काठमाडौं (हाम्रो खेलकुद)– मलेसियाको कुचिङमा जारी एएफसी सोलिडारिटी कपको समूह चरणमा नेपाल र टिमोर लेस्टेबीचको खेलको पहिलो हाफ गोलरहित बराबरीमा टुंगिएको छ ।

समूह एको पहिलो खेलमा ब्रुनाईसँग ४–० ले पराजित भएको लेस्टले नेपालविरुद्ध सुधारिएको प्रदर्शन गरेको छ । आजको खेल हारेमा लेस्टे प्रतियोगिताबाट बाहिरनेछ । नेपालको भने यो पहिलो खेल हो । नेपालले अर्को खेल मंगलबार ब्रनाईसँग खेल्नेछ । समूहका शीर्ष २ टोली सेमिफाइनलमा पुग्नेछन् । अर्को समूहमा श्रीलंका, लावस, मंगोलियो र मकाउ रहेका छन् ।
नेपाल र लेस्टेपछि झन्डै पाँच बर्षपछि पहिलो पटक प्रतिस्पर्धा भइरहेको हो । यसअघि सन् २०१४ को विश्वकपका लागि २०११ मा काठमाडौंमा भएको पहिलो चरणको छनोटमा यी दुई टोलीबीच प्रतिस्र्धा हुँदा दुवै खेलमा नेपाल विजी भएको थियो । त्यति बेला नेपालले पहिलो खेल २–१ र दोस्रो खेल ५–० ले जितेको थियो ।