3 years ago
October 28, 2021
एजेन्सी – स्पेनिस ला लिगामा रियल म्याड्रिड बराबरीमा रोकिदा क्याटलान क्लब बार्सिलोनाले हार बेहोरेको छ । गत आइतबार ‘एल क्लासिको’ मा बार्सिलोनालाई हराएको रियल म्याड्रिड घरेलु मैदानमा ओसासुनासँग गोलरहित बराबरीमा रोकिएको छ । स्टेडियो सान्टियागो बर्नबेउमा बुधबार राति भएको खेलमा ओसासुनालाई बल पोसेसनमा दवावमा राखेपनि फिनिसिङमा चुक्दा रियल बराबरीमा रोकिन बाध्य बन्यो । २२औं मिनेटमा […]
एजेन्सी – स्पेनिस ला लिगामा रियल म्याड्रिड बराबरीमा रोकिदा क्याटलान क्लब बार्सिलोनाले हार बेहोरेको छ । गत आइतबार ‘एल क्लासिको’ मा बार्सिलोनालाई हराएको रियल म्याड्रिड घरेलु मैदानमा ओसासुनासँग गोलरहित बराबरीमा रोकिएको छ ।
स्टेडियो सान्टियागो बर्नबेउमा बुधबार राति भएको खेलमा ओसासुनालाई बल पोसेसनमा दवावमा राखेपनि फिनिसिङमा चुक्दा रियल बराबरीमा रोकिन बाध्य बन्यो । २२औं मिनेटमा मार्काे एसेन्सियोको पासमा इडुआर्ड कामाभिंगाको प्रहार पोस्ट नजिकैबाट बाहिरियो । २४औं मिनेटमा फर्लान्ड मेन्डीको पासमा भिनिसियस जुनियरको प्रहार चुक्दा रियल अग्रता लिनबाट चुक्यो ।
३०औं मिनेटमा इडर मिलिसाओको प्रहारलाई ओसासुनाका गोलरक्षक सर्जियो हेरेराले बचाए । लगत्तै ३१औं मिनेटमा भिनिसियसको प्रहारमा गोलरक्षक हेरेरा नै बाधक बन्यो । ५०औं मिनेटमा एभिलाको क्रस पासमा मोन्कायोलाको प्रहार पोस्टमा लागेर बाहिरिदा पाहुना टोली ओसासुना अग्रता लिनबाट चुक्यो ।
६२औं मिनेटमा भिनिसियस जुनियरको पासमा करिम बेन्जेमाको प्रहार बारमा लागेर फर्कदा रियलले खेलमा अग्रता लिन सकेन । त्यसपछि पनि रियलले आधादर्जन अवसर सिर्जना गरेपनि ओसासुनाका डिफेन्डर र गोलरक्षक बाधक बन्दा रियल जितबाट वञ्चित बन्यो ।
बराबरीपछि रियल १० खेलबाट २१ अंक जोडेर शीर्षस्थानमा उक्लिएको छ । समान २१ अंक नै रहेपनि सेभिया, रियल बेटिस र रियल सोसिडाड शीर्ष चारमा रहेका छन् । ओसासुना १९ अंक जोडेर छैटौं स्थानमा रहेको छ ।
अर्काे खेलमा बार्सिलोना रायो भालेकानोसँग १–० ले स्तब्ध बनेको छ । बार्सिलोनालाई स्तब्ध पार्न पहिलो हाफमा राडामेल फल्काओको गोल नै निर्णायक बन्यो । उनले ३०औं मिनेटमा गोल गरेका थिए । बार्सिलोनाको यो लगातार दोस्रो हार हो । यसअघि बार्सिलोनाले रियल म्याड्रिडसँग २–१ को हार बेहोरेको थियो ।
हारपछि बार्सिलोना १० खेलबाट १५ अंक जोडेर नवौं स्थानमा यथावत रहँदा रायो भालेकानो११ खेलबाट १९ अंक जोडेर पाँचौ स्थानमा उक्लिएको छ ।
अन्य नतिजा
स्पान्योलविरुद्ध एट्लेटिको बिल्वाओ (१–१), भिल्लारियलविरुद्ध क्याडिज (३–३), मलोर्काविरुद्ध सेभिया (१–१), रायो भालेकानोविरुद्ध बार्सिलोना (१–०), रियल बेटिसविरुद्ध भ्यालेन्सिया (४–१) र रियल म्याड्रिडविरुद्ध ओसासुना (०–०)
May 4, 2024
एजेन्सी – कीर्तिमानी विजेता टोली रियल म्याड्रिड स्पेनिस शीर्ष डिभिजन ला लिगाको उपाधिको नजिक पुगेको छ । काडिज माथि शनिबार भएको खेलमा ३-० को जित निकाल्दै रियलको ४ खेल बाँकी छँदै २०२३/०२३ लिग उपाधिको नजिक पुगेको हो । रियलको जितमा ब्राहिम डियाज, जुड बेलिङ्घम र जोसेलुले समान १ गोल गरे । ५१औं मिनेटमा बक्सको छेउबाट […]
May 4, 2024
एजेन्सी – इंग्लिश प्रिमियर लिगको शीर्ष स्थानमा रहेको टोली आर्सनलले बर्नमाउथलाई पराजित गरेको छ । शनिबार भएको दिनको पहिलो खेलमा आर्सनल ३-० ले विजयी भएको हो । आक्रामक खेल प्रदर्शन गरेतापनि आर्सनलले अग्रता लिन पहिलो हाफको अन्त्य कुर्नु परेको थियो । बर्नमाउथका गोलरक्षक मार्क ट्राभर्सले काई हाभर्ट्ज माथि फाउल गरेपछि पाएको पेनाल्टीमा गोल गर्दै बुकायो […]
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले पहिलो खेलमा गोलरहित बराबरी खेलेको छ । एल्डरशट स्थित मिलिटरी स्टेडियममा भएको खेलमा नेपालले ब्रिटिश आर्मी टोली विरुद्ध गोलरहित बराबरी खेलेको हो । नेपाली टोली भिसा ढिलो आएका कारण अन्योलमा रहेको खेल अन्त्यमा तालिका अनुसार नै अघि बढेको थियो । खेल अवधिभर नेपाली टोली […]