एजेन्सी – अन्तर्राष्ट्रिय फुटबलका सर्वाधिक गोलकर्ता, स्टार फरवार्ड तथा कप्तान क्रिस्टियानो रोनाल्डोविना नै पोर्चुगलले अन्तर्राष्ट्रिय मैत्रीपुर्ण खेलमा कतारमाथि सहज जित हात पारेको छ ।

पोर्चुगलले ९ खेलाडीमा समेटिएको फिफा विश्वकप २०२२ को आयोजक कतारमाथि ३–१ को सहज जित हात पारेको हो । पोर्चुगलको जितमा आन्द्रे सिल्भा, ओटाभियो र ब्रुनो फर्नान्डेसले गोल गर्दा कतारका एडिलकारिम हसन फाडाल्लाले एक गोल फर्काए ।

हंगेरीमा शनिबार राति भएको खेलको २३औं मिनेटमा कप्तान रोनाल्डोको अनुपस्थितिमा पहिलो रोजाईमा आक्रमणको जिम्मेवारी पाएका आन्द्रे सिल्भाको गोलबाट पोर्चुगलले अग्रता लिएको थियो । २५औं मिनेटमा ओटाभियोले गोल गर्दै पोर्चुगलको अग्रता दोब्बर पारे ।

४३औं मिनेटमा गोलरक्षक मेसाल वर्षहम सिधै रातो कार्ड खाँदै मैदानबाट बाहिरिएपछि कतार १० खेलाडीमा सीमित बनेको थियो । गोन्कालो गुइडेसलाई फल गरेपछि रेफ्रीले भिएआरको सहायता लिदै उनलाई रातो कार्ड देखाउँदै मैदान बाहिर पठाएको थियो ।

१० खेलाडीमा समेटिएको कतारले ६१औं मिनेटमा एडिलकारिम हसन फाडाल्लाले एक गोल फर्काए । उनले अक्रप एफिफको पासमा गोल गरेका थिए । ८८औं मिनेटमा ब्रुनो फर्नान्डेसले पेनाल्टीमा गोल गर्दै पोर्चुगलको जित पक्का गरे । ब्रुनो ५९औं मिनेटमा जोओ मौटिन्होको स्थानमा मैदान छिरेका थिए ।

पोर्चुगललाई अनावश्य पेनाल्टी दिएको भन्दै रेफ्रीसँग खराव आचरणसहित विवादमा उत्रने प्रयास गरेपछि रेफ्रीले ८८औं मिनेटमा बोउएलेम खोउकी सिधै रातो कार्ड खाँदै मैदानबाट बाहिरिएपछि कतार ९ खेलाडीमा सीमित बनेको थियो ।

कतारविरुद्ध प्रशिक्षक फर्नान्डो सान्तोषले युवा खेलाडीलाई मौका दिएको थियो । ओटाभियो र एन्थोनी लोपेसले पहिलो रोजाईमा अवसर पाए । विश्वकप छनोटको खेलमा गत बिहीबार उत्तरी आयरल्यान्डविरुद्ध दुई गोल गर्दै अन्तर्राष्ट्रिय फुटबलम ासर्वाधिक गोल गर्ने कीर्तिमान बनाएपछि जर्सी फुकाल्दै खुशीयाली मनाएपछि उनी एक खेलको प्रतिबन्धमा परेपछि उनलाई पोर्चुगलले फुकुवा गरेको थियो । उनी शुक्रबार इंग्ल्यान्ड पुगिसकेका छन् । उनले कम्तीमा पनि ५ दिन आइसोलेसन बस्नुपर्नेछ ।