले १५ लाख रुपैयाँ हात पार्नेछन् । व्यक्तिगत विधाका सबै उत्कृष्ट र उत्कृष्ट युवा खेलाडीले जनही १ लाख रुपैयाँ हात पार्नेछन् । यस्तै हरेक खेलको प्लेयर अफ दि म्याचले २५ हजार तथा हरेक खेलको इमर्जिङ प्लेयर अफ दि म्याचले १० हजार रुपैयाँ पाउनेछन् ।
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]
April 18, 2024
काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]
April 18, 2024
एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]