3 years ago
July 28, 2021
एजेन्सी – सिनियर टोलीका समेत सदस्य रहेका रिचार्लीसनले दुई गोल गरेपछि ब्राजिल टोकियो ओलम्पिक अन्तर्गत पुरुष फुटबलमा समूह विजेता बन्दै क्वाटरफाइनलमा पुग्न सफल भएको छ । ब्राजिलले समूह चरणको अन्तरगतको अन्तिम खेलमा साउदी अरेबियाको यु–२३ टोलीलाई ३–१ ले पराजित गर्दै समूह ‘डी’ बाट अपराजित रहेर अन्तिम आठमा पुग्न सफल भएको हो । साइतामा स्टेडियममा बुधबार […]
एजेन्सी – सिनियर टोलीका समेत सदस्य रहेका रिचार्लीसनले दुई गोल गरेपछि ब्राजिल टोकियो ओलम्पिक अन्तर्गत पुरुष फुटबलमा समूह विजेता बन्दै क्वाटरफाइनलमा पुग्न सफल भएको छ ।
ब्राजिलले समूह चरणको अन्तरगतको अन्तिम खेलमा साउदी अरेबियाको यु–२३ टोलीलाई ३–१ ले पराजित गर्दै समूह ‘डी’ बाट अपराजित रहेर अन्तिम आठमा पुग्न सफल भएको हो ।
साइतामा स्टेडियममा बुधबार भएको खेलको १४औं मिनेटमा म्याथ्थुस कुन्हाको गोलबाट ब्राजिलले अग्रता लिएको थियो । उनले क्लाउडिन्होको पासमा गोल गरेका थिए ।
२७औं मिनेटमा अब्दुल्लाह अल एम्रीले गोल गर्दै खेललाई १–१ गोलको बराबरीमा ल्याए । उनले सलमान अल फराजको पासमा गोल गरेका थिए । त्यसपछिको दुवै गोल दोस्रो हाफमा रिचार्लीसनको नाममा रह्यो ।
७६औं मिनेटमा रिचार्लीसनले ब्रुनो गुइमारेसको पासमा गोल गर्दै ब्राजिललाई २–१ ले अघि बढाए । इन्ज्युरी समयको थप गरिएको तेस्रो मिनेटमा रिचार्लीसनले व्यक्तिगत दोस्रो तथा टोलीका लागि तेस्रो गोल गर्दै ब्राजिललाई ३–१ को जित दिलाए । उनले रेनिएरको पासमा दोस्रो गाल गरेका थिए ।
यो जितसँगै ब्राजिलले समूह ‘डी’ बाट ३ खेलमा ७ अंक जोड्यो । साउदी अरेबिया अंकविहीन हुदै समूह चरणबाट बाहिरियो । यही समूहको अर्काे खेलमा जर्मनी र आइभोरीकोस्टले १–१ गोलको बराबरी खेल्दै अंक बाड्दा आइभोरी कोस्ट समूह उपविजेताको रुपमा अन्तिम आठमा पुग्न सफल भयो ।
आइभोरी कोस्टले ५ तथा जर्मनीले ४ अंक जोड्यो । आइभोरी कोस्टसँगको बराबरीसँगै जर्मनी समूह चरणबाटै बाहिरिएको छ । प्रतिस्पर्धात्मक खेलको ६७औं मिनेटमा बेन्जामिन हेनरिचको आत्मघाती गोलबाट आइभोरी कोस्टले अग्रता लिएको थियो । ७३औं मिनेटमा इडुआर्ड लोवेनले गोल गर्दै जर्मनीलाई हारबाट जोगाए ।
यस्तै समूह ‘बी’ बाट दक्षिण कोरिया समूह विजेता बन्दा न्युजिल्यान्ड उपविजेताको रुपमा अन्तिम आठमा पुग्न सफल भएको छ । समूह चरणको अन्तिम खेलमा उइ जो ह्वाङको ह्याट्रिक मद्दतमा दक्षिण कोरियाले १० खेलाडीमा समेटिएको होन्डुरसलाई ६–० ले पराजित गर्दै समूह विजेता बन्यो ।
दक्षिण कोरियाको फराकिलो जितमा डो जाई वन, जिन या किम र काङ इन लिले समान एक गोल थपे । होन्डुरस ३९औं मिनेटमा १० खेलाडीमा समेटिएको थियो । त्यसअघि कोरियाले २–० को अग्रता बनाइसकेको थियो ।
अर्काे खेलमा रोमानिया र न्युजिल्यान्डले गोलरहित बराबरी खेल्दै अंक बाँडेका छन् । न्युजिल्यान्ड अघिल्लो चरण प्रवेश गर्दा रोमानिया समूह चरणबाटै बाहिरिएको छ ।
May 1, 2024
एजेन्सी – युरोपेली च्याम्पियन्स लिग अन्तर्गत पहिलो सेमीफाइनलको पहिलो लेगमा बायर्न म्युनिख र रियल म्याड्रिडले बराबरी खेलेका छन् । घरेलु मैदान आलियान्ज एरिनामा भएको खेलमा बायर्नले खेलमा रहेको अग्रता अन्तिम तिर गुमाउन पुगेको थियो । १-० ले पछि परेको अवस्था उल्ट्याउँदै बायर्नले हाफको सुरुवातमै गोलको अग्रता बनाएको हो । तर खेलको अन्त्यतिर रियलले बराबरी गोल […]
April 30, 2024
काठमाडौं (हाम्रो खेलकुद) – सागर थिङले दोस्रो हाफमा गरेको ह्याट्रिक सहित पुल्चोक स्पोर्ट्स क्लबले सहिद स्मारक सि डिभिजन लिगमा मंगलबार सहज जित दर्ता गरेको छ । पुल्चोकले रानीवन स्पोर्ट्स क्लब माथि ४-० को सहज जित दर्ता गरेको हो । पुल्चोकका लागि सागर थिङले ह्याट्रिक गरे । उनले दोस्रो हाफमा मैदान प्रवेश गर्दा ८२औं मिनेट सहित […]
April 30, 2024
काठमाडौं (हाम्रो खेलकुद) – कोशी प्रदेश र सुदूरपश्चिम प्रदेश एन्फा महिला लिगको अन्तिम चरणका लागि छनोट भएका छन् । कर्णाली प्रदेशलाई लिग छनोटमा मंगलबार १–० ले पराजित गरेसँगै सुदूरपश्चिम लिगको अन्तिम चरणका लागि छनोट हुन सफल भएको हो । ५ खेलमा शीर्षस्थानको रहेको कोशीको १३ र सुदूरपश्चिमको १२ अंक छ । अन्तिम खेल अघि नै […]