3 years ago
October 4, 2021
काठमाडौं (हाम्रो खेलकुद) – माल्दिभ्समा जारी साफ च्याम्पियनसिपमा नेपालले खेल्ने बाँकी खेलको प्रत्यक्ष प्रसारण डिश होमको एक्सन स्पोर्टस्ले गर्ने भएको छ । अखिल नेपाल फुटबल संघ (एन्फा) महासचिव इन्द्रमान तुलाधरका एन्फा र साफ च्याम्पियनसिपको ब्रोडकास्टरबीच प्रत्यक्ष प्रसारणका लागि सम्झौता भएको छ । त्यस्तै एन्फाले एक्सन स्पोर्टसबाट प्रत्यक्ष प्रसारण गर्नका लागि एड रिलिज प्रा.लिसँग आज राती […]
काठमाडौं (हाम्रो खेलकुद) – माल्दिभ्समा जारी साफ च्याम्पियनसिपमा नेपालले खेल्ने बाँकी खेलको प्रत्यक्ष प्रसारण डिश होमको एक्सन स्पोर्टस्ले गर्ने भएको छ । अखिल नेपाल फुटबल संघ (एन्फा) महासचिव इन्द्रमान तुलाधरका एन्फा र साफ च्याम्पियनसिपको ब्रोडकास्टरबीच प्रत्यक्ष प्रसारणका लागि सम्झौता भएको छ ।
त्यस्तै एन्फाले एक्सन स्पोर्टसबाट प्रत्यक्ष प्रसारण गर्नका लागि एड रिलिज प्रा.लिसँग आज राती ९:०० बजे सम्झौता गरेको हो । एक्सन स्पोर्टस्ले नेपाल र श्रीलंकाबीच आज राती ९:४५ बजे सुरु हुने खेलको प्रत्यक्ष प्रसारण गर्ने तय भएको छ । नेपालले अर्को खेल असोज २४ गते भारत र राउन्ड रोविनको अन्तिम खेल असोज २७ गते बंगलादेशविरुद्ध खेल्नेछ ।
आयोजक माल्दिभ्सलाई असोज १५ गते १–० ले हराउँदै नेपालले विजयी सुरुवात गरेको थियो । परिवर्तित खेलाडीका रुपमा मैदान प्रवेश गरेका मनिष डाँगीले ८५ औं मिनेटमा गरेको गोलमा नेपालले माल्दिभ्सविरुद्ध पहिलो जित हासिल गरेको थियो । ५ टोलीको सहभागिता रहेको च्याम्पियनसिपमा बंगलादेशले २ खेलमा ४ अंक जोडेको छ । पहिलो खेलमा श्रीलंकालाई १–० ले हराएको बंगलादेशले सोमबार पहिलो खेल खेलेको भारतसँग १–१ को बराबरी खेलेको थियो ।
आज राती हुने खेलमा नेपाल लगातार दोस्रो जितको खोजीमा हुँदा च्याम्पियनसिपमा अगाडि बढ्नका लागि श्रीलंकालाई पनि जित्दै पर्ने दबाब हुनेछ । नेपाल र श्रीलंका सन् २०१६ पछि पहिलोपटक आमाने–सामाने हुन लागेका हुन् ।
बंगलादेशमा भएको बंगबन्धु गोल्डकप पछिल्लो पटक भेट हुँदा नेपालले श्रीलंकासँग १–० को जित निकालेको थियो । जसमा विमल घर्तिमगरले गोल गरेका थिए । त्यसअघि साफ च्याम्पियनसिप २०१५ मा भने नेपाल श्रीलंकासँग अन्तिम समयमा गोल खाँदै १–० ले पराजित भएको थियो । समग्रमा नेपालले श्रीलंकासँग १७ खेलमा ३ जित निकालेको छ । नेपाल र श्रीलंकाबीचको ८ खेल बराबरी टुंगिदा ६ खेलमा श्रीलंका विजयी भएको थियो ।
प्रशिक्षक अब्दुल्लाह अलमुताइरीले माल्दिभ्सविरुद्ध पहिलो खेलमा जित हासिल गरेको टोलीबाट २ परिवर्तन गरेका छन् । प्रशिक्षक अलमुताइरीले पहिलो खेलको तुलनामा आक्रामक परिवर्तन गरेका हुन् । पछिल्लो खेलबाट दीनेश राजवंशी र सुजल श्रेष्ठको स्थानमा सुमन लामा र विशाल राई टोलीमा आएका छन् ।
नेपालको गोलरक्षक किरण चेम्जोङले टोलीको कप्तानी गर्नेछन् । डिफेन्समा अनन्त तामाङलाई रोहित चन्दले साथ दिनेछन् । अघिल्लो खेलमा रोहितले मिडफिल्डमा खेल्दा दीनेश सेन्टर डिफेन्समा खेलेका थिए । पछिल्लो खेलझैं गौतम श्रेष्ठ र सुमन अर्याल निरन्तर विंगब्याकमा छन् ।
मिडफिल्डमा पुजन उपरकोटी र तेज तामाङले विशाल राईको साथ पाउनेछन् । अघिल्लो खेलमा बेन्चबाट मैदान प्रवेश गरेका विशालले आज सुरुवाती ११ मा स्थान बनाएका हुन् । आक्रमणमा अन्जन विष्ट र नवयुग श्रेष्ठसँगै सुमन लामा अग्रपंक्तिमा छन् । सुमनले आजको खेलमा सुजलको स्थान लिनेछन् ।
राउण्ड रोबिन लिगमा बंगलादेश २ खेलमा ४ अंक जोड्दै अंक तालिकाको शीर्षस्थानमा छ । नेपाल १ खेलमा ३ अंकसहित दोस्रो स्थानमा छ । भारत १ खेलमा १ अंकसहित तेस्रो स्थानमा रहँदा श्रीलंका र माल्दिभ्स अंकविहिन छन् । नेपाल र श्रीलंकाबीच आज राती ९:४५ बजे दोस्रो खेल हुनेछ ।
आज भएको पहिलो खेलमा १० खेलाडीमा सिमित बंगलादेशले भारतलाई बराबरीमा रोकेको थियो । विस्तृतमा यहाँ पढ्नुहोस : भारत १० खेलाडीमा सिमित बंगलादेशसँग बराबरीमा रोकियो
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]