3 years ago
July 24, 2021
एजेन्सी – टोकियो ओलम्पिक अन्तर्गत महिला फुटबलमा स्वीडेनले लगातार दोस्रो जित दर्ता गर्दा अष्ट्रेलियामाथि सहज जित हात पारेको छ ।
पहिलो खेलमा नै बलियो अमेरिकालाई ३–० ले सहजै पराजित गरेको स्वीडेनले समूहको दोस्रो खेलमा अष्ट्रेलियामाथि ४–२ को सहज जित हात पारेको हो । लगातार दोस्रो जितसँगै स्वीडेन नकआउट चरण नजिक पुगेको छ ।
साइतामा स्टेडियममा शनिबार भएको खेलमा स्वीडेनको जितमा फ्रिडोलिना रोल्फोले दुई तथा लिना हर्टिग र स्टिना ब्ल्याक्सटेनसले समान एक गोल गरे । अष्ट्रेलियाकी सामान्था खेरले दुई गोल गरेपनि टोलीको हार टार्न सकेनन् । अष्ट्रेलियाको यो पहिलो हार हो । पहिलो खेलमा अष्ट्रेलियाले न्युजिल्यान्डलाई २–१ ले हराएको थियो ।
खेलको २०औं मिनेटमा फ्रिडोलिना रोल्फोले गोल गर्दै स्वीडेनलाई अग्रता दिलाइ्न । ३६औं मिनेटमा सामान्था खेरले बराबरी गोल फर्काइन् । ४८औं मिनेटमा खेरले व्यक्तिगत दोस्रो गोल गरेपछि अष्ट्रेलियाले खेलमा अग्रता लिएको थियो । ५२औं मिनेटमा लिना हुर्टिगले गोल गर्दै खेललाई २–२ गोलको बराबरीमा ल्याइन् ।
६३औं मिनेटमा रोल्फोले व्यक्तिगत दोस्रो तथा टोलीका लागि तेस्रो गोल गरेपछि स्वीडेनले खेलमा पुनः ३–२ को अग्रता लिन सफल भयो । ८१औं मिनेटमा स्टिनाले गोल गर्दै स्वीडेनलाई समूह चरणमा लगातार दोस्रो जित दिलाइन् ।
जितपछि समूह ‘जी’ मा स्वीडेनको २ खेलबाट ६ अंक पुगेको छ । अष्ट्रेलियाको २ खेलबाट ३ अंक छ । समान एक खेल खेलेका न्युजिल्यान्ड र अमेरिका अंकविहीन छ ।
May 21, 2024
एजेन्सी – ग्यारेथ साउथगेटले युरो २०२४ का लागि आफ्नो ३३ खेलाडीको प्रारम्भिक इंग्ल्याण्ड टोली सार्वजनिक गरेका छन् । तीन वर्ष अघि घरेलु भूमिमा फाइनलमा पराजित इंग्ल्याण्ड यस पटक पनि उपाधि दावेदारको रुपमा रहेको छ । पछिल्लो केहि वर्षमा टोलीको महत्वपुर्ण खेलाडीका रुपमा रहेका मार्कस रासफोर्ड, जोर्डन हेन्डरसन र रहिम स्टर्लिङ यसपटक भने टोलीमा परेका छैनन् […]
May 21, 2024
एजेन्सी – स्टार खेलाडी क्रिस्टियनो रोनाल्डो व्यक्तिगत छैठौँ युरोपियन च्याम्पियनसिपका लागि पोर्चुगलको प्रारम्भिक टोलीमा परेका छन् । सन् २०१६ को युरोपियन च्याम्पियनसिपमा पोर्चुगलले उपाधि जित्दा नेतृत्व गरेका क्रिस्टियानो रोनाल्डोलाई युरो २०२४ का लागि रोबर्टो मार्टिनेजको २६ सदस्यीय टोलीमा समावेश गरेका हुन् । ३९ वर्षिय रोनाल्डो प्रतियोगितामा १४ गोलसहित कीर्तिमान गोलकर्ता हुन् भने उनले प्रतियोगितामा सबैभन्दा […]
May 21, 2024
काठमाडौं (हाम्रो खेलकुद) – समाज कल्याण खेलकुद केन्द्र क्लब जारी सहिद स्मारक सि डिभिजन लिगको चौथो स्थानमा उक्लिएको छ । मंगलवार भएको दिनको दोस्रो खेलमा सानेपा क्लबलाई ४-० ले हराउँदै तालिकाको शीर्ष स्थानमा उक्लिएको हो । जित हासिल गरेको समाज कल्याणको ९ खेलमा १६ अंक भएको छ । पराजित सानेपाको समान ९ खेलमा ११ अंक […]