3 years ago
August 3, 2021
प्रकाश तिमल्सिना, काठमाडौं अखिल नेपाल फुटबल संघ (एन्फा) का वरिष्ठ उपाध्यक्ष पंकजविक्रम नेम्बाङ र राष्ट्रिय फुटबल टोलीका मुख्य प्रशिक्षक अब्दुल्लाह अलमुताइरीबीचको पछिल्लो विवाद समाधानतर्फ अघि बढेको छ । नेम्बाङ र अलमुताइरीबीच मंगलबार एक होटलमा भएको भेटपछि दुवै पक्ष पुरानो विवादलाई नचर्काउन र आउने दिनमा सहकार्य गर्दै अघि बढ्न सहमत भएपछि तत्कालका लागि विवाद समाधान हुने भएको […]
प्रकाश तिमल्सिना, काठमाडौं
अखिल नेपाल फुटबल संघ (एन्फा) का वरिष्ठ उपाध्यक्ष पंकजविक्रम नेम्बाङ र राष्ट्रिय फुटबल टोलीका मुख्य प्रशिक्षक अब्दुल्लाह अलमुताइरीबीचको पछिल्लो विवाद समाधानतर्फ अघि बढेको छ ।
नेम्बाङ र अलमुताइरीबीच मंगलबार एक होटलमा भएको भेटपछि दुवै पक्ष पुरानो विवादलाई नचर्काउन र आउने दिनमा सहकार्य गर्दै अघि बढ्न सहमत भएपछि तत्कालका लागि विवाद समाधान हुने भएको छ । दुवै पक्षले संयुक्त विज्ञप्ती जारी गर्दै फुटबलप्रेमीलाई सकारात्मक सन्देश दिने तयारी गरिरहेको बुझिएको छ । सम्भवतः बुधबार संयुक्त वक्तव्य सार्वजनिक हुनेछ ।
नेपाल एक्वेस्टरियन संघका अध्यक्ष रवि राजकर्णिकारको पहलमा नेम्बाङ र अलमुताइरीबीच विवाद साम्य पार्न भेटघाट भएको थियो । एन्फाले पनि विवाद समाधान गर्न नसकेपछि युवा तथा खेलकुद मन्त्रालयलाई छानबिनका लागि सिफारिस भएको थियो । मन्त्रालयले दिएको निर्देशन अनुसार राष्ट्रिय खेलकुद परिषद् (राखेप) ले सदस्य पुरेन्द्रविक्रम लाखेको संयोजकत्वमा ७ सदस्यीय छानबिन समिति गठन गरेकै दिन नेम्बाङ र अलमुताइरीबीच सहमति भएको छ ।
‘सबै पक्ष फुटबलको विकास चाहेको देखिन्छ । उहाँहरुले विगतलाई कोट्याउने भन्दा पनि आउने दिनमा मिलेर काम गर्ने विषयमा सहमति भएको छ’, राजकर्णिकारले भने, ‘विवादको धेरै ठूलो विषय थिएन । तर उहाँहरुका बीचमा संवाद हुन सकेको थिएन । आज सम्भव भयो र सहमति पनि बन्यो । औपचारिक रुपमा भोली उहाँहरुले सञ्चारमाध्यमलाई जानकारी गराउनुहुने सम्भावना छ ।’
नेम्बाङले पनि फुटबल विकासका लागि आफू सहकार्य गरेर अघि बढ्न तयार रहेको भेटका क्रममा बताएको बुझिएको छ । एकअर्कासँग त्यसअघि भेट सम्म नभएका अलमुताइरी र नेम्बाङबीच पटक पटकको प्रयासपछि भेट सम्भव भएको बताइएको छ । राजकर्णिकारले पहल गरेको भेटमा अलमुताइरती तथा नेम्बाङका साथमा अर्का उपाध्यक्ष वीरबहादुर खड्का र सदस्य किरण राई थिए ।
नेपालका लागि कतारका राजदुत युसुफ बिन मोहम्मद अल हैलसँग व्यक्तिगत सम्बन्धका कारण यो विवाद समाधानका लागि आफूले पहल लिएको राजकर्णिकारले बताए । ‘यो विवादबाट राजदुत निकै चिन्तित हुनुहुन्थ्यो । अलमुताइरीलाई नेपाल ल्याउनका लागि उहाँले पनि पहल गर्नुभएको थियो’, राजकर्णिकारले भने,‘सकिन्छ भने मिलाउने प्रयास गरौं भन्नुभयो । हामीले त्यहि अनुसार पहल गरौं । आज सुखद नतिजा निस्केको छ । अब सबैले फुटबल विकासमा केन्द्रित हुनुपर्दछ ।’
फुटबलका सरोकारवाला सबै यो विवाद समाधान होस् भन्ने पक्षमा रहेको आफूले पाएको राजकर्णिकारले बताए । ‘मैले पूर्व खेलाडी, प्रशिक्षकहरुसँग पनि यो विषयमा केहि सल्लाह लिएको थिएँ’, नेपाल ओलम्पिक कमिटी (एनओसी) का पूर्व सदस्य समेत रहेका राजकर्णीकारले भने,‘फुटबलमा केहि राम्रो होला जस्तो हुँदा विवाद भयो भन्ने धेरेको चिन्ता रहेको पाए । सकिन्छ भने मिलाउन भन्ने सबैको मनसाय बुझेपछि पहल लिएको हुँ ।’
गत साता नै नेम्बाङसँग अलमुताइरीको सहमित गराउने प्रयास भएपनि आज मात्र सफल भएको बताइएको छ । अलमुताइरी र दुई सञ्चारकर्मीसँगको विवादबाट बढ्दै जाँदा त्यसमा नेम्बाङ पनि तानिएका थिए । अघिल्लो आइतबार अलमुताइरीले वरिष्ठ उपाध्यक्ष नेम्बाङका कारण आफूलाई काम गर्न अप्ठेरो भएको आशयाका साथ पदबाट राजीनामा दिने घोषणा फेसबुकमार्फत गरेका थिए ।
सञ्चारकर्मीसँगको घटनामा नेम्बाङको संलग्नता रहेको दाबी अलमुताइरीले गर्दै आएाक छन् । त्यसमा नेम्बाङले कडा आपत्ती जनाउँदै अलमुताइरीविरुद्ध छानबिनको माग राखेका थिए । अलमुताइरीले पनि नेम्बाङ र दुई सञ्चारकर्मीविरुद्ध छानबिनको माग गरेका थिए ।
त्यस विषयमा छलफल गर्न बसेकेको शुक्रबार बसकेको एन्फा केन्द्रिय समितिको आपतकालिन बैठकले मन्त्रालयलाई छानबिनका लागि अनुरोध गर्ने निर्णय गरेको थियो । एन्फाले अर्को निर्णय नभएसम्मका लागि अलमुताइरीलाई राष्ट्रिय टोलीको प्रशिक्षणबाट रोक लगाएको छ । साफ च्याम्पियनसिपको तयारीमा रहेको टोलीलाई एन्फाले १० दिनका लागि विश्राम दिएको छ ।
मन्त्रालयलाई छानबिन गर्न दिने नहुने तर्क गर्दै एन्फा सदस्य किरण राईले सोमबार प्रवक्ताबाट राजीनामा दिएका थिए । दुई सञ्चारकर्मीका विषयमा पनि दुई पक्ष बसेर समाधान निकाल्न पहल गर्ने सहमति भएको बताइएको छ । अब दुवै पक्षबीच सहमति बनेसँगै सबै विवाद मत्थर हुने आँकलन गरिएको छ ।
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]
April 19, 2024
एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]