3 years ago
July 25, 2021
एजेन्सी – टोकियो ओलम्पिक अन्तरगतको पुरुष फुटबलमा अर्जेन्टिनाले पहिलो जित हात पार्दा अर्काे खेलमा ब्राजिल बराबरीमा रोकिएको छ ।
आइतबार भएको खेलमा अर्जेन्टिनाले इजिप्टमाथि १–० को झिनो जित निकालेको हो । अर्जेन्टिनाको जितमा फकुन्डो मेडिनाले दोस्रो हाफमा गरेको गोल नै निर्णायक बन्यो । उनले ५२औं मिनेटमा गोल गरेका थिए ।
अर्जेन्टिना पहिलो खेलमा अष्ट्रेलियासँग २–० ले पराजित भएको थियो । पहिलो जितसँगै समूह ‘सी’ मा अर्जेन्टिना दुई खेलबाट ३ अंक जोडेर तेस्रो स्थानमा रहेको छ । गोल अन्तरमा अष्ट्रेलिया अघि छ ।
यही समूहको अर्काे खेलमा स्पेनले अष्ट्रियामाथि १–० कै जित निकाल्यो । स्पेनको जितमा मिकेल ओयरजावालले खेल सकिन ९ मिनेट बाँकी रहँदा गरेको गोल नै निर्णायक बन्यो । यो जितसँगै स्पेन दुई खेलबाट ४ अंक जोडेर शीर्षस्थानमा उक्लिएको छ । इजिप्ट १ अंक जोडेर पुछारमा छ ।
यस्तै उपाधि दावेदार ब्राजिल र आइभोरी कोस्टले गोलरहित बराबरी खेल्दै अंक बाँडेका छन् । १३औं मिनेटमा डगलस लुइस सिधै रातो काडै खाँदै मैदानबाट बाहिरिएपछि पछि ब्राजिल समस्यामा परेको थियो ।
यही समूहको अर्काे खेलमा जर्मनीले साउदी अरेबियामाथि ३–२ को जित निकालेको छ । जर्मनीको यो पहिलो जित हो । जर्मनीको जितमा नादिम एमिरी, राग्नर एचे र फेलिक्स उदोखाईले गोल गरे । साउदीका लागि दुवै गोल सामी अल नाजेइले गरेका थिए । जर्मनी ६६औं मिनेटमा १० खेलाडीमा समेटिएको थियो ।
यो नतिजासँगै समूह ‘डी’ मा ब्राजिल र आइभोरी कोस्टको समान ४ अंक रहेपनि गोल अन्तरमा ब्राजिल शीर्षस्थानमा रहँदा आइभोरीकोस्ट दोस्रोमा रहेको छ । जर्मनी ३ अंकसहित तेस्रो स्थानमा रहँदा साउदीले अंकको खात खोल्न सकेको छैन ।
अन्य नतिजा
फ्रान्सविरुद्ध दक्षिण अफ्रिका (४–३)
जापानविरुद्ध मेक्सिको (२–१)
न्युजिल्यान्डविरुद्ध होन्डुरस (२–३)
रोमानियाविरुद्ध दक्षिण कोरिया (०–४)
अष्ट्रेलियाविरुद्ध स्पेन (०–१)
साउदी अरेवियाविरुद्ध जर्मनी (२–३)
May 21, 2024
एजेन्सी – ग्यारेथ साउथगेटले युरो २०२४ का लागि आफ्नो ३३ खेलाडीको प्रारम्भिक इंग्ल्याण्ड टोली सार्वजनिक गरेका छन् । तीन वर्ष अघि घरेलु भूमिमा फाइनलमा पराजित इंग्ल्याण्ड यस पटक पनि उपाधि दावेदारको रुपमा रहेको छ । पछिल्लो केहि वर्षमा टोलीको महत्वपुर्ण खेलाडीका रुपमा रहेका मार्कस रासफोर्ड, जोर्डन हेन्डरसन र रहिम स्टर्लिङ यसपटक भने टोलीमा परेका छैनन् […]
May 21, 2024
एजेन्सी – स्टार खेलाडी क्रिस्टियनो रोनाल्डो व्यक्तिगत छैठौँ युरोपियन च्याम्पियनसिपका लागि पोर्चुगलको प्रारम्भिक टोलीमा परेका छन् । सन् २०१६ को युरोपियन च्याम्पियनसिपमा पोर्चुगलले उपाधि जित्दा नेतृत्व गरेका क्रिस्टियानो रोनाल्डोलाई युरो २०२४ का लागि रोबर्टो मार्टिनेजको २६ सदस्यीय टोलीमा समावेश गरेका हुन् । ३९ वर्षिय रोनाल्डो प्रतियोगितामा १४ गोलसहित कीर्तिमान गोलकर्ता हुन् भने उनले प्रतियोगितामा सबैभन्दा […]
May 21, 2024
काठमाडौं (हाम्रो खेलकुद) – समाज कल्याण खेलकुद केन्द्र क्लब जारी सहिद स्मारक सि डिभिजन लिगको चौथो स्थानमा उक्लिएको छ । मंगलवार भएको दिनको दोस्रो खेलमा सानेपा क्लबलाई ४-० ले हराउँदै तालिकाको शीर्ष स्थानमा उक्लिएको हो । जित हासिल गरेको समाज कल्याणको ९ खेलमा १६ अंक भएको छ । पराजित सानेपाको समान ९ खेलमा ११ अंक […]